Éxodo 18:13 - Li Santil hu

¹³ Joꞌ cuulajak chic laj Moisés quitzꞌiloc a̱tin chirixeb li cristian. Xakxo̱queb li cristian chiru laj Moisés chixjunil li cutan ekꞌela toj ecuu chiroybeninquil jokꞌe teꞌa̱tinak.

Q'eqchi Bible

¹³ Sa' li kutan jun chik laj Moisés kik'ojlaak chi raqok aatin sa' xb'eeneb' li tenamit, ut tik jun kutan ke'wank li tenamit chiru laj Moisés chalen eq'la toj ewu.

Éxodo 18:13 ပူးပေါင်းရင်းမြစ်များ

Romanos 13:6

Joꞌcan nak tento xtojbal li naxpatzꞌ li po̱pol. Tento xtojbal xban nak li cuanqueb saꞌ xcꞌanjel xakabanbileb xban li Dios, ut aꞌan lix cꞌanjeleb.

Romanos 12:8

Li ani cuan xma̱tan re qꞌuehoc naꞌleb, chiqꞌuehok naꞌleb saꞌ xya̱lal. Li ani cuan xma̱tan re sihi̱nc, chisihi̱nk chi anchal xchꞌo̱l. Li ani cuan xma̱tan chi cꞌamoc be chiruheb li ras ri̱tzꞌin, chixqꞌuehak xchꞌo̱l chixba̱nunquil saꞌ xya̱lal. Li ani cuan xma̱tan re uxta̱na̱nc u, chiruxta̱nahak ru li ras ri̱tzꞌin chi anchal xchꞌo̱l.

San Mateo 23:2

—Eb laj tzꞌi̱b ut eb laj fariseo, qꞌuebileb xcuanquil chixchꞌolobanquil xya̱lal li chakꞌrab li quiqꞌueheꞌ re laj Moisés.

Joel 3:12

Ut li Ka̱cuaꞌ quixye ajcuiꞌ: —Cauresihomakeb li tenamit re teꞌxic saꞌ li ru takꞌa re Josafat, xban nak aran ta̱cꞌojla̱k li Ka̱cuaꞌ chi rakoc a̱tin saꞌ xbe̱neb chixjunil li tenamit li nachꞌ cuanqueb riqꞌuin Israel.

Isaías 16:5

Saꞌ eb li cutan aꞌan jun reheb li ralal xcꞌajol laj David ta̱oc chokꞌ rey. Aꞌan ta̱takla̱nk saꞌ xbe̱neb li tenamit saꞌ ti̱quilal ut tixraheb. Ta̱rakok a̱tin saꞌ xya̱lal ut tixtenkꞌaheb li tenamit chi cua̱nc saꞌ ti̱quilal.

Li xHu LAJ JOB 29:7

Nak ninxic saꞌ li tenamit, la̱in ninchunla saꞌ xya̱nkeb li nequeꞌrakoc a̱tin.

Jueces 5:10

Cheyehak resilal che̱junilex la̱ex li nequexxic chirixeb li bu̱r li sak rixeb ut la̱ex li nequexrakoc a̱tin. Cheyehak ajcuiꞌ resilal la̱ex li nequexxic che̱rok.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 18:14

Laj Jetro quiril li cꞌaꞌru yo̱ chixba̱nunquil laj Moisés. Quixye re: —¿Cꞌaꞌut nak a̱junes yo̱cat chixba̱nunquil li cꞌanjel aꞌin? Xakxo̱queb li cristian chixjunil li cutan cha̱cuoybeninquil, ekꞌela ut ecuu.—