Éxodo 19:11 - Li Santil hu

¹¹ Ut cheꞌxcauresi rib xban nak saꞌ rox li cutan chiruheb chixjunileb li cristian tincuulak saꞌ li tzu̱l Sinaí.

Q'eqchi Bible

¹¹ ut kawresinb'ilaqeb' re li rox kutan, xb'aan naq sa' li rox kutan tinkub'e'q chaq laa'in li Qaawa', sa' xb'een li tzuul Sinaí, chiru chixjunileb' li poyanam.

Éxodo 19:11 ပူးပေါင်းရင်းမြစ်များ

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Deuteronomio 33:2

Quixye: —Li Ka̱cuaꞌ quichal chak saꞌ li tzu̱l Sinaí. Toj Seir quicꞌutun lix saken. Quicꞌutun xlokꞌal toj saꞌ li tzu̱l Parán. Quicꞌulun rochben lix qꞌuila okꞌob chi ángel. Ut saꞌ lix nim ukꞌ cuan li chakꞌrab chanchan xam.

Éxodo 34:5

Ut li Ka̱cuaꞌ Dios quicube saꞌ li chok. Quicuulac cuan cuiꞌ laj Moisés. Li Dios quixchꞌolob xya̱lal chirix lix nimal cuanquilal joꞌ ajcuiꞌ lix lokꞌal.

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

San Juan 3:13

Ma̱ ani quicuulac saꞌ choxa. Caꞌaj cuiꞌ la̱in li Cꞌajolbej. La̱in xinchal chak saꞌ choxa.

Salmos 144:5

At nimajcual Dios, chatcubek chak saꞌ choxa ut ta̱tochꞌ riqꞌuin a̱cuukꞌ eb li tzu̱l re nak teꞌe̱lk xsibel.

Salmos 18:9

Ut li Ka̱cuaꞌ quixte li choxa ut quicube chak. Ut rubel li rok cuan li kꞌeki chok retalil li raylal xchal saꞌ xbe̱neb.

Números 11:17

La̱in tincubek chak ut tina̱tinak a̱cuiqꞌuin. Ut tinqꞌue lin musikꞌ reheb joꞌ quinqꞌue a̱cue la̱at re nak tateꞌxtenkꞌa chixcꞌambaleb xbe li tenamit aꞌin. Chi joꞌcan incꞌaꞌ ta̱cana̱k saꞌ a̱be̱n a̱junes la̱at li i̱k aꞌin.

Éxodo 19:20

Li Ka̱cuaꞌ Dios quicuulac saꞌ xbe̱n li tzu̱l Sinaí ut quixbok laj Moisés aran. Ut laj Moisés quitakeꞌ chiru li tzu̱l.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Génesis 11:5

Ut li Ka̱cuaꞌ Dios quicube chak ut quiril li cꞌaꞌru yo̱queb chixba̱nunquil li cui̱nk. Quiril li tenamit ut li torre li yo̱queb chixyi̱banquil.

Éxodo 34:2

Ta̱cauresi a̱cuib ut cuulaj ekꞌela, tattakekꞌ chiru li tzu̱l Sinaí. Aran tatcuulak cuiqꞌuin saꞌ xbe̱n li tzu̱l.

Josué 3:5

Laj Josué quixye reheb li tenamit: —Santobresihomak e̱rib xban nak cuulaj tixba̱nu xni̱nkal ru milagro li Ka̱cuaꞌ saꞌ kaya̱nk.—

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Éxodo 24:16

Aran saꞌ li tzu̱l Sinaí cuakib cutan quicuan li xlokꞌal li Dios chi mukmu saꞌ li chok. Saꞌ xcuuk li cutan li Dios quia̱tinac riqꞌuin laj Moisés. Saꞌ li chok qui-el li xya̱b xcux.

Éxodo 24:17

Chiruheb laj Israel quicꞌutun li xlokꞌal li Dios saꞌ xbe̱n li tzu̱l. Chanchan jun nimla xam yo̱ xcꞌatbal chixjunil nak queꞌril.

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.