Éxodo 17:12 - Li Santil hu

¹² Quilub chixtaksinquil li rukꞌ laj Moisés. Tojoꞌnak laj Aarón rochben laj Hur queꞌxcꞌam chak jun li pec ut queꞌxqꞌue chokꞌ xcꞌojariba̱l. Laj Aarón ut laj Hur queꞌoc chixtenkꞌanquil lix tel re nak incꞌaꞌ ta̱lubk chixtaksinquil. Jun quixqꞌue rib saꞌ xnim ukꞌ ut li jun chic quixqꞌue rib saꞌ xtzꞌe. Chi joꞌcan queꞌxtaksi li rukꞌ laj Moisés toj nak qui-oc li sakꞌe.

Q'eqchi Bible

¹² Ke'lub'k li ruq' laj Moisés; jo'kan naq ke'xchap jun li pek ut ke'xk'e cho'q xk'ojarib'aal, ut laj Moisés kihilank sa' xb'een. Laj Aharón ut laj Jur wankeb' chi xka'pak'alil, yookeb' chi xtaqsinkil li ruq' laj Moisés. Jo'kan naq eb' li ruq' ke'xkuy wank chi ye'yo toj reetal ki'ok li saq'e.

Éxodo 17:12 ပူးပေါင်းရင်းမြစ်များ

Isaías 35:3

Cacuubresihomak li rukꞌ li ma̱cꞌaꞌeb xmetzꞌe̱u. Joꞌ ajcuiꞌ li rok li nequeꞌsicsot xban xlubic. Qꞌuehomak xcacuilal xchꞌo̱leb li kꞌuneb xchꞌo̱l. Ut qꞌuehomak xcacuil xchꞌo̱l li nequeꞌchꞌinan xchꞌo̱l.

Filipenses 1:19

Ut junelic ta̱sahokꞌ inchꞌo̱l xban nak ninnau nak yo̱quex chi tijoc chicuix. Ut li Santil Musikꞌej natenkꞌan cue. Joꞌcan nak nasahoꞌ saꞌ inchꞌo̱l xban nak ninnau nak chixjunil li nincꞌul, li Dios tixsukꞌisi chokꞌ usilal chokꞌ cue.

Hebreos 12:12

Checacuubresihak le̱ rok e̱rukꞌ li ma̱cꞌaꞌ xmetzꞌe̱u. Lix ya̱lal li jaljo̱quil ru a̱tin aꞌan aꞌin: Checacuubresi le̱ chꞌo̱l re nak incꞌaꞌ ta̱chꞌina̱nk e̱chꞌo̱l saꞌ le̱ pa̱ba̱l.

1 Ts 5:25

Ex herma̱n, chextijok chikix la̱o.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

2 Corintios 1:11

Abanan nakatzꞌa̱ma ajcuiꞌ che̱ru nak junelic textijok chikix. Cui nabaleb li nequeꞌtijoc chikix, nabaleb ajcuiꞌ li teꞌbantioxi̱nk chiru li Dios nak torosobtesi.

Santiago 1:6

Ut nak tixtzꞌa̱ma re li Dios, tento nak tixpa̱b nak ta̱qꞌuehekꞌ re xban li Dios. Moco yal ta xcab rix xchꞌo̱l nak tixtzꞌa̱ma. Tixtzꞌa̱ma ban chi anchal xchꞌo̱l. Li ani yal xcab rix xchꞌo̱l tixtzꞌa̱ma li cꞌaꞌru ta̱raj re li Dios, aꞌan chanchan li palau incꞌaꞌ tuktu ru. Lix chꞌo̱l li jun aꞌan chanchan li palau ecꞌasinbil xban li ikꞌ ut nacꞌameꞌ yalak bar.

Salmos 35:3

Cꞌuleb riqꞌuin la̱ chꞌi̱chꞌ ut la̱ la̱ns li teꞌajok inchapbal. Ut chaye taxak cue nak la̱at tatcolok cue.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

Éxodo 17:11

Nak quixtaksi li rukꞌ laj Moisés, kꞌaxal cauheb rib laj Israel. Ut nak quixcubsi li rukꞌ laj Moisés, eb laj Amalec chic cauheb rib.

Éxodo 17:13

Ut riqꞌuin aꞌan queꞌnumta laj Josué saꞌ xbe̱neb laj Amalec.

Éxodo 24:14

Nak ac xic re toj takecꞌ, laj Moisés quixye reheb li cui̱nk li nequeꞌcꞌamoc be chiruheb laj Israel: —Arin toe̱roybeni toj tosukꞌi̱k chak. Cua̱nk taxak saꞌ e̱chꞌo̱l nak laj Aarón ut laj Hur cuanqueb saꞌ e̱ya̱nk. Cui cuan junak li chꞌaꞌajquilal, te̱ye reheb aꞌan ut eb aꞌan teꞌtzꞌilok a̱tin chirix li cuanqueb saꞌ chꞌaꞌajquilal, chan laj Moisés.

Josué 8:26

Laj Josué incꞌaꞌ quixcubsi lix chꞌi̱chꞌ ut eb lix soldados incꞌaꞌ queꞌxcanab pletic toj retal queꞌosoꞌ chixjunileb li cuanqueb saꞌ li tenamit Hai.