Éxodo 19:6 - Li Santil hu

⁶ La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

Q'eqchi Bible

⁶ Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

Éxodo 19:6 ပူးပေါင်းရင်းမြစ်များ

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Deuteronomio 28:9

Cui la̱ex te̱ba̱nu li cꞌaꞌru naxye li Ka̱cuaꞌ le̱ Dios ut incꞌaꞌ te̱kꞌet lix chakꞌrab, li Ka̱cuaꞌ texxakab chokꞌ jun xsantil tenamit joꞌ quixye e̱re.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Deuteronomio 26:19

Aꞌan ta̱tenkꞌa̱nk e̱re re nak la̱exak jun nimla tenamit. Kꞌaxal nimak e̱cuanquil ut e̱lokꞌal chiruheb chixjunileb li tenamit li quixyoꞌobtesi. Ut yalak bar ta̱abi̱k e̱resilal. La̱exak jun xsantil tenamit joꞌ quixye li Ka̱cuaꞌ le̱ Dios.

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Apocalipsis 20:6

Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

1 Corintios 3:17

Li rochoch li Dios aꞌan santo. Cui ani naxtiquib li jachoc ib saꞌ e̱ya̱nk, li jun aꞌan yo̱ chixjucꞌbal rochoch li Dios xban nak la̱ex aj pa̱banel rochochex chic li Dios. Ut li Dios tixsach li ani naxtiquib xjachbal ruheb laj pa̱banel.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Levítico 21:23

abanan incꞌaꞌ naru teꞌnachꞌok riqꞌuin li artal chi moco naru teꞌxic jun pacꞌal li tꞌicr re nak incꞌaꞌ teꞌxmux ru lin tabernáculo xban nak la̱in xinsantobresin re, chan li Dios.

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

1 Ts 5:27

Chi anchal inchꞌo̱l nintzꞌa̱ma che̱ru saꞌ xcꞌabaꞌ li Jesucristo nak chi-ilekꞌ xsaꞌ li hu aꞌin chiruheb chixjunileb li herma̱n.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Éxodo 22:31

La̱ex lin tenamit. Joꞌcan nak chexcua̱nk saꞌ santilal ut me̱tiu xtibel li xul li nacamsi̱c xbaneb li joskꞌ aj xul li cuanqueb saꞌ qꞌuicheꞌ. Qꞌuehomak ban chixtiuheb li tzꞌiꞌ.

1 Reyes 3:8

Abanan quina̱xakab chokꞌ xreyeb li nimla tenamit li sicꞌbileb ru a̱ban. Incꞌaꞌ naru rajlanquileb xban xqꞌuialeb.

1 Reyes 8:53

At Ka̱cuaꞌ, at nimajcual Dios, la̱at catsicꞌoc ruheb saꞌ xya̱nkeb chixjunileb li tenamit li cuanqueb saꞌ ruchichꞌochꞌ. Ut caqꞌueheb chokꞌ a̱cualal a̱cꞌajol joꞌ caye re laj Moisés laj cꞌanjel cha̱cuu nak cacuisiheb chak li kaxeꞌto̱nil yucuaꞌ aran Egipto, chan laj Salomón.

1 Crónicas 17:22

La̱at catqꞌuehoc reheb laj Israel chokꞌ a̱tenamit chi junelic. Ut la̱at, at Ka̱cuaꞌ, la̱at chic lix Dioseb.

Isaías 43:4

La̱ex raro̱quex inban ut kꞌaxal lokꞌex chicuu. La̱ex sicꞌbil e̱ru inban. Joꞌcan nak la̱in tinqꞌueheb li jalaneb xtenamit chokꞌ e̱ru̱chil.

Isaías 66:21

Ut cuanqueb saꞌ xya̱nkeb li tinsicꞌ ruheb re teꞌcꞌanjelak chokꞌ aj tij ut chokꞌ aj levita.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Jeremías 13:11

Joꞌ nak li cui̱nk naxbacꞌ lix cꞌa̱mal xsaꞌ chi xsaꞌ, joꞌcan ajcuiꞌ raj nak xcuaj nak cauhakeb xchꞌo̱l lin tenamit cuiqꞌuin. Aꞌaneb raj lin tenamit. Aꞌaneb raj li teꞌqꞌuehok inlokꞌal ut teꞌxnima raj cuu. Abanan eb aꞌan incꞌaꞌ queꞌraj. Queꞌxkꞌet ban li cua̱tin.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Éxodo 28:36

Ut te̱yi̱b ajcuiꞌ jun chꞌina pere̱l tzꞌakal oro ut juchꞌbil te̱ba̱nu joꞌ nak nequeꞌxyi̱b li sello nak te̱tzꞌi̱ba chiru li a̱tin li naxye “Santilal Chiru li Ka̱cuaꞌ.”

Números 16:3

Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Salmos 114:2

chixjunileb laj Israel cuanqueb rubel xcuanquil li Dios. Abanan lix templo quixqꞌue saꞌ lix tenamit laj Judá.

Hageo 2:5

Nak quex-el chak aran Egipto, la̱in quinye e̱re nak cua̱nkin e̱riqꞌuin. Ut chalen anakcuan cuanquin e̱riqꞌuin. Joꞌcan nak mexxucuac.