Éxodo 18:5 - Li Santil hu

⁵ Nak laj Moisés yo̱ chi hila̱nc saꞌ li naꞌajej chiru li tzu̱l li quia̱tina̱c cuiꞌ laj Moisés xban li Dios, lix Séfora quicꞌameꞌ chak riqꞌuin laj Moisés xban lix yucuaꞌ. Quixcꞌam ajcuiꞌ chak chixcabichaleb li ralal laj Moisés.

Q'eqchi Bible

⁵ Naq kiwulak laj Jetró, aj hi'om re laj Moisés, rochb'eeneb' li ralal ut li rixaqil laj Moisés sa' li chaqich'och' b'arwi' a'in yo chi hilank, chi xk'atq li xtzuul li Yos,

Éxodo 18:5 ပူးပေါင်းရင်းမြစ်များ

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

1 Reyes 19:8

Quicuacli laj Elías, quicuaꞌac ut qui-ucꞌac. Riqꞌuin lix tzacae̱mk li quixtzaca, cau chic rib re ta̱be̱k chiru caꞌcꞌa̱l cutan ut caꞌcꞌa̱l kꞌojyi̱n toj ta̱cuulak saꞌ li tzu̱l Horeb li nequeꞌxlokꞌoni cuiꞌ li Ka̱cuaꞌ.

Éxodo 19:20

Li Ka̱cuaꞌ Dios quicuulac saꞌ xbe̱n li tzu̱l Sinaí ut quixbok laj Moisés aran. Ut laj Moisés quitakeꞌ chiru li tzu̱l.

Éxodo 19:11

Ut cheꞌxcauresi rib xban nak saꞌ rox li cutan chiruheb chixjunileb li cristian tincuulak saꞌ li tzu̱l Sinaí.

Éxodo 4:27

Li Ka̱cuaꞌ Dios quixye re laj Aarón: —Tatxic saꞌ li chaki chꞌochꞌ. Ta̱cꞌul chak laj Moisés.— Ut laj Aarón co̱ chixcꞌulbal laj Moisés saꞌ li tzu̱l bar quia̱tina̱c cuiꞌ xban li Dios. Laj Aarón quirutzꞌ ru xban nak sa saꞌ xchꞌo̱l chi rilbal.

Éxodo 18:6

Laj Jetro quixtakla resil riqꞌuin laj Moisés ut quixye re: —Caꞌchꞌin chic ma̱ nococuulac a̱cuiqꞌuin cuochben la̱ cuixakil ut eb la̱ cualal cuib, chan.

Éxodo 19:2

Queꞌel saꞌ li naꞌajej Refidim xcꞌabaꞌ ut coxeꞌxtau li chaki chꞌochꞌ Sinaí. Aran queꞌxyi̱b xmuheba̱leb chiru li tzu̱l.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.