Éxodo 18:21 - Li Santil hu

²¹ Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Q'eqchi Bible

²¹ Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Éxodo 18:21 ပူးပေါင်းရင်းမြစ်များ

Hechos 6:3

Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Ezequiel 18:8

Incꞌaꞌ naxpatzꞌ ral lix tumin li naxqꞌue chi toꞌ. Incꞌaꞌ naxsicꞌ xbiomal riqꞌuin xtoꞌoninquil tumin. Incꞌaꞌ naxcꞌu̱luban xchꞌo̱l xba̱nunquil li ma̱usilal ut narakoc a̱tin saꞌ xya̱lal nak cuan junak chꞌaꞌajquilal.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Zacarías 8:16

Aꞌan aꞌin li tento te̱ba̱nu la̱ex. Ya̱l chex-a̱tinak riqꞌuineb le̱ ras e̱ri̱tzꞌin. Ut chexrakok a̱tin saꞌ ti̱quilal ut saꞌ xya̱lal re nak cua̱nk li tuktu̱quil usilal saꞌ e̱ya̱nk.

Zacarías 7:9

—Aꞌan aꞌin li ninye e̱re la̱in: Ti̱cak e̱chꞌo̱l ut chexcua̱nk saꞌ xya̱lal. Cha̱bilakex chi ribil e̱rib ut chex-uxta̱na̱nk u.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Proverbios 28:2

Nak li tenamit incꞌaꞌ sa saꞌ xchꞌo̱l cocꞌ aj xsaꞌ nequeꞌxjal li acuabej. Abanan nak cuan junak acuabej cha̱bil xnaꞌleb, li tenamit cau rib ut xakxo saꞌ xnaꞌaj.

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Li xHu LAJ JOB 31:13

Nak eb lin mo̱s xeꞌxpatzꞌ li cꞌaꞌru xeꞌraj cue, xincꞌu̱b riqꞌuineb saꞌ xya̱lal. Junelic xincuan saꞌ xya̱lal riqꞌuineb.

Li xHu LAJ JOB 29:16

Chanchanin chic lix yucuaꞌeb li nequeꞌraj tenkꞌa̱c. Ut la̱in ajcuiꞌ nincoloc reheb li jalaneb xtenamit.

Nehemías 7:2

Quinxakab li cui̱tzꞌin laj Hanani ut laj Hananías re nak eb aꞌan teꞌilok re li tenamit Jerusalén. Laj Hananías aꞌan li nataklan saꞌ xbe̱neb li soldados. Quinxakab aꞌan xban nak aꞌan kꞌaxal ti̱c xchꞌo̱l chiruheb li jun chꞌol chic ut naxxucua ru li Dios.

Nehemías 5:9

Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

Éxodo 18:25

Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Génesis 22:12

Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

Isaías 59:4

Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

Isaías 33:15

Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

San Lucas 18:4

Ut laj rakol a̱tin incꞌaꞌ quiraj. Abanan mokon quixye saꞌ xchꞌo̱l: “La̱in incꞌaꞌ ninxucua ru li Dios chi moco eb li cui̱nk ninqꞌueheb saꞌ xnakꞌ cuu.

San Lucas 18:2

Quixye reheb: —Saꞌ jun li tenamit quicuan jun aj rakol a̱tin incꞌaꞌ naxxucua ru li Dios, chi moco naxqꞌue saꞌ xnakꞌ ru li cristian.

Isaías 16:5

Saꞌ eb li cutan aꞌan jun reheb li ralal xcꞌajol laj David ta̱oc chokꞌ rey. Aꞌan ta̱takla̱nk saꞌ xbe̱neb li tenamit saꞌ ti̱quilal ut tixraheb. Ta̱rakok a̱tin saꞌ xya̱lal ut tixtenkꞌaheb li tenamit chi cua̱nc saꞌ ti̱quilal.

1 Reyes 18:12

Ma̱re lix musikꞌ li Ka̱cuaꞌ tatxcꞌam saꞌ jalan chic naꞌajej nak ac xin-el arin. Cui la̱in ninye re li rey Acab nak cuancat arin ut cui ma̱ anihakat nak ta̱cha̱lk cha̱sicꞌbal, relic chi ya̱l tinixtakla chi camsi̱c. La̱at nacanau nak chalen saꞌ insa̱jilal la̱in ninxucua ru li Ka̱cuaꞌ.

