Éxodo 17:9 - Li Santil hu

⁹ Laj Moisés quixye re laj Josué: —Ta̱siqꞌueb ru li cui̱nk li teꞌxic chi pletic riqꞌuineb laj Amalec. Ut cuulaj tinxakli̱k saꞌ xbe̱n li tzu̱l ut cua̱nk lin xukꞌ saꞌ cuukꞌ li nacꞌutuc xcuanquil li Dios.

Q'eqchi Bible

⁹ Toja' naq laj Moisés kixye re laj Josué: “Taasik'eb' ru winq li te'xik chawix wulaj re yalok rik'ineb' laj Amalek. Laa'in xaqxooqin sa' xb'een li tzuul, chi wanq xxuq' li Yos sa' wuq'”.

Éxodo 17:9 ပူးပေါင်းရင်းမြစ်များ

Deuteronomio 32:44

Laj Moisés quicuulac rochben laj Josué li ralal laj Nun ut quixye reheb li tenamit li ra̱tinal li bich aꞌin.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.

Éxodo 4:20

Tojoꞌnak laj Moisés quixqꞌue li rixakil joꞌ eb ajcuiꞌ li ralal chirixeb lix bu̱reb. Ut queꞌco̱eb Egipto. Quixcꞌam ajcuiꞌ saꞌ rukꞌ lix xukꞌ li quiqꞌueheꞌ re xban li Dios.

Éxodo 4:2

Li Dios quixye re: —¿Cꞌaꞌru li cuan saꞌ a̱cuukꞌ? chan. —Jun li xukꞌ, chan laj Moisés.

Hebreos 4:8

Eb li queꞌpa̱ban saꞌ xya̱nkeb laj Israel queꞌoc chi hila̱nc saꞌ li naꞌajej Canaán nak laj Josué quicꞌamoc be chiruheb. Abanan ma̱cuaꞌ aꞌan li tzꞌakal naꞌajej re hila̱nc chi junelic. Cui ta aꞌan li tzꞌakal hiloba̱l, incꞌaꞌ raj chic quixye li Dios nak toj naru to-oc chi hila̱nc riqꞌuin.

Hechos 7:45

Eb li kaxeꞌto̱nil yucuaꞌ queꞌxcꞌul li muheba̱l aꞌin. Ut nak laj Josué quicꞌamoc be chiruheb chi pletic, queꞌxcꞌam li muheba̱l chirixeb. Ut queꞌre̱chani lix chꞌochꞌeb li ma̱cuaꞌeb aj judío nak li Dios quirisi chiruheb li kaxeꞌto̱nil yucuaꞌ li xicꞌ queꞌiloc reheb. Li muheba̱l aꞌan quicꞌanjelac saꞌ eb li cutan aꞌan toj chalen nak quicuan laj David chokꞌ rey.

Números 11:28

Laj Josué li ralal laj Nun cuan aran. Aꞌan li natenkꞌan re laj Moisés chalen saꞌ xsa̱jilal. Quixye re laj Moisés: —At ka̱cuaꞌ Moisés, ta̱ye reheb nak teꞌxcanab a̱tinac, chan.

Éxodo 17:13

Ut riqꞌuin aꞌan queꞌnumta laj Josué saꞌ xbe̱neb laj Amalec.

Números 13:16

Aꞌin lix cꞌabaꞌeb li cui̱nk li queꞌtakla̱c xban laj Moisés chixqꞌuebal retal li naꞌajej Canaán: laj Oseas li ralal laj Nun quiqꞌueheꞌ aj Josué chokꞌ xcꞌabaꞌ xban laj Moisés.

Éxodo 4:17

Ut li xukꞌ aꞌin ta̱cꞌam saꞌ a̱cuukꞌ ut riqꞌuin aꞌan ta̱ba̱nu li naꞌleb li xincꞌut cha̱cuu, chan li Dios re.

Josué 8:18

Ut li Ka̱cuaꞌ Dios quixye re laj Josué: —Taksi la̱ chꞌi̱chꞌ cuan saꞌ la̱ cuukꞌ re xyebal reheb nak teꞌoc saꞌ li tenamit xban nak la̱in tinkꞌaxtesi e̱re li tenamit Hai, chan. Laj Josué quixtaksi lix chꞌi̱chꞌ cuan saꞌ rukꞌ saꞌ xbe̱n li tenamit Hai.

1 Crónicas 7:27

li ralal laj Elisama, aꞌan laj Nun; li ralal laj Nun, aꞌan laj Josué.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Éxodo 33:11

Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.

Números 13:8

Ut saꞌ lix te̱paleb li ralal xcꞌajol laj Efraín quitakla̱c laj Oseas li ralal laj Nun.

Números 27:18

Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

Josué 8:3

Joꞌcan nak laj Josué quixchꞌutubeb lix soldado re tixtakla chi pletic riqꞌuineb li cuanqueb saꞌ li tenamit Hai. Quixsicꞌ ruheb laje̱b xcaꞌcꞌa̱l mil (30,000) chi soldado cauheb xchꞌo̱l chi pletic re tixtaklaheb chiru kꞌojyi̱n.