Éxodo 17:13 - Li Santil hu

¹³ Ut riqꞌuin aꞌan queꞌnumta laj Josué saꞌ xbe̱neb laj Amalec.

Q'eqchi Bible

¹³ Ut laj Josué kixsach xwankileb' laj Amalek chi junwaakaj.

Éxodo 17:13 ပူးပေါင်းရင်းမြစ်များ

Josué 10:42

Saꞌ li ple̱t aꞌan laj Josué quinumta saꞌ xbe̱neb chixjunileb li rey ut queꞌre̱chani lix naꞌajeb xban nak li Ka̱cuaꞌ yo̱ chi tenkꞌa̱nc reheb laj Israel.

Josué 11:12

Queꞌxsach ruheb chi junaj cua chixjunileb li tenamit li queꞌoquen chi pletic riqꞌuineb laj Israel ut queꞌxcamsiheb chi chꞌi̱chꞌ joꞌ ajcuiꞌ lix reyeb joꞌ quiyeheꞌ reheb xban laj Moisés laj cꞌanjel chiru li Dios.

Josué 10:37

Queꞌoc saꞌ li tenamit Hebrón ut queꞌnumta saꞌ xbe̱n li rey joꞌqueb ajcuiꞌ chixjunileb li cuanqueb aran. Ut queꞌnumta ajcuiꞌ saꞌ xbe̱neb li cocꞌ tenamit li cuanqueb saꞌ li naꞌajej aꞌan. Quilajeꞌxcamsi chi chꞌi̱chꞌ chixjunileb li cuanqueb aran joꞌ queꞌxba̱nu aran Eglón. Ma̱ jun chic queꞌxcanabeb chi yoꞌyo.

Josué 10:32

Ut saꞌ xcab li cutan li Ka̱cuaꞌ quixkꞌaxtesi li tenamit saꞌ rukꞌeb laj Israel. Joꞌ nak quilajeꞌxcamsi chixjunileb saꞌ li naꞌajej Libna, joꞌcan cuiꞌchic queꞌxba̱nu aran Laquis. Ma̱ jun chic queꞌcana chi yoꞌyo saꞌ li tenamit aꞌan.

Josué 10:28

Saꞌ eb li cutan aꞌan laj Josué ut eb lix soldado queꞌpletic riqꞌuineb li cuanqueb saꞌ li tenamit Maceda. Queꞌnumta saꞌ xbe̱neb ut queꞌxcamsiheb. Ma̱ jun chic queꞌcana chi yoꞌyo saꞌ li tenamit aꞌan. Joꞌ nak quixcamsi lix reyeb laj Jericó, joꞌcan cuiꞌchic quixba̱nu re lix reyeb laj Maceda.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Éxodo 17:12

Quilub chixtaksinquil li rukꞌ laj Moisés. Tojoꞌnak laj Aarón rochben laj Hur queꞌxcꞌam chak jun li pec ut queꞌxqꞌue chokꞌ xcꞌojariba̱l. Laj Aarón ut laj Hur queꞌoc chixtenkꞌanquil lix tel re nak incꞌaꞌ ta̱lubk chixtaksinquil. Jun quixqꞌue rib saꞌ xnim ukꞌ ut li jun chic quixqꞌue rib saꞌ xtzꞌe. Chi joꞌcan queꞌxtaksi li rukꞌ laj Moisés toj nak qui-oc li sakꞌe.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Josué 8:26

Laj Josué incꞌaꞌ quixcubsi lix chꞌi̱chꞌ ut eb lix soldados incꞌaꞌ queꞌxcanab pletic toj retal queꞌosoꞌ chixjunileb li cuanqueb saꞌ li tenamit Hai.