Éxodo 19:17 - Li Santil hu

¹⁷ Tojoꞌnak laj Moisés quicꞌamoc be chiruheb nak queꞌel cuan cuiꞌ lix muheba̱leb. Queꞌco̱eb chixcꞌulbal li Dios. Queꞌxakli chi xto̱n li tzu̱l.

Q'eqchi Bible

¹⁷ Toja' naq laj Moisés kirisiheb' li tenamit sa' li xmuheb'aaleb' re naq toxe'xk'ul chaq li Yos; ut ke'xaqliik chi xtoon li tzuul.

Éxodo 19:17 ပူးပေါင်းရင်းမြစ်များ

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.

Deuteronomio 5:5

La̱in quinqꞌue cuib saꞌ e̱yi la̱ex ut li Ka̱cuaꞌ re nak tinye e̱re cꞌaꞌru naxye li Ka̱cuaꞌ. La̱ex quexxucuac xban li xam. Joꞌcan nak incꞌaꞌ quextakeꞌ saꞌ li tzu̱l.

Hechos 7:38

Aꞌan li quicuan rochbeneb laj Israel nak queꞌxchꞌutub ribeb saꞌ li chaki chꞌochꞌ. Quicuan rochbeneb li kaxeꞌto̱nil yucuaꞌ ut rochben ajcuiꞌ li ángel li quia̱tinac riqꞌuin saꞌ li tzu̱l Sinaí nak quixye re li ra̱tin li Dios li naqꞌuehoc yuꞌam re nak aꞌan chic ta̱yehok ke la̱o.

Éxodo 19:13

Usta cristian usta xul li ta̱nachꞌok aran, ta̱ca̱mk. Moco riqꞌuin ukꞌ ta ta̱camsi̱k. Riqꞌuin ban tzimaj malaj riqꞌuin pec ta̱camsi̱k. Toj teꞌrabi xya̱b li trompeta chi cau, tojoꞌnak naru teꞌtakekꞌ chiru li tzu̱l, chan li Dios.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Levítico 9:5

Ut queꞌxcꞌam li mayej chiru li oqueba̱l re li tabernáculo joꞌ quiyeheꞌ reheb xban laj Moisés. Ut chixjunileb laj Israel queꞌcuulac aran ut queꞌxakli chiru li Ka̱cuaꞌ.

Deuteronomio 4:11

La̱ex xexco̱ex saꞌ xto̱n li tzu̱l ut aran quexxakli ut li tzu̱l yo̱ xxamlel. Li xam quicuulac toj saꞌ choxa ut kꞌojyi̱n chic ru li cutan xban li sib ut li kꞌeki chok.