Éxodo 18:12 - Li Santil hu

¹² Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Q'eqchi Bible

¹² Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Éxodo 18:12 ပူးပေါင်းရင်းမြစ်များ

Deuteronomio 12:7

Saꞌ li naꞌajej aꞌan texcuaꞌak chiru li Ka̱cuaꞌ le̱ Dios ut ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol xban nak li Ka̱cuaꞌ le̱ Dios xexrosobtesi.

Génesis 31:54

Ut laj Jacob quixlokꞌoni li Ka̱cuaꞌ Dios saꞌ li tzu̱l aꞌan ut quixqꞌue lix mayej chiru. Ut quixbokeb ajcuiꞌ li rechꞌalal chi cuaꞌac. Queꞌcuaꞌac chixjunileb ut saꞌ li tzu̱l queꞌxnumsi li kꞌojyi̱n.

Éxodo 24:11

Li Dios incꞌaꞌ quixcamsiheb li cui̱nk li nequeꞌcꞌamoc be chiruheb laj Israel. Queꞌril ru li Dios ut incꞌaꞌ queꞌcam. Aran saꞌ li naꞌajej aꞌan queꞌcuaꞌac ut queꞌucꞌac.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

1 Corintios 10:21

Incꞌaꞌ naru te̱rucꞌ xsaꞌ li secꞌ re xjulticanquil xcamic li Ka̱cuaꞌ Jesús, ut te̱rucꞌ ajcuiꞌ xsaꞌ li secꞌ re xqꞌuebal xlokꞌal li ma̱us aj musikꞌej. Chi moco naru te̱cuaꞌ li caxlan cua re xjulticanquil xcamic li Ka̱cuaꞌ Jesucristo ut te̱cuaꞌ ajcuiꞌ li cua mayejanbil chiruheb li ma̱us aj musikꞌej.

1 Corintios 10:18

Cheqꞌue retal laj Israel. Eb aꞌan queꞌxtzaca li tib li queꞌxmayeja chiru li Dios. Aꞌan retalil nak cuanqueb chi sum a̱tin riqꞌuin li Dios.

San Lucas 14:15

Jun reheb li chunchu̱queb saꞌ li me̱x quirabi li cꞌaꞌru quixye li Jesús ut quixye re: —Us xak re li ani ta̱tzꞌako̱nk chi cuaꞌac saꞌ li ninkꞌe saꞌ lix nimajcual cuanquilal li Dios, chan.

San Lucas 14:1

Saꞌ jun li hiloba̱l cutan li Jesús co̱ chi cuaꞌac saꞌ rochoch jun laj fariseo nim xcuanquil. Ut cuanqueb ajcuiꞌ cuib oxib laj fariseo yo̱queb chixqꞌuebal retal li Jesús.

Daniel 10:3

Chiru li oxib xama̱n aꞌan incꞌaꞌ xintzaca li sahil echej chi moco xinyal li vino, chi moco li tib, ut incꞌaꞌ quicuocsi li sununquil ban re xyi̱banquil cuib toj quinumeꞌ li oxib xama̱n aꞌan.

Li xHu LAJ JOB 42:11

Chixjunileb li ras ut li ri̱tzꞌin, joꞌ cui̱nk joꞌ ixk, queꞌcuulac chirilbal laj Job. Ut queꞌcuulac ajcuiꞌ chixjunileb li rami̱g li queꞌcuan junxil ut queꞌninkꞌei̱c saꞌ li rochoch. Queꞌxcꞌojob xchꞌo̱l laj Job riqꞌuin chixjunil li raylal li quiqꞌueheꞌ saꞌ xbe̱n xban li Ka̱cuaꞌ. Chixjunileb queꞌxsi xtumin ut queꞌxsi ajcuiꞌ xmatkꞌab oro.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

Li xHu LAJ JOB 1:5

Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

2 Samuel 9:7

Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

Deuteronomio 27:7

Ut aran ajcuiꞌ te̱qꞌue le̱ mayej re xcꞌambal e̱rib saꞌ usilal riqꞌuin li Dios ut te̱tzaca ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios.

Éxodo 2:20

Laj Reuel quixye reheb lix rabin: —¿Bar cuan li cui̱nk aꞌan? ¿Cꞌaꞌut nak xecanab chak aran? Ayukex, bokomak chak re nak ta̱cuaꞌak kiqꞌuin, chan.

Génesis 43:25

Ut eb li ralal laj Jacob quilajeꞌxyi̱beb chi chꞌinaꞌus li ma̱tan li teꞌxsi re laj José xban nak ac queꞌrabi resil nak teꞌcuaꞌak riqꞌuin cuaꞌleb.

Génesis 26:25

Ut laj Isaac quixtus li pec ut quixyi̱b jun lix artal ut quixlokꞌoni li Ka̱cuaꞌ Dios. Laj Isaac quixyi̱b ajcuiꞌ lix muheba̱l re nak ta̱cua̱nk aran. Ut eb lix mo̱s laj Isaac queꞌxbec aran jun chic lix julel haꞌ.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Génesis 4:4

Ut laj Abel quixqꞌue ajcuiꞌ chokꞌ xmayej li xbe̱n ral lix carner. Quixsicꞌ ru li kꞌaxal cha̱bil saꞌ xya̱nkeb. Ut li Ka̱cuaꞌ Dios quisahoꞌ saꞌ xchꞌo̱l riqꞌuin laj Abel ut quixcꞌul lix mayej.

Éxodo 2:16

Ut aran coxtau jun li becbil haꞌ ut coxchunla̱k aran. Laj tij saꞌ li tenamit Madián cuukub lix rabin cuan. Eb aꞌan queꞌcuulac chirisinquil li haꞌ re nak teꞌxbutꞌ xnaꞌajeb rucꞌa lix queto̱mk lix yucuaꞌ.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Éxodo 18:13

Joꞌ cuulajak chic laj Moisés quitzꞌiloc a̱tin chirixeb li cristian. Xakxo̱queb li cristian chiru laj Moisés chixjunil li cutan ekꞌela toj ecuu chiroybeninquil jokꞌe teꞌa̱tinak.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Éxodo 33:7

Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo.

Números 10:29

Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.

Génesis 26:30

Ut laj Isaac quixba̱nu jun li ninkꞌe. Eb aꞌan queꞌcuaꞌac ut queꞌucꞌac.