Éxodo 16:31 - Li Santil hu

³¹ Eb laj Israel maná queꞌxqꞌue chokꞌ xcꞌabaꞌ li tzacae̱mk aꞌan. Li maná sak ut chanchan riyajil li culantro. Lix sahil chanchan yi̱banbil caxlan cua riqꞌuin xyaꞌal cab.

Q'eqchi Bible

³¹ Eb' laj Israel maná ke'xk'e cho'q xk'ab'a' li tzekemq a'an. Li maná chanchan riyajil li kulaantr, saq saq, ut li xsahil jo' li k'uluj yiib'anb'il rik'in xya'al kab'.

Éxodo 16:31 ပူးပေါင်းရင်းမြစ်များ

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Éxodo 16:15

Nak eb laj Israel queꞌril aꞌan, queꞌxye chi ribileb rib: —¿Cꞌaꞌ put ru aꞌan? chanqueb xban nak ma̱ jun sut rilomeb. Ut laj Moisés quixye reheb: —Aꞌin le̱ tzacae̱mk li xqꞌue chak e̱re li Ka̱cuaꞌ Dios.

Éxodo 16:14

Nak nachakic li xchuꞌque, natꞌoroxin chic saꞌ xbe̱n chꞌochꞌ li teꞌxyi̱b chokꞌ xcuaheb.

Éxodo 16:30

Tojoꞌnak eb li cristian queꞌhilan saꞌ xcuuk li cutan.

Éxodo 16:32

Laj Moisés quixye reheb. —Aꞌin li quixye li Ka̱cuaꞌ Dios. Te̱xoc jun chꞌina chacachak li maná re xcꞌutbal chiruheb le̱ ralal e̱cꞌajol chanru li tzacae̱mk li quixqꞌue chak e̱re nak cuanquex chak saꞌ li chaki chꞌochꞌ re nak le̱ ralal e̱cꞌajol teꞌril chanru li tzacae̱mk quetzaca chak nak quexcuisi chak saꞌ li tenamit Egipto, chan li Dios e̱re.

Deuteronomio 8:3

Usta quexcanab chixcuybal raylal ut chixcuybal e̱tzꞌocajic, abanan mokon quixqꞌue li maná re te̱cuaꞌ, li ma̱ jun sut e̱cuaꞌom chi moco le̱ xeꞌto̱nil yucuaꞌ queꞌcuaꞌoc re. Quixba̱nu chi joꞌcan re nak te̱qꞌue retal nak ma̱cuaꞌ caꞌaj cuiꞌ riqꞌuin li cua yoꞌyo cuiꞌ li cui̱nk. Riqꞌuin ban li a̱tin li naxye li Ka̱cuaꞌ.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.