Éxodo 20:12 - Li Santil hu

¹² Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Q'eqchi Bible

¹² “Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Éxodo 20:12 ပူးပေါင်းရင်းမြစ်များ

Colosenses 3:20

Ut joꞌcan ajcuiꞌ la̱ex alalbej, junelic chexpa̱ba̱nk chiruheb le̱ naꞌ e̱yucuaꞌ xban nak aꞌan li nacuulac chiru li Ka̱cuaꞌ Dios.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

San Marcos 7:10

Laj Moisés quixye, “Cha-oxlokꞌi la̱ naꞌ la̱ yucuaꞌ ut ani tixhob xnaꞌ xyucuaꞌ, ta̱camsi̱k.”

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

San Lucas 18:20

La̱at ac nacanau cꞌaꞌru naxye saꞌ li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban ticꞌtiꞌ chirix a̱cuas a̱cui̱tzꞌin. Cha-oxlokꞌi la̱ naꞌ a̱yucuaꞌ, chan li Jesús re.

San Mateo 19:19

Cha-oxlokꞌi la̱ naꞌ a̱yucuaꞌ ut chara la̱ cuas a̱cui̱tzꞌin joꞌ nak nacara a̱cuib la̱at, chan.

Proverbios 20:20

Li ani naxtzꞌekta̱na lix naꞌ xyucuaꞌ kꞌaxal ra tixcꞌul nak ta̱ca̱mk. Chanchan nak nachup li xam saꞌ kꞌojyi̱n.

Éxodo 21:17

Ut li ani tixmajecua xnaꞌ xyucuaꞌ, aꞌan tento ta̱camsi̱k.

San Marcos 10:19

La̱at nacanau cꞌaꞌru naxye li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban a̱tin chirix a̱cuas a̱cui̱tzꞌin. Matbalakꞌic. Cha-oxlokꞌi la̱ naꞌ a̱yucuaꞌ.—

Éxodo 21:15

Li ani tixsacꞌ xnaꞌ xyucuaꞌ, aꞌan tento ta̱camsi̱k.

Deuteronomio 32:47

Li chakꞌrab li quixqꞌue li Dios ma̱cuaꞌ yal a̱tin. Cuan ban rajbal xban nak aꞌan ta̱qꞌuehok e̱yuꞌam. Cui te̱ba̱nu li cꞌaꞌru naxye saꞌ li chakꞌrab, najt texcua̱nk saꞌ li naꞌajej li xic e̱re chire̱chaninquil jun pacꞌal li nimaꞌ Jordán, chan laj Moisés.

Proverbios 3:16

Cui cuan e̱naꞌleb najtak ru le̱ yuꞌam saꞌ ruchichꞌochꞌ. Ut naru ajcuiꞌ nacuan le̱ biomal ut le̱ lokꞌal.

2 Reyes 2:12

Laj Eliseo quiril li quicꞌulman ut quixjap re chi cau ut quixye: —At inyucuaꞌ, at inyucuaꞌ, at Elías, la̱at chanchanat li kayucuaꞌ, la̱o aj Israel, chan. Ut incꞌaꞌ chic quiril ru laj Elías. Xban xrahil xchꞌo̱l laj Eliseo quixchap li rakꞌ li cuan chirix ut quixpej. Cuib jachal qui-el.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 25:15

Tento nak texbisok chi tzꞌakal, usta li ra̱lal usta lix nimal yo̱kex chixbisbal. Texbisok chi tzꞌakal re nak ta̱najtokꞌ rok le̱ yuꞌam saꞌ li naꞌajej li tixqꞌue e̱re li Ka̱cuaꞌ le̱ Dios.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Proverbios 30:11

Cuanqueb cristian nequeꞌxtzꞌekta̱na xyucuaꞌeb ut incꞌaꞌ nequeꞌxqꞌue xlokꞌal lix naꞌeb.

Proverbios 28:24

Li ani narelkꞌa li cꞌaꞌru cuan re lix naꞌ xyucuaꞌ ut naxye nak moco ma̱c ta li naxba̱nu, aꞌan xcomoneb li nequeꞌsachoc.

