Éxodo 18:7 - Li Santil hu

⁷ Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

Q'eqchi Bible

⁷ Laj Moisés koxk'ul chaq laj hi'om re, kixhupub' rib' ut kixtz'ub' ru. Ke'xk'e xsahilaleb' xch'ool chirib'ileb' rib' ut ke'ok sa' li muheb'aal.

Éxodo 18:7 ပူးပေါင်းရင်းမြစ်များ

Génesis 29:13

Nak laj Labán quirabi resil nak laj Jacob cuan aran, quia̱linac saꞌ junpa̱t chixcꞌulbal. Nak quicuulac cuan cuiꞌ laj Jacob, quixkꞌalu ut quirutzꞌ ru. Ut saꞌ junpa̱t quixbok saꞌ rochoch. Laj Jacob najt quiserakꞌic riqꞌuin laj Labán.

1 Reyes 2:19

Joꞌcan nak lix Betsabé co̱ chi a̱tinac riqꞌuin li rey Salomón saꞌ xcꞌabaꞌ laj Adonías. Li rey quixakli chixcꞌulbal lix naꞌ ut quixxulub rib chiru. Chirix aꞌan quicꞌojla cuiꞌchic saꞌ lix cꞌojariba̱l ut quixtakla xcꞌambal jun tem re nak lix naꞌ ta̱chunla̱k. Ut lix naꞌ quichunla saꞌ lix nim ukꞌ.

2 Samuel 11:7

Nak laj Urías quicuulac, laj David quixye re: —¿Ma sa saꞌ xchꞌo̱l laj Joab? ¿Ma saheb saꞌ xchꞌo̱l li soldados? ¿Chanru yo̱ li ple̱t? ¿Ma us yo̱ chi e̱lc? chan.

Génesis 19:1

Nak ac oc re li kꞌojyi̱n, queꞌcuulac li cuib chi cui̱nk aran Sodoma. Aꞌaneb lix ángel li Dios. Laj Lot chunchu saꞌ li oqueba̱l re li tenamit saꞌ li naꞌajej li nequeꞌxchꞌutub cuiꞌ ribeb li cristian. Nak quirileb li cui̱nk, quicuacli laj Lot chixcꞌulbaleb, quixcuikꞌib rib ut quixxulub lix jolom saꞌ chꞌochꞌ.

Génesis 18:2

Laj Abraham quiril nak xaka̱mileb oxibeb li cui̱nk chiru. Saꞌ junpa̱t qui-el chixcꞌulbaleb. Quixcuikꞌib rib ut quixxulub lix jolom saꞌ chꞌochꞌ, ut quixye:

Génesis 14:17

Li rey Quedorlaomer joꞌ eb ajcuiꞌ li rochben queꞌosoꞌ saꞌ rukꞌ laj Abram. Nak laj Abram quisukꞌi chak, lix reyeb laj Sodoma qui-el chixcꞌulbal laj Abram. Queꞌxcꞌul rib saꞌ li ru takꞌa Save. Nayeman ajcuiꞌ re li naꞌajej aꞌan “Li Ru Takꞌa re li Rey”.

Hechos 28:15

Eb laj pa̱banel li cuanqueb Roma queꞌrabi resil nak cuulac ke. Cuanqueb laj pa̱banel queꞌchal chi cꞌuluc ke toj cuan cuiꞌ li cꞌayil Apio xcꞌabaꞌ ut cuanqueb ajcuiꞌ queꞌcꞌuluc ke toj saꞌ li naꞌajej Oxib Tabernas. Nak quiril ruheb laj pa̱banel, laj Pablo quixbantioxi chiru li Dios ut quicꞌojla xchꞌo̱l.

Hechos 20:37

Cꞌajoꞌ nak queꞌya̱bac chixjunileb. Queꞌxkꞌalu laj Pablo ut queꞌrutzꞌ ru.

San Lucas 7:45

La̱at incꞌaꞌ xacuutzꞌ li cuu nak xincꞌulun joꞌ cꞌaynako xba̱nunquil. Abanan li ixk aꞌin chalen xcꞌulunic arin incꞌaꞌ naxcanab rutzꞌbal li cuok.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

Jueces 11:34

Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Números 22:36

Nak laj Balac quirabi resil nak yo̱queb chi cha̱lc, co̱ chixcꞌulbaleb saꞌ jun li tenamit li cuan chire li nimaꞌ Arnón saꞌ li nuba̱l re lix naꞌajeb laj Moab.

Génesis 46:29

Ut laj José quixyi̱b lix carre̱t ut qui-oc chi saꞌ. Tojoꞌnak co̱ Gosén chixcꞌulbal lix yucuaꞌ. Nak queꞌxcꞌul rib, laj José ticto quixkꞌalu xcux lix yucuaꞌ ut ma̱ caꞌchꞌin nak quiya̱bac nak queꞌxkꞌalu ribeb.

Génesis 45:15

Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Génesis 31:28

Saꞌ junpa̱t xacꞌameb chak. Incꞌaꞌ xqꞌue rib nak xcuutzꞌeb ru lin rabin joꞌ eb ajcuiꞌ li cui re xchakꞌrabinquileb. Xban a̱to̱ntil nak xaba̱nu a naꞌleb aꞌin.

Génesis 43:26

Nak laj José quicuulac saꞌ rochoch, eb aꞌan queꞌxcuikꞌib rib chiru ut queꞌxqꞌue re lix ma̱tan li queꞌxcꞌam.

Éxodo 4:27

Li Ka̱cuaꞌ Dios quixye re laj Aarón: —Tatxic saꞌ li chaki chꞌochꞌ. Ta̱cꞌul chak laj Moisés.— Ut laj Aarón co̱ chixcꞌulbal laj Moisés saꞌ li tzu̱l bar quia̱tina̱c cuiꞌ xban li Dios. Laj Aarón quirutzꞌ ru xban nak sa saꞌ xchꞌo̱l chi rilbal.

Éxodo 18:6

Laj Jetro quixtakla resil riqꞌuin laj Moisés ut quixye re: —Caꞌchꞌin chic ma̱ nococuulac a̱cuiqꞌuin cuochben la̱ cuixakil ut eb la̱ cualal cuib, chan.

Éxodo 33:7

Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo.

1 Samuel 17:18

Ut ta̱cꞌam ajcuiꞌ li laje̱b chi queso aꞌin re li nataklan saꞌ xbe̱neb li jun mil chi soldado. Ta̱cuil ma cauheb la̱ cuas. Ut teꞌxtakla chak junak retalil cha̱cuix re nak tinnau nak saheb saꞌ xchꞌo̱l, chan laj Isaí.

1 Samuel 17:22

Laj David quixcanab li ri̱k riqꞌuin laj ilol re li cꞌaꞌak re ru reheb li soldados. Co̱ saꞌ a̱nil bar chꞌutchꞌu̱queb cuiꞌ li soldados re ta̱ril chanruheb li ras.