Éxodo 2:21 - Li Santil hu

²¹ Laj Moisés quicuulac ut aran quicana saꞌ rochoch laj Reuel. Laj Reuel quixsumub lix Séfora lix rabin riqꞌuin laj Moisés.

Q'eqchi Bible

²¹ Laj Moisés kixk'ul xch'ool chi kanaak sa' rochoch li winq a'an ut kik'ehe'k xSeforá, li xrab'in, cho'q rixaqil.

Éxodo 2:21 ပူးပေါင်းရင်းမြစ်များ

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Santiago 1:10

Joꞌcan ajcuiꞌ junak biom chisahokꞌ saꞌ xchꞌo̱l usta nasach chixjunil li cꞌaꞌru cuan re xban nak lix biomal ma̱cꞌaꞌ na-oc cuiꞌ chiru li Dios. Li biomal chanchan li utzꞌuꞌuj nak na-osoꞌ.

Hebreos 11:25

Incꞌaꞌ quiraj tzꞌako̱nc saꞌ li sahil chꞌo̱lej cuanqueb cuiꞌ laj Egipto. Quixnau nak li sahil chꞌo̱lej aꞌan yal nanumeꞌ. Quiraj ban xcꞌulbal li raylal li yo̱queb chixcꞌulbal laj Israel lix tenamit li Dios.

1 Timoteo 6:6

Ya̱l nak kꞌaxal lokꞌ li pa̱ba̱l chokꞌ reheb li nequeꞌxcꞌojob xchꞌo̱l riqꞌuin li joꞌ nimal joꞌ chꞌinal cuan reheb.

Éxodo 2:10

Nak ac nim chic, quixcꞌam li chꞌina al riqꞌuin lix rabin laj faraón ut aran quicana joꞌ tzꞌakal re. Lix rabin laj faraón quixye: —Li chꞌina al aꞌin aj Moisés xcꞌabaꞌ xban nak la̱in xcuisi saꞌ li haꞌ, chan. (Saꞌ ra̱tinoba̱leb laj hebreo li cꞌabaꞌej Moisés naraj naxye “isinbil saꞌ li haꞌ”.)

Números 12:1

Lix María ut laj Aarón queꞌoc xcuechꞌinquil rix laj Moisés xban nak quisumla riqꞌuin jun ixk Etiopía xtenamit.

Hechos 7:29

Nak quirabi li cꞌaꞌru quixye, laj Moisés quixucuac ut quie̱lelic. Co̱ chi cua̱nc saꞌ li naꞌajej Madián li moco tzꞌakal xtenamit ta. Nak cuan aran, queꞌyoꞌla cuib li ralal.

Éxodo 2:20

Laj Reuel quixye reheb lix rabin: —¿Bar cuan li cui̱nk aꞌan? ¿Cꞌaꞌut nak xecanab chak aran? Ayukex, bokomak chak re nak ta̱cuaꞌak kiqꞌuin, chan.

Éxodo 4:18

Joꞌcan nak co̱ laj Moisés ut cox-e̱lk riqꞌuin laj Jetro lix yucuaꞌ li rixakil ut quixye re: —Ba̱nu usilal tina̱canab chi xic chirilbaleb lin comon li cuanqueb aran Egipto. Tincuileb chak ma saheb saꞌ xchꞌo̱l, ma yoꞌyo̱queb na chixjunileb, chan. Laj Jetro quixye re laj Moisés: —Ayu biꞌ. Chatsukꞌi̱k taxak joꞌ nak xic a̱cue, chan.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Números 10:29

Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.