Éxodo 16:8 - Li Santil hu

⁸ Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Q'eqchi Bible

⁸ Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Éxodo 16:8 ပူးပေါင်းရင်းမြစ်များ

Romanos 13:2

Joꞌcan nak li ani incꞌaꞌ napa̱ban chiruheb li cuanqueb xcuanquil, naxkꞌet li cꞌaꞌru xakabanbil xban li Dios. Ut yo̱ chixbokbal li tojba ma̱c saꞌ xbe̱n.

1 Samuel 8:7

Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

Números 14:27

—¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Números 21:7

Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

San Juan 13:20

Relic chi ya̱l tinye e̱re nak ani ta̱cꞌuluk re li ani tintakla, tinixcꞌul ajcuiꞌ la̱in. Ut li ani ta̱cꞌuluk cue la̱in, tixcꞌul ajcuiꞌ li quitaklan chak cue, chan li Jesús reheb.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Isaías 32:6

Li incꞌaꞌ us xnaꞌleb junes to̱ntil naꞌleb naxye ut junes ma̱usilal naxcꞌoxla xba̱nunquil. Naxba̱nu li incꞌaꞌ us ut naxhob li Ka̱cuaꞌ li nimajcual Dios. Incꞌaꞌ naxqꞌue xtzacae̱mkeb li teꞌtzꞌoca̱k chi moco naxqꞌue rucꞌaheb li teꞌchakik reheb.

Éxodo 16:12

—La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

Éxodo 16:9

Laj Moisés quixye re laj Aarón: —Joꞌcaꞌin ta̱ye reheb chixjunileb laj Israel, “Quimkex. Chꞌutubomak e̱rib chiru li Ka̱cuaꞌ Dios. Aꞌan xrabi nak yo̱quex chi cuechꞌi̱nc,” chaꞌkat reheb.—

Éxodo 17:2

Ut eb laj Israel queꞌoc cuiꞌchic chixcuechꞌinquil laj Moisés. —Qꞌue kucꞌa, chanqueb re. Laj Moisés quixye reheb: —¿Cꞌaꞌut nak yo̱quex chincuechꞌinquil? ¿Cꞌaꞌut nak nequecuechꞌi rix li Dios? chan.

Números 11:18

Ta̱ye ajcuiꞌ reheb chixjunileb nak teꞌxsantobresi ribeb xban nak cuulaj tinqꞌue lix tibeb re teꞌxtzaca. La̱in xcuabi nak yo̱queb chi cuechꞌi̱nc ut yo̱queb chixyebal: Us raj cuan ta tib re takatzaca. Us nak cuanco chak Egipto, chanqueb. Joꞌcan nak anakcuan tinqꞌue lix tibeb re teꞌxtzaca.