Éxodo 2:5 - Li Santil hu

⁵ Lix rabin laj faraón quicuulac chi ati̱nc saꞌ nimaꞌ rochbeneb lix mo̱s ixk. Nak yo̱queb chi be̱c chire li nimaꞌ, lix rabin laj faraón quiril li chacach saꞌ xya̱nk li caxlan aj ut quixtakla jun lix mo̱s ixk chixxocbal.

Q'eqchi Bible

⁵ Li xrab'in laj Parahón kikub'eek sa' li nima' chi atink ut, naq eb' li xmoos ixq yookeb' chaq chi b'eek chire li nima', kiril li chakach sa' xyanqeb' li kaxlan aj ut kixtaqla jun xmoos chi xxokb'al.

Éxodo 2:5 ပူးပေါင်းရင်းမြစ်များ

Hechos 7:21

Abanan quicuulac xkꞌehil nak quicanaba̱c chak saꞌ li nimaꞌ ut lix rabin laj faraón quixococ re, re ta̱ru̱k ta̱colekꞌ. Quixcꞌam chokꞌ re ut quixqꞌuiresi joꞌ tzꞌakal re.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Salmos 9:9

At Ka̱cuaꞌ, caꞌaj cuiꞌ a̱cuiqꞌuin teꞌxcol rib li rahobtesinbileb. Ut a̱cuiqꞌuin ajcuiꞌ teꞌxcol rib jokꞌe cuanqueb saꞌ raylal.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Éxodo 8:20

Tojoꞌnak li Ka̱cuaꞌ Dios quixye re laj Moisés: —Ekꞌela tatcuacli̱k cuulaj ut tatxic chire li nimaꞌ. Aran ta̱cuoybeni laj faraón nak ta̱cuulak. Ta̱ye re, “Joꞌcaꞌin xye li Ka̱cuaꞌ Dios a̱cue: Canabeb chi xic lin tenamit re nak tineꞌxlokꞌoni.

Éxodo 7:15

Cuulaj tatxic chire li nimaꞌ ut aran ta̱cuoybeni laj faraón nak ta̱cuulak. Ut ta̱cꞌam saꞌ a̱cuukꞌ la̱ xukꞌ li quisukꞌi chokꞌ cꞌantiꞌ.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

1 Reyes 17:6

Ut eb li tzꞌok nequeꞌxcꞌam lix cua ut lix tib rajlal ekꞌela ut rajlal ecuu. Ut laj Elías quirucꞌ li haꞌ li cuan saꞌ li rok haꞌ Querit.

Jonás 1:17

Ut li Dios quixcauresi jun li nimla car re ta̱nukꞌuk re laj Jonás. Ut laj Jonás quinukꞌeꞌ chi jun xban li car chi incꞌaꞌ quicꞌuxeꞌ. Ut quicuan oxib cutan ut oxib kꞌojyi̱n saꞌ xsaꞌ li nimla car aꞌan.

Jonás 2:10

Ut li Ka̱cuaꞌ Dios quixtakla li car re nak tixcanab chak laj Jonás chi chꞌochꞌel. Joꞌcan nak li car quixxaꞌcua chak laj Jonás chi chꞌochꞌel.

Éxodo 2:6

Lix rabin laj faraón quixte li chacach ut quiril li cꞌulaꞌal. Quiril xtokꞌoba̱l ru nak yo̱ chi ya̱bac ut quixye: —Li chꞌina te̱lom aꞌin xcomoneb tana laj hebreo, chan.