Proverbios 15:5

Li ani ma̱cꞌaꞌ xnaꞌleb naxtzꞌekta̱na lix kꞌusbal naqꞌueheꞌ xban lix yucuaꞌ. Abanan li se̱b xchꞌo̱l naxqꞌue saꞌ xchꞌo̱l lix kꞌusbal.

1 Reyes 2:19

Joꞌcan nak lix Betsabé co̱ chi a̱tinac riqꞌuin li rey Salomón saꞌ xcꞌabaꞌ laj Adonías. Li rey quixakli chixcꞌulbal lix naꞌ ut quixxulub rib chiru. Chirix aꞌan quicꞌojla cuiꞌchic saꞌ lix cꞌojariba̱l ut quixtakla xcꞌambal jun tem re nak lix naꞌ ta̱chunla̱k. Ut lix naꞌ quichunla saꞌ lix nim ukꞌ.

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

Efesios 5:21

Chepa̱bak e̱rib chi ribil e̱rib re xqꞌuebal xlokꞌal li Cristo.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Deuteronomio 11:8

Joꞌcan nak cheba̱nu chi tzꞌakal re ru chixjunil li naxye saꞌ lix chakꞌrab li Dios li yo̱quin chixkꞌaxtesinquil e̱re anakcuan re nak cauhak e̱chꞌo̱l chire̱chaninquil li naꞌajej aꞌan li yechiꞌinbil e̱re.

Deuteronomio 11:9

Cui te̱ba̱nu li naxye li chakꞌrab, ta̱najtokꞌ rok le̱ yuꞌam saꞌ li naꞌajej li quiyechiꞌi̱c reheb le̱ xeꞌto̱nil yucuaꞌ joꞌ ajcuiꞌ e̱re la̱ex li ralal xcꞌajolex. Saꞌ li naꞌajej aꞌan natauman li cha̱bil echej joꞌ li leche ut li xyaꞌal cab.

Deuteronomio 21:18

Ma̱re cua̱nk junak cui̱nk cua̱nk junak ralal li incꞌaꞌ na-abin. Naxkꞌetkꞌeti ban rib. Usta nakꞌuseꞌ, incꞌaꞌ naxcꞌul lix kꞌusbal xbaneb lix naꞌ xyucuaꞌ.

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Proverbios 17:6

Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.

Jeremías 35:7

Ut quixye ajcuiꞌ ke: —Incꞌaꞌ texcablak, chi moco tex-a̱uk, chi moco te̱rau le̱ uvas, chi moco te̱xoc li cꞌaꞌ re ru aꞌin. Junelic texcua̱nk saꞌ eb li muheba̱l yi̱banbil riqꞌuin tꞌicr. Cui te̱ba̱nu chi joꞌcan, najt texcua̱nk saꞌ ruchichꞌochꞌ saꞌ li naꞌajej li cuanquex cuiꞌ, chan ke.

Jeremías 35:18

Ut li profeta Jeremías quixye reheb li ralal xcꞌajol laj Recab: —Li Ka̱cuaꞌ lix Dioseb laj Israel naxye e̱re chi joꞌcaꞌin: La̱ex xeba̱nu li cꞌaꞌru quixye e̱re laj Jonadab le̱ xeꞌto̱nil yucuaꞌ. Xeba̱nu le̱ chakꞌrabinquil li quixqꞌue ut xeba̱nu chixjunil li quixye e̱re.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Génesis 48:12

Ut laj José quirisiheb lix cocꞌal chixbe̱n li ruch raꞌ lix yucuaꞌchin, ut quixcuikꞌib rib aꞌan chiru lix yucuaꞌ.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.

Li xHu LIX RUT 3:6

Ut lix Rut co̱ saꞌ li naꞌajej li bar yo̱queb cuiꞌ chirisinquil saꞌ rix li cebada. Ut quixba̱nu chixjunil li quiyeheꞌ re xban lix Noemí.

1 Samuel 22:3

Laj David qui-el aran ut co̱ Mizpa, li cuan aran Moab, chi a̱tinac riqꞌuin li rey. Quixye re: —Nintzꞌa̱ma usilal cha̱cuu nak ta̱qꞌue inlese̱ns chixcanabanquil lin naꞌ ut lin yucuaꞌ a̱cuiqꞌuin toj tinnau cꞌaꞌru tixba̱nu cuiqꞌuin li Dios, chan.