Éxodo 18:4 - Li Santil hu

⁴ Ut li ralal jun chic aj Eliezer xcꞌabaꞌ xban nak laj Moisés quixye: —Li Dios li quixlokꞌoni lin yucuaꞌ xinixtenkꞌa ut xinixcol nak xinixcamsi raj laj faraón.— (Li cꞌabaꞌej Eliezer naraj naxye “li Dios niquinixtenkꞌa.”)

Q'eqchi Bible

⁴ ut li jun chik aj Elieser xk'ab'a', xb'aan naq xyehom chaq laj Moisés: “Li xYos linyuwa' a'an aj tenq'ahom we, ut xinxkol chiru xch'iich' laj Parahón”.

Éxodo 18:4 ပူးပေါင်းရင်းမြစ်များ

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Hechos 12:11

Laj Pedro quixqꞌue retal li cꞌaꞌru quixcꞌul ut quixye saꞌ xchꞌo̱l: —Anakcuan ninnau chi tzꞌakal nak li Ka̱cuaꞌ, aꞌan li xtaklan chak re li ángel. Xinixcol saꞌ rukꞌ laj Herodes. Ut xinixcol ajcuiꞌ saꞌ rukꞌeb chixjunileb laj judío li teꞌraj xba̱nunquil raylal cue, chan.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Salmos 34:4

Quintzꞌa̱ma intenkꞌanquil re li Ka̱cuaꞌ ut aꞌan quixsume li cꞌaꞌru quintzꞌa̱ma re ut quilajrisiheb lin xiu.

Salmos 18:48

Li Ka̱cuaꞌ, aꞌan li nacoloc cue chiruheb li xicꞌ nequeꞌiloc cue. Aꞌan naxqꞌue incuanquil saꞌ xbe̱neb li tenamit. At Ka̱cuaꞌ, la̱at xatcoloc cue chiruheb li cui̱nk li nequeꞌrahobtesin cue.

Salmos 18:1

At Ka̱cuaꞌ, kꞌaxal nacatinra. La̱at nacatqꞌuehoc incacuilal.

1 Crónicas 23:15

Eb li ralal laj Moisés, aꞌaneb laj Gersón ut laj Eliezer.

Éxodo 2:15

Quicuulac resil aꞌin riqꞌuin laj faraón ut quixcamsi raj laj Moisés. Ut laj Moisés quie̱lelic saꞌ junpa̱t chiru laj faraón. Co̱ saꞌ li tenamit Madián xcꞌabaꞌ.

Hechos 7:29

Nak quirabi li cꞌaꞌru quixye, laj Moisés quixucuac ut quie̱lelic. Co̱ chi cua̱nc saꞌ li naꞌajej Madián li moco tzꞌakal xtenamit ta. Nak cuan aran, queꞌyoꞌla cuib li ralal.

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Génesis 49:25

Li Ka̱cuaꞌ Dios, li ninlokꞌoni la̱in, aꞌan ta̱tenkꞌa̱nk a̱cue. Li Ka̱cuaꞌ Dios li kꞌaxal nim xcuanquil, aꞌan ta̱osobtesi̱nk a̱cue. Aꞌan ta̱qꞌuehok a̱cue chixjunil li usilal li nachal saꞌ choxa, joꞌ li hab ut li sakꞌe. Aꞌan ta̱qꞌuehok a̱cue chixjunil li usilal li nacuan saꞌ ruchichꞌochꞌ, joꞌ li haꞌ li na-el saꞌ chꞌochꞌ. Aꞌan tixqꞌue chi qꞌuia̱nc nabaleb la̱ cualal a̱cꞌajol.

Éxodo 2:22

Laj Moisés quicuan jun li ralal riqꞌuin lix Séfora. Quixye: —La̱in jalan intenamit. Ma̱cuaꞌin aj arin. Joꞌcan nak tinqꞌue aj Gersón chokꞌ xcꞌabaꞌ.—

Éxodo 4:20

Tojoꞌnak laj Moisés quixqꞌue li rixakil joꞌ eb ajcuiꞌ li ralal chirixeb lix bu̱reb. Ut queꞌco̱eb Egipto. Quixcꞌam ajcuiꞌ saꞌ rukꞌ lix xukꞌ li quiqꞌueheꞌ re xban li Dios.

1 Crónicas 23:17

Ut li ralal laj Eliezer, aꞌan laj Rehabías li nacꞌamoc be. Laj Eliezer incꞌaꞌ chic quicuan ralal xcꞌajol. Abanan laj Rehabías, aꞌan nabal li ralal xcꞌajol queꞌcuan.

Éxodo 10:28

Laj faraón quixye re laj Moisés: —Elen saꞌ xnakꞌ cuu chi junaj cua. Incꞌaꞌ chic nacuaj rilbal a̱cuu. Relic chi ya̱l tinye a̱cue nak saꞌ li cutan nak tincuil cuiꞌchic a̱cuu, aran tatca̱mk, chan.