Éxodo 2:15 - Li Santil hu

¹⁵ Quicuulac resil aꞌin riqꞌuin laj faraón ut quixcamsi raj laj Moisés. Ut laj Moisés quie̱lelic saꞌ junpa̱t chiru laj faraón. Co̱ saꞌ li tenamit Madián xcꞌabaꞌ.

Q'eqchi Bible

¹⁵ Naq kixnaw a'an laj Parahón, kixsik' laj Moisés re xkamsinkil; ab'an a'an ki'elelik chiru laj Parahón, kiq'axonk sa' li tenamit Madián ut aran kihilank chi xk'atq jun b'ekb'il ha'.

Éxodo 2:15 ပူးပေါင်းရင်းမြစ်များ

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

Hechos 7:29

Nak quirabi li cꞌaꞌru quixye, laj Moisés quixucuac ut quie̱lelic. Co̱ chi cua̱nc saꞌ li naꞌajej Madián li moco tzꞌakal xtenamit ta. Nak cuan aran, queꞌyoꞌla cuib li ralal.

Génesis 24:11

Chire li tenamit cuan jun li becbil haꞌ. Li mo̱s quixqꞌueheb chi buchlac li camellos aran. Ac ecuu chic nak quicuulac. Aꞌan x-o̱ril nak nequeꞌcuulac li ixk chixcꞌambal lix haꞌeb.

Génesis 29:2

Quiril nak cuan jun becbil haꞌ saꞌ li ru takꞌa. Oxib chꞌu̱t li carner yo̱queb chi hila̱nc chire li haꞌ xban nak aran nequeꞌrisi rucꞌaheb li carner. Jun nimla pec nacꞌanjelac chokꞌ xtzꞌapbal re li becbil haꞌ.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

San Mateo 10:23

Nak texrahobtesi̱k saꞌ jun li tenamit, texxic saꞌ jalan chic. Relic chi ya̱l ninye e̱re nak toj ma̱jiꞌ ajcuiꞌ nequechoy xbeninquil chixjunileb li tenamit cuanqueb Israel teꞌxnau nak xoline̱lk la̱in li Cꞌajolbej.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Éxodo 4:19

Laj Moisés cuan chak Madián nak quia̱tina̱c xban li Ka̱cuaꞌ Dios. Quiyeheꞌ re: —Ayu, tatxic cuiꞌchic Egipto xban nak xeꞌcam li queꞌajoc raj re a̱camsinquil.—

Génesis 25:4

Laj Madián, aꞌan xyucuaꞌeb laj Efa, laj Efer, laj Hanoc, laj Abida ut laj Elda. Aꞌaneb aꞌin li ralal xcꞌajol laj Abraham li queꞌcuan riqꞌuin lix Cetura.

Génesis 25:2

Ut queꞌcuan xcocꞌal riqꞌuin. Aꞌaneb aꞌin lix cꞌabaꞌeb. Laj Zimram, laj Jocsán, laj Medán, laj Madián, laj Isbac, ut laj Súa.

Éxodo 18:4

Ut li ralal jun chic aj Eliezer xcꞌabaꞌ xban nak laj Moisés quixye: —Li Dios li quixlokꞌoni lin yucuaꞌ xinixtenkꞌa ut xinixcol nak xinixcamsi raj laj faraón.— (Li cꞌabaꞌej Eliezer naraj naxye “li Dios niquinixtenkꞌa.”)

1 Reyes 11:18

Queꞌel saꞌ li naꞌajej Madián ut queꞌco̱eb Parán. Aran queꞌxjunaji ribeb riqꞌuineb li cuanqueb Parán ut queꞌco̱eb Egipto. Laj faraón quixqꞌue lix chꞌochꞌ laj Hadad. Ut quixqꞌue ajcuiꞌ li rochoch ut lix tzacae̱mkeb.

Habacuc 3:7

Quicuil nak queꞌxcꞌul li raylal li cuanqueb saꞌ li naꞌajej Cusán. Ut nequeꞌsicsot xbaneb xxiu li cuanqueb Madián.