Éxodo 19:4 - Li Santil hu

⁴ La̱ex xeril chanru xinba̱nu reheb laj Egipto. La̱ex xexcuisi saꞌ xya̱nkeb ut xexincꞌam cuiqꞌuin joꞌ naxba̱nu li cꞌuch riqꞌuin li cocꞌ ral.

Q'eqchi Bible

⁴ «Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Éxodo 19:4 ပူးပေါင်းရင်းမြစ်များ

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Apocalipsis 12:14

Quiqꞌueheꞌ cuib lix xicꞌ li ixk re ta̱rupupik chanchan xxicꞌ li nimla cꞌuch re nak ta̱e̱lelik ut ta̱xic toj saꞌ li chaki chꞌochꞌ saꞌ li naꞌajej ac cauresinbil chokꞌ re bar ma̱cꞌaꞌ cuan. Ut aran ta̱chꞌolani̱k xban li Dios chiru oxib chihab riqꞌuin cuakib po. Ut aran tixmuk rib chiru li cꞌantiꞌ.

Deuteronomio 29:2

Laj Moisés quixchꞌutubeb chixjunileb laj Israel ut quixye reheb: —La̱ex queril li cꞌaꞌru quixba̱nu li Ka̱cuaꞌ re laj faraón lix reyeb laj Egipto ut reheb chixjunileb li nequeꞌtenkꞌan reheb joꞌ eb ajcuiꞌ chixjunileb li tenamit.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Hageo 2:5

Nak quex-el chak aran Egipto, la̱in quinye e̱re nak cua̱nkin e̱riqꞌuin. Ut chalen anakcuan cuanquin e̱riqꞌuin. Joꞌcan nak mexxucuac.

Malaquías 2:10

¿Cꞌaꞌut nak toj nequesicꞌ ru li junju̱nk? ¿Ma incꞌaꞌ ta biꞌ jun ajcuiꞌ li kaYucuaꞌ? ¿Ma incꞌaꞌ ta biꞌ jun ajcuiꞌ li Dios li quiyoꞌobtesin ke? ¿Cꞌaꞌut nak nequeba̱nu chi joꞌcan riqꞌuineb le̱ ras e̱ri̱tzꞌin? ¿Cꞌaꞌut nak incꞌaꞌ nequeba̱nu chi tzꞌakal? ¿Cꞌaꞌut nak nequetzꞌekta̱na li contrato li quixba̱nu li Dios riqꞌuineb li kaxeꞌto̱nil yucuaꞌ?

Deuteronomio 1:30

Li Ka̱cuaꞌ le̱ Dios, aꞌan ta̱cꞌamok be che̱ru. Aꞌan ta̱tenkꞌa̱nk e̱re chi pletic, joꞌ nak quextenkꞌa nak cuanquex Egipto. La̱ex queqꞌue retal cꞌaꞌru quixba̱nu.

Deuteronomio 1:31

Ut queril chanru nak li Ka̱cuaꞌ quextenkꞌa nak cuanquex saꞌ li chaki chꞌochꞌ. Chanchan nak quexkꞌalu joꞌ jun li yucuaꞌbej naxkꞌalu li ralal. Ut quicꞌamoc be che̱ru toj chalen nak quexcꞌulun saꞌ li naꞌajej aꞌin.

Deuteronomio 29:1

Aꞌan aꞌin li contrato li quixye li Dios re laj Moisés re tixba̱nu riqꞌuineb laj Israel nak cuanqueb saꞌ li naꞌajej Moab. Aꞌan aꞌin lix comon li contrato li quixba̱nu li Dios riqꞌuineb saꞌ li tzu̱l Horeb.

Josué 23:3

Ac xeril chixjunil li quixba̱nu li Ka̱cuaꞌ le̱ Dios reheb li tenamit aꞌin saꞌ e̱cꞌabaꞌ la̱ex. Li Ka̱cuaꞌ le̱ Dios, aꞌan li quitenkꞌan e̱re saꞌ li ple̱t.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.