Éxodo 18:23 - Li Santil hu

²³ Cui joꞌcaꞌin ta̱ba̱nu, li Dios ta̱cꞌamok be che̱ru chixba̱nunquil li cꞌanjel aꞌin. Joꞌcan naru ta̱cuy xba̱nunquil li cꞌanjel ut eb li cristian teꞌxcꞌam rib saꞌ usilal, chan laj Jetro.

Q'eqchi Bible

²³ Wi taab'aanu a'in ut li Yos tixk'ut chawu laataqlankil, laa'at taakuy chik laak'anjel, ut chixjunil li tenamit a'in te'sutq'iiq sa' xna'ajeb' chi saheb' sa' xch'ool”.

Éxodo 18:23 ပူးပေါင်းရင်းမြစ်များ

Éxodo 18:18

La̱at yo̱cat chixtacuasinquil a̱cuib ut joꞌcan ajcuiꞌ yo̱cat chixba̱nunquil reheb li cristian. Yo̱cat ajcuiꞌ chixtacuasinquileb. Nabal li cꞌanjel chokꞌ a̱cue. Incꞌaꞌ naru ta̱ba̱nu a̱junes.

1 Samuel 8:22

Ut li Ka̱cuaꞌ quixye re: —Ba̱nu li cꞌaꞌru nequeꞌraj. Ta̱xakab junak lix reyeb, chan. Ut laj Samuel quixtaklaheb li cui̱nk saꞌ lix tenamiteb.

2 Samuel 18:3

Abanan eb li cui̱nk queꞌxye re: —Incꞌaꞌ tatxic la̱at. Cui la̱o toe̱lelik chiruheb incꞌaꞌ toeꞌra̱lina. Usta yijach li kasoldados teꞌca̱mk, eb aꞌan ma̱cꞌaꞌ nequeꞌraj re. La̱at li kꞌaxal lokꞌ chiru laje̱b mil saꞌ kaya̱nk. Kꞌaxal us nak tatcana̱k arin saꞌ li tenamit aꞌin ut ta̱takla katenkꞌanquil, chanqueb.

Génesis 18:33

Nak quirakeꞌ chi a̱tinac riqꞌuin laj Abraham, li Ka̱cuaꞌ Dios qui-el aran. Ut laj Abraham quisukꞌi cuiꞌchic saꞌ rochoch.

Gálatas 2:2

Co̱in xban nak li Dios quixcꞌutbesi chicuu nak tento tinxic Jerusalén. Ut queꞌxchꞌutub rib li nequeꞌcꞌamoc be chiruheb laj pa̱banel. Ut quinserakꞌi reheb li resilal li evangelio li yo̱quin chixjulticanquil reheb li ma̱cuaꞌeb aj judío. Quinchꞌolob xya̱lal chiruheb re nak incꞌaꞌ ta̱cana̱k chi ma̱cꞌaꞌ rajbal chiruheb li cꞌaꞌru yo̱quin chixba̱nunquil joꞌ ajcuiꞌ li ac xinba̱nu.

Hechos 15:2

Riqꞌuin aꞌan queꞌxtiquib xcuechꞌinquil ribeb riqꞌuin laj Pablo ut laj Bernabé chirix li naꞌleb aꞌin. Ut queꞌxcꞌu̱b ru nak laj Pablo ut laj Bernabé teꞌxic Jerusalén chixpatzꞌbal reheb li apóstol ut reheb laj cꞌamol be ma tento nak teꞌxcꞌul li circuncisión re nak teꞌcolekꞌ. Cuanqueb ajcuiꞌ cuib oxib laj pa̱banel co̱eb chirixeb.

2 Samuel 21:17

Abanan laj Abisai, lix yum lix Sarvia, quicuulac chixcolbal laj David ut quixcamsi li nimla cui̱nk. Chirix aꞌan, eb li soldados aj Israel queꞌxba̱nu li juramento ut queꞌxye re laj David: —Chalen anakcuan la̱at incꞌaꞌ chic tatxic chikix chi pletic. Ma̱re anchal tatcamsi̱k. La̱at chanchanat li kasaken la̱o aj Israel xban nak la̱at li kayoꞌon, chanqueb.

2 Samuel 19:39

Chixjunileb li tenamit queꞌnumeꞌ jun pacꞌal li nimaꞌ Jordán. Ut quinumeꞌ ajcuiꞌ li rey. Quirutzꞌ ru laj Barzilai ut quixtzꞌa̱ma chiru li Dios nak ta̱rosobtesi. Chirix aꞌan laj Barzilai co̱ cuiꞌchic saꞌ rochoch.

Génesis 30:25

Chirix lix yoꞌlajic laj José, laj Jacob quia̱tinac riqꞌuin laj Labán ut quixye re: —Anakcuan nacuaj nak tina̱canab chi xic saꞌ lin tenamit li xinchal cuiꞌ chak.

Éxodo 16:29

La̱in xinqꞌue e̱re li hiloba̱l cutan re nak texhila̱nk. Xban aꞌan xinye e̱re nak saꞌ xcuak li cutan te̱xoc re cuib cutan, chan li Dios.

Éxodo 18:22

Eb li cui̱nk aꞌin teꞌrakok a̱tin rajlal cutan. Cui cuan junak nimla chꞌaꞌajquilal, teꞌxcꞌam a̱cuiqꞌuin. Cui incꞌaꞌ nim li chꞌaꞌajquilal, eb li cui̱nk aꞌan teꞌrakok a̱tin saꞌ xbe̱neb. Chi joꞌcan eb aꞌan tateꞌxtenkꞌa ut incꞌaꞌ ta̱tacuasi a̱cuib.

Éxodo 18:24

Laj Moisés quixpa̱b li ra̱tin laj Jetro ut quixba̱nu joꞌ quiyeheꞌ re.