1 Reyes 18:3

Li rey Acab quixbok riqꞌuin laj Abdías, li na-iloc re li cꞌaꞌru cuan re saꞌ li palacio. Laj Abdías, aꞌan cꞌajoꞌ nak naxxucua ru li Ka̱cuaꞌ ut naxqꞌue xlokꞌal.

1 Samuel 8:12

Cuanqueb li tixxakab chi takla̱nc saꞌ xbe̱neb jun mil chi soldado. Cuanqueb ajcuiꞌ li tixqꞌue chi takla̱nc saꞌ xbe̱neb laje̱b roxcꞌa̱l. Ut cuanqueb li tixqꞌue chixtrabajinquil lix chꞌochꞌ ut chixkꞌolbal li ru li racui̱mk. Cuanqueb li tixqꞌue chixyi̱banquil li chꞌi̱chꞌ re pletic. Ut cuanqueb ajcuiꞌ li tixqꞌue chixyi̱banquil lix carruaje re pletic.

Josué 22:14

Queꞌxtakla ajcuiꞌ laje̱b li nequeꞌcꞌamoc be saꞌ xya̱nkeb li junju̱nk te̱p. Queꞌco̱eb saꞌ xcꞌabaꞌ li junju̱nk chꞌu̱tal li ralal xcꞌajol laj Israel.

Números 10:4

Cui jun ajcuiꞌ li trompeta ta̱ya̱basi̱k, teꞌxchꞌutub ribeb cha̱cuu eb li nequeꞌjolomin reheb li junju̱nk xte̱paleb laj Israel.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

Números 1:4

Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Números 1:16

Aꞌaneb aꞌin li cui̱nk li queꞌxakaba̱c chi tenkꞌa̱nc chi rajlanquileb li cui̱nk. Aꞌaneb li nequeꞌjolomin reheb li junju̱nk chi xte̱paleb laj Israel.

Deuteronomio 22:18

Ut eb laj cꞌamol be teꞌxchap li cui̱nk ut teꞌxqꞌue chixtojbal xma̱c.

Esdras 7:25

La̱at, Esdras, joꞌ naxcꞌut cha̱cuu li Ka̱cuaꞌ la̱ Dios, ta̱xakab aj rakol a̱tin ut ta̱xakab aj cꞌamol be re nak aꞌaneb chic teꞌtakla̱nk saꞌ xbe̱neb chixjunileb li tenamit li cuanqueb jun pacꞌal li nimaꞌ Éufrates. Ta̱cua̱nk xcuanquileb saꞌ xbe̱neb chixjunileb li nequeꞌxnau li cꞌaꞌru naxye saꞌ li chakꞌrab li quiqꞌueheꞌ reheb xban li Ka̱cuaꞌ la̱ Dios. Ut eb li incꞌaꞌ nequeꞌxnau li chakꞌrab, la̱at ta̱cꞌut chiruheb.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Salmos 15:1

At Ka̱cuaꞌ, ¿ani ta̱ru̱k ta̱cua̱nk saꞌ la̱ santil naꞌaj? ¿Ani ta̱ru̱k ta̱cua̱nk chi sum a̱tin a̱cuiqꞌuin?

Éxodo 17:9

Laj Moisés quixye re laj Josué: —Ta̱siqꞌueb ru li cui̱nk li teꞌxic chi pletic riqꞌuineb laj Amalec. Ut cuulaj tinxakli̱k saꞌ xbe̱n li tzu̱l ut cua̱nk lin xukꞌ saꞌ cuukꞌ li nacꞌutuc xcuanquil li Dios.

2 Samuel 18:1

Laj David quixchꞌutubeb lix soldados li cuanqueb rochben. Quixxakabeb li teꞌtakla̱nk saꞌ xbe̱neb li junju̱nk chꞌu̱tal. Cuanqueb chi mil ut cuanqueb chi ciento.