Éxodo 20:15 - Li Santil hu

¹⁵ Mex-elkꞌac.

Q'eqchi Bible

¹⁵ “Mat-elq'ak.

Éxodo 20:15 ပူးပေါင်းရင်းမြစ်များ

Romanos 13:9

Joꞌcaꞌin naxye saꞌ li chakꞌrab: Matmuxuc caxa̱r; ma̱camsi a̱cuas a̱cui̱tzꞌin; mat-elkꞌac, matyoꞌoban a̱tin chirix la̱ cuas a̱cui̱tzꞌin; ma̱rahi ru li jalan aj e. Ut cui ta̱ra la̱ cuas a̱cui̱tzꞌin joꞌ nak nacara a̱cuib la̱at, riqꞌuin aꞌan yo̱cat chixba̱nunquil chixjunil li naxye li chakꞌrab.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

San Mateo 19:18

Ut li cui̱nk quixye: —¿Cꞌaꞌru li chakꞌrab li nacaye?— Ut li Jesús quixye re: —Ma̱camsi a̱cuas a̱cui̱tzꞌin. Matmuxuc caxa̱r. Mat-elkꞌac. Matkꞌaban.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

San Juan 12:6

Ma̱cuaꞌ xban nak naxraheb li nebaꞌ nak quixye aꞌan. Quixye chi joꞌcan xban nak aj e̱lkꞌ. Riqꞌuin aꞌan cuan lix bo̱lsil li tumin ut cuan nak naxchap chokꞌ re aꞌan li tumin cuan chi saꞌ.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

San Mateo 21:13

Quixye reheb: —Joꞌcaꞌin tzꞌi̱banbil saꞌ li Santil Hu chirix li rochoch li Dios: Li cuochoch aꞌin re teꞌtijok cuiꞌ li tenamit nak cuan. Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús reheb.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.

Éxodo 21:16

Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k.

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

Deuteronomio 5:19

Mex-elkꞌac.