Éxodo 19:9 - Li Santil hu

⁹ Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Q'eqchi Bible

⁹ Kixye li Qaawa' re laj Moisés: “K'e reetal, tinchalq aawik'in sa' jun li choql moymoy ru, re naq li tenamit tine'rab'i naq yooqin chawaatinankil, ut chi jo'kan junelik tate'xpaab'”. Naq laj Moisés kixnumsi re li Qaawa' li xyehom li tenamit,

Éxodo 19:9 ပူးပေါင်းရင်းမြစ်များ

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Salmos 97:2

Li Ka̱cuaꞌ quixcꞌutbesi rib saꞌ li chok kꞌojyi̱n ru. Li Ka̱cuaꞌ narakoc a̱tin saꞌ xya̱lal ut nataklan saꞌ ti̱quilal.

Éxodo 20:21

Li tenamit xakxo̱queb chi najt ut laj Moisés yo̱ chi nachꞌoc riqꞌuin li chok li moymo ru bar cuan cuiꞌ li Dios.

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

San Marcos 9:7

Ut quichal jun nimla chok saꞌ xbe̱neb. Li Dios quia̱tinac chak saꞌ li chok, ut quixye: —Aꞌin li cualal, raro inban. Cherabi li cꞌaꞌru tixye.—

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

2 Crónicas 6:1

Ut laj Salomón quixye: —At Ka̱cuaꞌ, la̱at caye nak nacatcuan saꞌ li chok kꞌojyi̱n ru.

1 Reyes 8:12

Ut laj Salomón quitijoc ut quixye: —At Ka̱cuaꞌ, la̱at caye nak nacatcuan saꞌ li chok kꞌojyi̱n ru.

Éxodo 4:5

Ut li Dios quixye re: —Ba̱nu chi joꞌcan chiruheb laj Israel re nak eb aꞌan teꞌxpa̱b nak la̱in lix Dios lix xeꞌto̱nil yucuaꞌeb laj Abraham, laj Isaac ut laj Jacob. La̱in xincꞌutbesi cuib cha̱cuu.—

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Éxodo 34:5

Ut li Ka̱cuaꞌ Dios quicube saꞌ li chok. Quicuulac cuan cuiꞌ laj Moisés. Li Dios quixchꞌolob xya̱lal chirix lix nimal cuanquilal joꞌ ajcuiꞌ lix lokꞌal.

Números 12:5

Ut li Ka̱cuaꞌ quicube chak saꞌ li chok ut quixakli chire li oqueba̱l re li tabernáculo. Quixbokeb laj Aarón ut lix María. Ut eb aꞌan queꞌco̱eb chi xcabichaleb cuan cuiꞌ li Ka̱cuaꞌ.

Salmos 99:7

Quia̱tinac chak riqꞌuineb saꞌ li chok ut eb aꞌan queꞌxba̱nu li cꞌaꞌru quixye.

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.