Éxodo 17:2 - Li Santil hu

² Ut eb laj Israel queꞌoc cuiꞌchic chixcuechꞌinquil laj Moisés. —Qꞌue kucꞌa, chanqueb re. Laj Moisés quixye reheb: —¿Cꞌaꞌut nak yo̱quex chincuechꞌinquil? ¿Cꞌaꞌut nak nequecuechꞌi rix li Dios? chan.

Q'eqchi Bible

² Toja' naq ke'ok chi xwech'inkil laj Moisés: “K'e quk'a'”, chankeb'. Kichaq'ok laj Moisés ut kixye reheb': “K'a'ut naq yookex chinwech'inkil? K'a'ut naq nekeyal rix li Qaawa'?”.

Éxodo 17:2 ပူးပေါင်းရင်းမြစ်များ

1 Corintios 10:9

Mikaqꞌue xjoskꞌil li Ka̱cuaꞌ Dios joꞌ queꞌxba̱nu eb aꞌan nak queꞌxba̱nu li ma̱usilal ut queꞌtiꞌeꞌ xbaneb li cꞌantiꞌ li quixtakla li Ka̱cuaꞌ Dios ut queꞌcam.

Salmos 78:41

Rajlal yo̱queb chixyalbal rix lix Dioseb laj Israel toj retal queꞌxchikꞌ xjoskꞌil li Dios santo.

Salmos 78:18

Queꞌxyal rix li Dios xban nak queꞌxtzꞌa̱ma lix cuaheb chanru queꞌraj eb aꞌan.

Deuteronomio 6:16

Joꞌcan nak me̱yal rix li Ka̱cuaꞌ le̱ Dios joꞌ queba̱nu nak cuanquex chak saꞌ li naꞌajej Masah.

Hebreos 3:9

Aran queꞌxqꞌue injoskꞌil le̱ xeꞌto̱nil yucuaꞌ. Chiru caꞌcꞌa̱l chihab queꞌril li usilal li quilajinba̱nu reheb. Abanan junelic yo̱queb chixqꞌuebal injoskꞌil.

Isaías 7:12

Abanan laj Acaz quichakꞌoc ut quixye: —Incꞌaꞌ tintzꞌa̱ma cha̱cuu nak ta̱cꞌutbesi junak retalil chicuu. La̱in incꞌaꞌ tinyal a̱cuix la̱at, at Ka̱cuaꞌ, chan.

San Mateo 4:7

Ut li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin: Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)

Salmos 95:9

Saꞌ li cutan aꞌan eb le̱ xeꞌto̱nil yucuaꞌ queꞌxyal cuix usta queꞌril li sachba chꞌo̱lej li quinba̱nu reheb.

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

Hechos 15:10

Anakcuan ut ¿cꞌaꞌut nak yo̱quex chixyalbal rix li Dios riqꞌuin xqꞌuebal li i̱k aꞌin saꞌ xbe̱neb laj pa̱banel li ma̱cuaꞌeb aj judío? ¿Cꞌaꞌut nak te̱puersiheb chixba̱nunquil li naxye li chakꞌrab li incꞌaꞌ xoru chixba̱nunquil la̱o chi moco eb li kaxeꞌto̱nil yucuaꞌ?

Hechos 5:9

Ut laj Pedro quixye cuiꞌchic re: —¿Cꞌaꞌut nak xecꞌu̱b che̱ribil e̱rib xyalbal rix li Santil Musikꞌej? Cueꞌqueb chak li xeꞌmukuc chak re la̱ be̱lom ut tateꞌxcꞌam ajcuiꞌ la̱at, chan.

San Lucas 4:12

Li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin: Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)

Malaquías 3:15

Ut nequeye ajcuiꞌ, “Us xak reheb li incꞌaꞌ useb xnaꞌleb. Eb li nequeꞌba̱nun ma̱usilal, us cuanqueb. Nequeꞌxba̱nu li ma̱usilal yal re xyalbal rix li Dios ut ma̱cꞌaꞌ nequeꞌxcꞌul,” chanquex.—

Salmos 106:14

Nak cuanqueb aran saꞌ li chaki chꞌochꞌ bar ma̱cꞌaꞌ cuan, queꞌxrahi ru li tibel cua. Joꞌcan nak queꞌxyal rix li Ka̱cuaꞌ.

Salmos 78:56

Abanan toj yo̱queb ajcuiꞌ xyalbal rix li nimajcual Dios ut queꞌxchikꞌ xjoskꞌil xban nak queꞌxkꞌet lix chakꞌrab.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Éxodo 17:7

Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.

San Lucas 15:12

Li i̱tzꞌinbej quixye re lix yucuaꞌ: —At inyucuaꞌ, qꞌue cue anakcuan la̱ jun cablal li joꞌ qꞌuial li tintzꞌak la̱in, chan. Tojoꞌnak li yucuaꞌbej quixjeqꞌui lix jun cablal reheb li ralal cuib.

Éxodo 15:24

Eb laj Israel queꞌchal xjoskꞌileb ut queꞌoc chi cuechꞌi̱nc chiru laj Moisés ut queꞌxye re: —¿Anakcuan cꞌaꞌru takucꞌ? chanqueb.

1 Samuel 8:6

Ut laj Samuel incꞌaꞌ quicuulac chiru nak queꞌxtzꞌa̱ma xreyeb. Joꞌcan nak quitijoc chiru li Ka̱cuaꞌ.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Salmos 95:8

Cherabi li cꞌaꞌru yo̱ chixyebal e̱re li Ka̱cuaꞌ: —Me̱cacuubresi e̱chꞌo̱l joꞌ queꞌxba̱nu le̱ xeꞌto̱nil yucuaꞌ nak cuanqueb saꞌ li naꞌajej Meriba. Me̱ba̱nu joꞌ queꞌxba̱nu eb aꞌan saꞌ li cutan nak cuanqueb saꞌ li chaki chꞌochꞌ saꞌ li naꞌajej Masah.

Salmos 106:13

Abanan saꞌ junpa̱t queꞌsach saꞌ xchꞌo̱l li usilal li quixba̱nu li Dios reheb. Incꞌaꞌ queꞌxtzꞌa̱ma chiru li Dios nak aꞌan tixqꞌue xnaꞌlebeb.

Deuteronomio 9:22

Ut quechikꞌ ajcuiꞌ xjoskꞌil li Dios saꞌ eb li naꞌajej Tabera, Masah, ut Kibrot-hataava.