Éxodo 18:9 - Li Santil hu

⁹ Laj Jetro quisahoꞌ xchꞌo̱l chirabinquil li usilal li quixba̱nu li Ka̱cuaꞌ Dios reheb laj Israel nak quirisiheb chak saꞌ rukꞌeb laj Egipto.

Q'eqchi Bible

⁹ Kisaho'k sa' xch'ool laj Jetró rik'in li xnimal usilal ki'uxk reheb' laj Israel xb'aan li Qaawa', naq kirisiheb' chaq sa' ruq'eb' laj Ejiipt;

Éxodo 18:9 ပူးပေါင်းရင်းမြစ်များ

1 Corintios 12:26

Cui junak xchaꞌal li tzꞌejcualej ra naxcꞌul, narahoꞌ ajcuiꞌ chixjunil li tzꞌejcualej. Ut cui junak xchaꞌal li tzꞌejcualej naqꞌueheꞌ xlokꞌal, chixjunil li tzꞌejcualej naqꞌueman ajcuiꞌ xlokꞌal.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Isaías 66:10

Chisahokꞌ taxak le̱ chꞌo̱l riqꞌuin li tenamit Jerusalén. Chisahokꞌ taxak le̱ chꞌo̱l che̱junilex la̱ex li nequexrahoc re. Chinujak taxak le̱ chꞌo̱l riqꞌuin li sahil chꞌo̱lej la̱ex li quexya̱bac saꞌ xcꞌabaꞌ li tenamit Jerusalén.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.