Éxodo 19:18 - Li Santil hu

¹⁸ Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Q'eqchi Bible

¹⁸ Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Éxodo 19:18 ပူးပေါင်းရင်းမြစ်များ

Jueces 5:5

At Ka̱cuaꞌ, xban nak nim a̱cuanquil, eb li tzu̱l quilajeꞌecꞌan saꞌ xnaꞌaj. Li tzu̱l Sinaí qui-ecꞌan saꞌ xnaꞌaj xban la̱ cuanquil la̱at, at kaDios la̱o aj Israel.

Salmos 144:5

At nimajcual Dios, chatcubek chak saꞌ choxa ut ta̱tochꞌ riqꞌuin a̱cuukꞌ eb li tzu̱l re nak teꞌe̱lk xsibel.

Apocalipsis 15:8

Ut chanchan quinujac chi sib lix templo li Dios nak quinujac riqꞌuin xlokꞌal ut xcuanquilal li Dios. Ut ma̱ ani quiru qui-oc aran toj retal quinumeꞌ li cuukub chi raylal li yo̱queb chixcꞌambal chak li cuukub chi ángel.

Éxodo 3:2

Aran quixcꞌutbesi rib lix ángel li Ka̱cuaꞌ Dios chiru laj Moisés saꞌ rakꞌ li xam saꞌ li jun to̱n chi qꞌuix. Laj Moisés quiril nak yo̱ xxamlel ut incꞌaꞌ na-osoꞌ li qꞌuix.

Jeremías 4:24

Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

Génesis 19:28

Laj Abraham qui-iloc saꞌ li naꞌajej li queꞌcuan cuiꞌ li tenamit Sodoma ut Gomorra. Ut aran quiril nak ma̱ caꞌchꞌin li sib nakꞌujujnac chi takecꞌ. Chanchan jun nimla horno li yo̱ xxamlel.

Salmos 104:32

Caꞌaj cuiꞌ naril li ruchichꞌochꞌ li Dios, ut li ruchichꞌochꞌ na-ecꞌan saꞌ xnaꞌaj. Caꞌaj cuiꞌ naxtochꞌ caꞌchꞌin li tzu̱l ut na-el xsibel.

Deuteronomio 33:2

Quixye: —Li Ka̱cuaꞌ quichal chak saꞌ li tzu̱l Sinaí. Toj Seir quicꞌutun lix saken. Quicꞌutun xlokꞌal toj saꞌ li tzu̱l Parán. Quicꞌulun rochben lix qꞌuila okꞌob chi ángel. Ut saꞌ lix nim ukꞌ cuan li chakꞌrab chanchan xam.

Deuteronomio 5:22

Aꞌaneb aꞌin li chakꞌrab li quixqꞌue e̱re li Ka̱cuaꞌ nak chꞌutchꞌu̱quex che̱junilex saꞌ xto̱n li tzu̱l. Li Ka̱cuaꞌ quia̱tinac chi cau xya̱b xcux saꞌ li xam, ut saꞌ li chok li kꞌojyi̱n ru. Ut ma̱cꞌaꞌ chic quixye. Chirix aꞌan quixtzꞌi̱ba li chakꞌrab aꞌan chiru li cuib chi perpo̱quil pec, ut quixqꞌue cue li pec aꞌan.

Éxodo 24:17

Chiruheb laj Israel quicꞌutun li xlokꞌal li Dios saꞌ xbe̱n li tzu̱l. Chanchan jun nimla xam yo̱ xcꞌatbal chixjunil nak queꞌril.

Hebreos 12:26

Najter nak li Dios quia̱tinac saꞌ li tzu̱l Sinaí, lix ya̱b xcux quirecꞌasi li naꞌajej aꞌan. Ut li Dios quixye: Saꞌ jun sut chic ma̱cuaꞌ caꞌaj cuiꞌ li ruchichꞌochꞌ tincuecꞌasi. Tincuecꞌasi ajcuiꞌ li choxa. (Ex. 19:18)

Isaías 6:4

Ut xban xya̱b xcuxeb, queꞌecꞌan saꞌ xnaꞌajeb li rokechal xpuertil li templo ut quinujac li sib saꞌ li templo.

Génesis 15:17

Nak kꞌojyi̱n chi us, laj Abram quiril nak cuta̱mil chiru jun xnaꞌaj li xam yo̱ chi e̱lc xsibel ut jun lochlo̱quil xam quinumeꞌ saꞌ xyiheb li xul li jachbileb.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Hebreos 12:18

La̱ex incꞌaꞌ queba̱nu joꞌ queꞌxba̱nu eb laj Israel najter kꞌe cutan. Eb aꞌan queꞌjiloc riqꞌuin li tzu̱l Sinaí nak li Dios quixqꞌue lix chakꞌrab re laj Moisés saꞌ li tzu̱l aꞌan. Quicuan xam. Quikꞌojyi̱noꞌ ut quicuan ajcuiꞌ ca̱k-sut-ikꞌ.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

San Mateo 24:7

Nabal li tenamit teꞌpletik chi ribileb rib. Ut eb li acuabej teꞌxpleti ribeb. Talajcua̱nk li cueꞌej ut ta̱cua̱nk li yajel ut ta̱cua̱nk li hi̱c saꞌ nabal chi naꞌajej.

