Éxodo 16:6 - Li Santil hu

⁶ Queꞌchakꞌoc laj Moisés ut laj Aarón, ut queꞌxye reheb chixjunileb laj Israel: —Anakcuan saꞌ li ecuu aꞌin, la̱ex te̱nau nak li Ka̱cuaꞌ Dios, aꞌan li qui-isin chak e̱re saꞌ li tenamit Egipto.

Q'eqchi Bible

⁶ Toja' naq laj Moisés ut laj Aharón ke'xye re chixjunil li xkomonileb' laj Israel: “Hoon ewu teenaw naq li Qaawa' ki'isink chaq eere sa' li tenamit Ejiipt,

Éxodo 16:6 ပူးပေါင်းရင်းမြစ်များ

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Números 16:30

Abanan cui li Ka̱cuaꞌ tixba̱nu li ma̱ jun sut quicꞌulman ut cui li chꞌochꞌ ta̱jachekꞌ ut teꞌtꞌanekꞌ chi saꞌ eb li cui̱nk aꞌin chi yoꞌyo rochben chixjunil li cꞌaꞌru cuan reheb, aꞌan retalil nak eb li cui̱nk aꞌin queꞌxtzꞌekta̱na li Ka̱cuaꞌ, chan.

Números 16:28

Laj Moisés quixye reheb: —Joꞌcaꞌin nak te̱nau nak li Ka̱cuaꞌ quitaklan chak cue chixba̱nunquil li cꞌaꞌru ninba̱nu. Moco injunes ta nintakla cuib.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

Éxodo 32:11

Laj Moisés quixtzꞌa̱ma chiru li Ka̱cuaꞌ Dios ut quixye re: —At Ka̱cuaꞌ Dios, ¿cꞌaꞌut nak mas xchal la̱ joskꞌil saꞌ xbe̱neb la̱ tenamit? Riqꞌuin lix nimal a̱cuanquilal xacuisiheb chak saꞌ li tenamit Egipto.

Éxodo 32:7

Ut li Dios quixye re laj Moisés: —Ayu, cuben. Tatxic riqꞌuineb li cristian. Cꞌajoꞌ xyibal ru yo̱queb la̱ tenamit li xacuisiheb chak saꞌ li tenamit Egipto.

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Salmos 81:11

Joꞌcan quinye reheb lin tenamit, abanan incꞌaꞌ queꞌraj rabinquil li cꞌaꞌru quinye reheb ut incꞌaꞌ queꞌabin chicuu.