Éxodo 20:13 - Li Santil hu

¹³ Me̱camsi e̱ras e̱ri̱tzꞌin.

Q'eqchi Bible

¹³ “Maa'ani aakamsi.

Éxodo 20:13 ပူးပေါင်းရင်းမြစ်များ

Romanos 13:9

Joꞌcaꞌin naxye saꞌ li chakꞌrab: Matmuxuc caxa̱r; ma̱camsi a̱cuas a̱cui̱tzꞌin; mat-elkꞌac, matyoꞌoban a̱tin chirix la̱ cuas a̱cui̱tzꞌin; ma̱rahi ru li jalan aj e. Ut cui ta̱ra la̱ cuas a̱cui̱tzꞌin joꞌ nak nacara a̱cuib la̱at, riqꞌuin aꞌan yo̱cat chixba̱nunquil chixjunil li naxye li chakꞌrab.

Deuteronomio 5:17

Me̱camsi e̱ras e̱ri̱tzꞌin.

Éxodo 21:14

Cui cuan junak yo̱ xjoskꞌil saꞌ xbe̱n li ras ri̱tzꞌin ut cui tixcamsi chi yal ta̱raj xchꞌo̱l, li jun aꞌan ta̱siqꞌuekꞌ toj retal teꞌxtau. Usta cuan chak saꞌ lin artal, teꞌrisi chak ut teꞌxcamsi.

Santiago 2:11

Li Dios quixye: Matmuxuc caxa̱r. Ut quixye ajcuiꞌ: Ma̱camsi a̱cuas a̱cui̱tzꞌin. Li ani incꞌaꞌ namuxuc caxa̱r, abanan cui xcamsi li ras ri̱tzꞌin, riqꞌuin xba̱nunquil aꞌan, naxkꞌet li chakꞌrab.

San Mateo 19:18

Ut li cui̱nk quixye: —¿Cꞌaꞌru li chakꞌrab li nacaye?— Ut li Jesús quixye re: —Ma̱camsi a̱cuas a̱cui̱tzꞌin. Matmuxuc caxa̱r. Mat-elkꞌac. Matkꞌaban.

Levítico 24:21

Li ani tixcamsi junak xul, tento tixqꞌue re̱kaj li xul li xcamsi. Ut li ani tixcamsi ras ri̱tzꞌin, tento nak ta̱camsi̱k aꞌan.

Éxodo 21:20

Cui junak patrón tixsacꞌ riqꞌuin cheꞌ lix lokꞌbil mo̱s cui̱nk malaj lix lokꞌbil mo̱s ixk, ut ta̱ca̱mk saꞌ rukꞌ, tento nak li patrón tixtoj xma̱c.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

1 Timoteo 1:9

Joꞌcan nak nacuaj nak te̱qꞌue retal nak li chakꞌrab moco qꞌuebil ta reheb li ti̱queb xchꞌo̱l. Reheb ban li incꞌaꞌ nequeꞌabin ut li nequeꞌkꞌetoc re li chakꞌrab. Reheb ajcuiꞌ li incꞌaꞌ useb xnaꞌleb ut eb laj ma̱c. Reheb ajcuiꞌ li incꞌaꞌ nequeꞌpa̱ban re li Dios chi moco cuanqueb junak xpa̱ba̱leb. Ut reheb ajcuiꞌ laj camsinel ut li nequeꞌxcamsi xnaꞌ xyucuaꞌeb.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Hechos 28:4

Li cuanqueb saꞌ li naꞌajej Malta, nak queꞌril li cꞌambolay tꞌuytꞌu chi rukꞌ, queꞌxye chi ribileb rib: —Relic chi ya̱l nak li cui̱nk aꞌin, aꞌan aj camsinel. Xcoleꞌ chak chiru li palau, abanan incꞌaꞌ ta̱canaba̱k chi yoꞌyo arin chi incꞌaꞌ tixcꞌul xtojbal rix lix ma̱c, chanqueb.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

2 Crónicas 24:22

Quisach saꞌ xchꞌo̱l li rey Joás li usilal li qui-ux re xban laj Joiada lix yucuaꞌ laj Zacarías. Quixqꞌue ban chi camsi̱c laj Zacarías. Nak yo̱ chi ca̱mc, laj Zacarías quixye re: —Aꞌ taxak li Dios chi-ilok re li cꞌaꞌru xaba̱nu ut aꞌan taxak chiqꞌuehok re̱kaj a̱cue, chan.

2 Reyes 21:16

Kꞌaxal cuiꞌchic nabaleb li ma̱cꞌaꞌeb xma̱c quixcamsi laj Manasés. Chanchan nak quinujac li tenamit Jerusalén chi quicꞌ. Ut quixcꞌameb ajcuiꞌ xbeheb laj Judá chi ma̱cobc chiru li Ka̱cuaꞌ.

Éxodo 21:29

Abanan cui ac cꞌaynak chi xekꞌoc li bo̱yx ut ac quiyeheꞌ resil re laj e̱chal re abanan incꞌaꞌ naxbacꞌ, cui li bo̱yx aꞌan naxcamsi junak cui̱nk malaj junak ixk, li bo̱yx ta̱camsi̱k chi pec ut ta̱camsi̱k ajcuiꞌ laj e̱chal re.

San Marcos 10:19

La̱at nacanau cꞌaꞌru naxye li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban a̱tin chirix a̱cuas a̱cui̱tzꞌin. Matbalakꞌic. Cha-oxlokꞌi la̱ naꞌ a̱yucuaꞌ.—

San Lucas 18:20

La̱at ac nacanau cꞌaꞌru naxye saꞌ li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban ticꞌtiꞌ chirix a̱cuas a̱cui̱tzꞌin. Cha-oxlokꞌi la̱ naꞌ a̱yucuaꞌ, chan li Jesús re.

Éxodo 21:12

Li ani tixsacꞌ ras ri̱tzꞌin, toj retal tixcamsi, tento nak ta̱camsi̱k ajcuiꞌ aꞌan.

Éxodo 23:7

Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Levítico 24:17

Li ani tixcamsi ras ri̱tzꞌin tento ta̱camsi̱k.

Hechos 16:28

Ut laj Pablo quixjap re chi cau ut quixye: —Ma̱camsi a̱cuib. Chikajunilo cuanco arin, chan.