Éxodo 18:25 - Li Santil hu

²⁵ Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Q'eqchi Bible

²⁵ Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

Éxodo 18:25 ပူးပေါင်းရင်းမြစ်များ

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Hechos 6:5

Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

Éxodo 18:24

Laj Moisés quixpa̱b li ra̱tin laj Jetro ut quixba̱nu joꞌ quiyeheꞌ re.

Números 1:4

Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Números 1:16

Aꞌaneb aꞌin li cui̱nk li queꞌxakaba̱c chi tenkꞌa̱nc chi rajlanquileb li cui̱nk. Aꞌaneb li nequeꞌjolomin reheb li junju̱nk chi xte̱paleb laj Israel.

Números 11:16

Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

2 Samuel 18:1

Laj David quixchꞌutubeb lix soldados li cuanqueb rochben. Quixxakabeb li teꞌtakla̱nk saꞌ xbe̱neb li junju̱nk chꞌu̱tal. Cuanqueb chi mil ut cuanqueb chi ciento.