Éxodo 2:14 - Li Santil hu

¹⁴ Ut aꞌan quichakꞌoc ut quixye re: —Ut la̱at, ¿ani xqꞌuehoc a̱cue chi takla̱nc saꞌ kabe̱n? ¿Ma tina̱camsi la̱in joꞌ nak xacamsi laj Egipto? chan. Tojoꞌnak laj Moisés quixucuac ut quixye saꞌ xchꞌo̱l: —Xnauman peꞌ li cꞌaꞌru xinba̱nu.—

Q'eqchi Bible

¹⁴ Kichaq'ok a'an: “Ani xxaqab'ank aawe cho'q aj jolominel ut aj raqol aatin sa' qab'een? Ma nakak'oxla inkamsinkil jo' naq xakamsi laj Ejiipt?”, chan. K'ajo' naq ki'ok xxiw laj Moisés, ut kixye sa' xch'ool: “Ch'olch'o naq xnawmank li k'aru xinb'aanu”.

Éxodo 2:14 ပူးပေါင်းရင်းမြစ်များ

San Lucas 12:14

Aꞌut li Jesús quixye re: —At cui̱nk, la̱in incꞌaꞌ xakabanbilin chi rakoc a̱tin saꞌ e̱be̱n chi moco xakabanbilin chixjachinquil le̱ jun cablal.—

San Mateo 21:23

Ut qui-oc cuiꞌchic li Jesús saꞌ rochoch li Dios. Ut nak yo̱ chixchꞌolobanquil lix ya̱lal chiruheb li tenamit, queꞌcuulac riqꞌuineb li xbe̱nil aj tij ut queꞌcuulac ajcuiꞌ eb li xakabanbileb chi cꞌanjelac saꞌ li rochoch li Dios. Ut queꞌxye re: —¿Ani xtaklan chak a̱cue chixba̱nunquil li cꞌaꞌru yo̱cat chixba̱nunquil? Ut, ¿ani xqꞌuehoc a̱cuanquil?—

San Lucas 19:14

Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.

Génesis 19:9

Eb laj Sodoma queꞌxye re: —Elen arin. La̱at chalenakat chak saꞌ jalan tenamit ut anakcuan ta̱cuaj la̱at tattakla̱nk ke. Anakcuan nabal chic li raylal ta̱cꞌul la̱at chiru li teꞌxcꞌul eb aꞌan, chanqueb. Cꞌajoꞌ nak queꞌjoskꞌoꞌ saꞌ xbe̱n laj Lot. Queꞌjiloc chixcꞌatk re nak teꞌxcuek li puerta.

Hechos 7:35

Laj Moisés, aꞌan li queꞌxtzꞌekta̱na laj Israel nak queꞌxye: “¿Ani xqꞌuehoc a̱cue chi takla̱nc ut chi rakoc a̱tin?” chanqueb. Aꞌan li quitakla̱c chixtenkꞌanquileb laj Israel ut chixcolbaleb. Quitakla̱c xban li Ka̱cuaꞌ nak li ángel quixcꞌutbesi rib chiru saꞌ li jun to̱n chi qꞌuix yo̱ xxamlel.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

Números 16:13

¿Ma incꞌaꞌ tzꞌakal riqꞌuin nak xoa̱cuisi saꞌ li tenamit li na-el cuiꞌ chi us li acui̱mk re toca̱mk saꞌ li chaki chꞌochꞌ? ¿Ma toj ta̱cuaj tattakla̱nk saꞌ kabe̱n saꞌ joskꞌil?

Números 16:3

Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Génesis 13:8

Laj Abram quixye re laj Lot: —La̱o kacomon kib. Incꞌaꞌ taxak ta̱cua̱nk li chꞌaꞌajquilal chi kibil kib. Joꞌ ajcuiꞌ riqꞌuineb li kamo̱s. Incꞌaꞌ nacuaj nak teꞌxpleti ribeb laj ilol reheb li kaqueto̱mk.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

Génesis 34:27

Ut eb li jun chꞌol chic li ralal laj Jacob queꞌcuulac saꞌ li tenamit. Quilajeꞌnumeꞌ saꞌ xbe̱neb li camenak ut quilajeꞌrisi chixjunil li cꞌaꞌak re ru li cuan saꞌ li tenamit. Queꞌxba̱nu chi joꞌcaꞌin xban li ma̱usilal li quixba̱nu re lix Dina laj Siquem.