Éxodo 17:6 - Li Santil hu

⁶ Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

Q'eqchi Bible

⁶ Laa'in wanqin chawu aran Horeb, sa' xb'een li nimla pek. Taasak' li raxpek ut taa'elq chaq ha' re naq te'uk'aq li tenamit”. Jo'kan kixb'aanu laj Moisés chiruheb' li xb'eenil laj Israel.

Éxodo 17:6 ပူးပေါင်းရင်းမြစ်များ

1 Corintios 10:4

Chixjunileb queꞌrucꞌ li haꞌ li quiqꞌueheꞌ reheb xban li Dios. Li haꞌ aꞌan qui-el chak saꞌ li sako̱nac. Ut li sako̱nac aꞌan, aꞌan retalil li Cristo li qui-ochbenin reheb nak yo̱queb chi numecꞌ saꞌ li chaki chꞌochꞌ.

Nehemías 9:15

Ut nak queꞌtzꞌoca, saꞌ choxa quichal chak li cua caqꞌue chixcuaꞌeb. Ut nak ta̱chakik reheb, cacuisi li haꞌ saꞌ li sako̱nac ut caqꞌue reheb. Caye ajcuiꞌ reheb nak teꞌoc saꞌ li naꞌajej li cayechiꞌi reheb riqꞌuin juramento.

Deuteronomio 8:15

Aꞌan quicꞌamoc be che̱ru nak quexnumeꞌ chak saꞌ li nimla chaki chꞌochꞌ li xiu xiu cuiꞌ cua̱nc. Aran cuanqueb li cꞌantiꞌ li nequeꞌcamsin. Cuanqueb ajcuiꞌ eb laj xo̱cꞌ. Ut xecuy ajcuiꞌ li chaki el. Ut nak ma̱cꞌaꞌ li haꞌ, li Ka̱cuaꞌ quirisi li haꞌ saꞌ li cacuil sako̱nac re te̱rucꞌ.

Salmos 105:41

Li Dios quixjor li sako̱nac ut qui-el chak li haꞌ re teꞌrucꞌ. Ut li haꞌ quibe̱c rok saꞌ li chaki chꞌochꞌ joꞌ jun nimaꞌ.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

Salmos 114:8

Li nimajcual Dios quixsukꞌisi li sako̱nac chokꞌ yuꞌam haꞌ. Quixjor li sako̱nac ut nabal li haꞌ quicana aran.

Salmos 46:4

Li rusilal li Dios cuan saꞌ xbe̱neb li ralal xcꞌajol. Aꞌan chanchan li nimaꞌ li naxqꞌue xsahil xchꞌo̱l lix santil tenamit li nimajcual Dios, li cuan cuiꞌ lix santil naꞌaj.

Salmos 78:20

Ya̱l nak xjor li sako̱nac ut x-el chak nabal li haꞌ. Chanchan jun nimaꞌ nak qui-el chak li haꞌ. Abanan, ¿ma ta̱ru̱k ta biꞌ tixqꞌue li kacua? ¿Ma ta̱ru̱k ta biꞌ tixqꞌue katib re totzaca̱nk? chanqueb li tenamit.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Isaías 48:21

Incꞌaꞌ queꞌxcuy xchaki el nak li Ka̱cuaꞌ quixqꞌueheb chi numecꞌ saꞌ li chaki chꞌochꞌ. Li Ka̱cuaꞌ quixqꞌue chi e̱lc li haꞌ saꞌ li pec. Quixjor li pec ut aran qui-el chi nabal li haꞌ re xeꞌrucꞌ.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Éxodo 14:16

La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Números 20:8

—Chap la̱ xukꞌ. La̱at ut laj Aarón te̱chꞌutub ruheb li tenamit. Ut chiruheb chixjunileb ta̱ye re li sako̱nac nak tixqꞌue li haꞌ re teꞌrucꞌ. Ut ta̱cuisi li haꞌ saꞌ li pec ut ta̱qꞌueheb li tenamit chi ucꞌac. Ut teꞌucꞌak ajcuiꞌ lix queto̱mkeb, chan li Ka̱cuaꞌ.

Deuteronomio 1:2

Junlaju cutan chi be xnajtil li naꞌajej Horeb riqꞌuin li naꞌajej Cades-barnea nak nequeꞌxic saꞌ li be li nanumeꞌ saꞌ li tzu̱l Seir.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

Salmos 78:18

Queꞌxyal rix li Dios xban nak queꞌxtzꞌa̱ma lix cuaheb chanru queꞌraj eb aꞌan.

Salmos 81:7

Nak cuanquex saꞌ raylal xetzꞌa̱ma e̱tenkꞌanquil chicuu ut la̱in xexincol. La̱in xinsume toj saꞌ li chok li na-ecꞌan cuiꞌ li ca̱k. Ut aran cuan cuiꞌ li haꞌ Meriba quinyal rix le̱ pa̱ba̱l.