Éxodo 2:22 - Li Santil hu

²² Laj Moisés quicuan jun li ralal riqꞌuin lix Séfora. Quixye: —La̱in jalan intenamit. Ma̱cuaꞌin aj arin. Joꞌcan nak tinqꞌue aj Gersón chokꞌ xcꞌabaꞌ.—

Q'eqchi Bible

²² Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.

Éxodo 2:22 ပူးပေါင်းရင်းမြစ်များ

Hechos 7:29

Nak quirabi li cꞌaꞌru quixye, laj Moisés quixucuac ut quie̱lelic. Co̱ chi cua̱nc saꞌ li naꞌajej Madián li moco tzꞌakal xtenamit ta. Nak cuan aran, queꞌyoꞌla cuib li ralal.

Éxodo 22:21

Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

Salmos 119:19

La̱in yal aj numelin arin saꞌ ruchichꞌochꞌ. Joꞌcan nak chacꞌut taxak lix ya̱lal la̱ cua̱tin chicuu.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.

1 Crónicas 16:20

Quilajeꞌxbeni ribeb saꞌ eb li tenamit. Jalan jala̱nk li tenamit li quilajeꞌnumeꞌ cuiꞌ.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

Éxodo 2:10

Nak ac nim chic, quixcꞌam li chꞌina al riqꞌuin lix rabin laj faraón ut aran quicana joꞌ tzꞌakal re. Lix rabin laj faraón quixye: —Li chꞌina al aꞌin aj Moisés xcꞌabaꞌ xban nak la̱in xcuisi saꞌ li haꞌ, chan. (Saꞌ ra̱tinoba̱leb laj hebreo li cꞌabaꞌej Moisés naraj naxye “isinbil saꞌ li haꞌ”.)

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Éxodo 4:20

Tojoꞌnak laj Moisés quixqꞌue li rixakil joꞌ eb ajcuiꞌ li ralal chirixeb lix bu̱reb. Ut queꞌco̱eb Egipto. Quixcꞌam ajcuiꞌ saꞌ rukꞌ lix xukꞌ li quiqꞌueheꞌ re xban li Dios.

Levítico 25:23

Incꞌaꞌ naru te̱cꞌayi li chꞌochꞌ chi junaj cua xban nak cue la̱in. La̱ex yal numelex arin. Chanchanex cuulaꞌ.

Jueces 18:30

Ut eb li ralal xcꞌajol laj Dan queꞌxxakab li yi̱banbil dios re teꞌxlokꞌoni. Ut laj Jonatán, li ralal laj Gersón, rochben li ralal xcꞌajol queꞌcꞌanjelac chokꞌ aj tij chiruheb li ralal xcꞌajol laj Dan chalen toj nak queꞌchapeꞌ ut queꞌcꞌameꞌ chi najt. Laj Gersón, aꞌan li ralal laj Moisés.

1 Samuel 1:20

Quicuulac xkꞌehil nak quiyoꞌla lix cꞌulaꞌal lix Ana. Ut aj Samuel quixqꞌue chokꞌ xcꞌabaꞌ xban nak li cꞌulaꞌal aꞌan tzꞌa̱manbil chiru li Dios.