Éxodo 18:16 - Li Santil hu

¹⁶ Nak nacuan chꞌaꞌajquilal, nequeꞌchal cuiqꞌuin. La̱in nintzꞌiloc a̱tin chirixeb ut ninchꞌolob xya̱lal lix chakꞌrab li Dios chiruheb, chan.

Q'eqchi Bible

¹⁶ Naq wank xch'a'ajkilaleb', neke'chalk wik'in; laa'in ninraqok aatin sa' xb'eeneb' ut nink'e chixnaweb' li xchaq'rab' li Yos ut li xtaqlahom”.

Éxodo 18:16 ပူးပေါင်းရင်းမြစ်များ

Éxodo 24:14

Nak ac xic re toj takecꞌ, laj Moisés quixye reheb li cui̱nk li nequeꞌcꞌamoc be chiruheb laj Israel: —Arin toe̱roybeni toj tosukꞌi̱k chak. Cua̱nk taxak saꞌ e̱chꞌo̱l nak laj Aarón ut laj Hur cuanqueb saꞌ e̱ya̱nk. Cui cuan junak li chꞌaꞌajquilal, te̱ye reheb aꞌan ut eb aꞌan teꞌtzꞌilok a̱tin chirix li cuanqueb saꞌ chꞌaꞌajquilal, chan laj Moisés.

1 Corintios 6:1

Cui cuan junak saꞌ e̱ya̱nk cuan xchꞌaꞌajquilal riqꞌuin junak xherma̱n, ¿ma ta̱ru̱k ta biꞌ ta̱xic chiruheb laj rakol a̱tin re li ruchichꞌochꞌ? ¿Ma incꞌaꞌ raj us nak riqꞌuineb laj pa̱banel ta̱xic?

2 Samuel 15:3

laj Absalón naxye reheb: —Kꞌaxal us la̱ cua̱tin ut ti̱c, abanan ma̱ ani junak ta̱a̱tinak cha̱cuix chiru li rey, chan reheb.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Li xHu LAJ JOB 31:13

Nak eb lin mo̱s xeꞌxpatzꞌ li cꞌaꞌru xeꞌraj cue, xincꞌu̱b riqꞌuineb saꞌ xya̱lal. Junelic xincuan saꞌ xya̱lal riqꞌuineb.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Números 15:35

Li Ka̱cuaꞌ quixye re laj Moisés: —Ma̱cꞌaꞌ xjalenquil. Tento nak ta̱camsi̱k li cui̱nk aꞌan. Chixjunileb li tenamit teꞌxcuti chi pec chirix li naꞌajej li cuanqueb cuiꞌ lix muheba̱leb, chan.

Levítico 24:15

Ta̱ye reheb laj Israel nak li ani tixmajecua li Dios, tento nak tixtoj rix lix ma̱c.

Éxodo 23:7

Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Éxodo 2:13

Joꞌ cuulajak chic laj Moisés qui-el cuiꞌchic chi be̱c ut quiril cuib aj hebreo yo̱queb chi pletic. Quixye re li jun li quipaltoꞌ: —¿Cꞌaꞌut nak yo̱cat chixsacꞌbal la̱ cuech cristianil?—

Éxodo 18:17

Laj Jetro quixye re: —Incꞌaꞌ us li yo̱cat chixba̱nunquil.

2 Crónicas 19:10

Yalak cꞌaꞌru toleꞌjitok cuiꞌ che̱ru le̱ ras e̱ri̱tzꞌin cuanqueb chak saꞌ eb li naꞌajej, cheqꞌuehak xnaꞌleb re nak incꞌaꞌ teꞌma̱cobk chiru li Ka̱cuaꞌ. Usta aj camsineleb, usta xeꞌxkꞌet li chakꞌrab malaj ut lix kꞌusbaleb ut lix tijbaleb, chekꞌuseb re nak incꞌaꞌ ta̱cha̱lk xjoskꞌil li Ka̱cuaꞌ saꞌ e̱be̱n chi moco saꞌ xbe̱neb le̱ ras e̱ri̱tzꞌin. Cui te̱ba̱nu chi joꞌcan incꞌaꞌ texma̱cobk.