Zacarías 14:5

La̱ex tex-e̱lelik ut texxic saꞌ li ru takꞌa li cuan saꞌ xya̱nk li tzu̱l xban nak li ru takꞌa aꞌan kꞌaxal nimak ut ta̱cuulak toj saꞌ li tenamit Azal. La̱ex tex-e̱lelik joꞌ nak queꞌe̱lelic le̱ xeꞌto̱nil yucuaꞌ nak quixqꞌue li hi̱c najter nak toj cua̱nk laj Uzías chokꞌ rey aran Judá. Ut nak ta̱cha̱lk li Ka̱cuaꞌ li kaDios, rochbenak chak chixjunileb lix ángel.

Salmos 114:7

Li nimajcual Dios li quixlokꞌoni laj Jacob kꞌaxal nim xcuanquil. Joꞌcan nak na-ecꞌan li ruchichꞌochꞌ chiru.

Salmos 77:18

Lix ya̱b li ca̱k qui-abi̱c saꞌ li ikꞌ. Quisakenoꞌ li ruchichꞌochꞌ xban li rakꞌ li ca̱k ut qui-ecꞌan saꞌ xnaꞌaj xban li hi̱c.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Éxodo 19:13

Usta cristian usta xul li ta̱nachꞌok aran, ta̱ca̱mk. Moco riqꞌuin ukꞌ ta ta̱camsi̱k. Riqꞌuin ban tzimaj malaj riqꞌuin pec ta̱camsi̱k. Toj teꞌrabi xya̱b li trompeta chi cau, tojoꞌnak naru teꞌtakekꞌ chiru li tzu̱l, chan li Dios.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

Génesis 11:5

Ut li Ka̱cuaꞌ Dios quicube chak ut quiril li cꞌaꞌru yo̱queb chixba̱nunquil li cui̱nk. Quiril li tenamit ut li torre li yo̱queb chixyi̱banquil.

Éxodo 19:17

Tojoꞌnak laj Moisés quicꞌamoc be chiruheb nak queꞌel cuan cuiꞌ lix muheba̱leb. Queꞌco̱eb chixcꞌulbal li Dios. Queꞌxakli chi xto̱n li tzu̱l.

Éxodo 34:2

Ta̱cauresi a̱cuib ut cuulaj ekꞌela, tattakekꞌ chiru li tzu̱l Sinaí. Aran tatcuulak cuiqꞌuin saꞌ xbe̱n li tzu̱l.

Deuteronomio 5:4

Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Isaías 64:1

Us raj cui ta̱te li choxa ut tatcubek chak cuanco cuiꞌ. Us raj cui eb li tzu̱l teꞌecꞌa̱nk saꞌ xnaꞌajeb cha̱cuu.

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Salmos 18:9

Ut li Ka̱cuaꞌ quixte li choxa ut quicube chak. Ut rubel li rok cuan li kꞌeki chok retalil li raylal xchal saꞌ xbe̱neb.

Salmos 68:9

At inDios, la̱at xattaklan chak re nabal li hab saꞌ li chaki chꞌochꞌ ut xaqꞌue xcacuil xchꞌo̱leb la̱ tenamit li tacuajenakeb.

Salmos 77:19

Usta kꞌaxal cham li palau, abanan la̱at catnumeꞌ aran nak cajach ru ut ma̱ ani qui-iloc re nak catnumeꞌ aran.

Salmos 114:4

Eb li tzu̱l ut eb li cocꞌ bol nequeꞌecꞌan saꞌ xnaꞌajeb joꞌ nak nequeꞌpiscꞌoc li carner.

Habacuc 3:6

Quixakli li Ka̱cuaꞌ ut quirakoc a̱tin saꞌ xbe̱neb li cuanqueb saꞌ ruchichꞌochꞌ. Yal quirileb li tenamit ut nequeꞌsicsot queꞌcana. Eb li tzu̱l li cuanqueb chak chalen saꞌ xticlajic li ruchichꞌochꞌ quilajeꞌecꞌan. Quilajeꞌtꞌaneꞌ li najter tzu̱l. Aban li cꞌaꞌru naxba̱nu li Ka̱cuaꞌ incꞌaꞌ najala. Cuan ban chi junelic.