Éxodo 16:3 - Li Santil hu

³ Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Q'eqchi Bible

³ ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Éxodo 16:3 ပူးပေါင်းရင်းမြစ်များ

Éxodo 17:3

Cꞌajoꞌ nak teꞌchakik reheb li cristian. Queꞌxcuechꞌi laj Moisés ut queꞌxye re: —¿Cꞌaꞌut nak xoa̱cuisi chak Egipto? ¿Cꞌaꞌut nak xoa̱cꞌam chak arin? Yo̱ chikacamsinquil li chaki el. Eb li kacocꞌal ut eb li kaqueto̱mk teꞌca̱mk xban chaki el, chanqueb.

Lamentaciones 4:9

Kꞌaxal us chokꞌ reheb li xeꞌcamsi̱c saꞌ li ple̱t chiruheb li nequeꞌcam xban xtzꞌocajiqueb. Eb aꞌan timil timil nequeꞌcam xban nak ma̱cꞌaꞌ chic xtzacae̱mkeb.

Deuteronomio 28:67

Nak ta̱sake̱uk te̱ye, “Us raj ac ta x-oc li kꞌojyi̱n,” ut nak ta̱kꞌojyi̱nokꞌ, te̱ye, “Us raj ac ta xsake̱u,” chaꞌkex xban le̱ xiu ut xban li raylal li yo̱quex chixcꞌulbal.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

1 Corintios 4:8

Ac xcꞌojla e̱chꞌo̱l xban nak saꞌ e̱chꞌo̱l la̱ex nak ac xetau e̱naꞌleb. Chanchanex li biom saꞌ le̱ pa̱ba̱l nak nequecꞌoxla. ¿Ma la̱ex chic rey nak nequecꞌoxla? Saꞌ e̱chꞌo̱l la̱ex nak ma̱cꞌaꞌ kacuanquil. Us raj ac ta cuan xetau e̱naꞌaj chokꞌ rey, re nak tocua̱nk ajcuiꞌ raj la̱o chi takla̱nc e̱rochben.

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

2 Corintios 11:1

Usan cui tine̱cuy chic caꞌchꞌinak usta to̱ntil a̱tin che̱ru la̱ex li cꞌaꞌru tinye ut cherabihak li cꞌaꞌru tinye e̱re.

Hechos 26:29

Ut laj Pablo quixye: —Xqꞌue taxak a̱cue li Dios nak tatpa̱ba̱nk la̱at joꞌ eb ajcuiꞌ chixjunileb li yo̱queb chi abi̱nc cue anakcuan. Usta chꞌaꞌaj che̱ru, usta incꞌaꞌ, texpa̱ba̱nk taxak joꞌ nak xinpa̱ban la̱in, abanan incꞌaꞌ raj texbaqꞌuekꞌ riqꞌuin cadena, joꞌ nak bacꞌbo̱quin la̱in, chan.

Li xHu LAJ JOB 3:20

¿Cꞌaꞌut nak li Dios naxqꞌue xyuꞌam li junju̱nk yal re nak tixcꞌul raylal saꞌ ruchichꞌochꞌ? ¿Cꞌaꞌut nak naxqꞌue xyuꞌam li junelic ra saꞌ xchꞌo̱l?

Li xHu LAJ JOB 3:10

Tzꞌekta̱nanbil ta chi junaj cua li kꞌojyi̱n aꞌan nak li Dios quinixqꞌue chi yoꞌla̱c ut incꞌaꞌ xinixcol chiru li raylal aꞌin li yo̱quin chixcꞌulbal anakcuan.

Li xHu LAJ JOB 3:1

Quicuulac xkꞌehil nak laj Job quia̱tinac ut quixmajecua li cutan nak quiyoꞌla.

2 Samuel 18:33

Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

Deuteronomio 8:3

Usta quexcanab chixcuybal raylal ut chixcuybal e̱tzꞌocajic, abanan mokon quixqꞌue li maná re te̱cuaꞌ, li ma̱ jun sut e̱cuaꞌom chi moco le̱ xeꞌto̱nil yucuaꞌ queꞌcuaꞌoc re. Quixba̱nu chi joꞌcan re nak te̱qꞌue retal nak ma̱cuaꞌ caꞌaj cuiꞌ riqꞌuin li cua yoꞌyo cuiꞌ li cui̱nk. Riqꞌuin ban li a̱tin li naxye li Ka̱cuaꞌ.

Números 16:41

Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Números 16:13

¿Ma incꞌaꞌ tzꞌakal riqꞌuin nak xoa̱cuisi saꞌ li tenamit li na-el cuiꞌ chi us li acui̱mk re toca̱mk saꞌ li chaki chꞌochꞌ? ¿Ma toj ta̱cuaj tattakla̱nk saꞌ kabe̱n saꞌ joskꞌil?

Números 11:15

Cui la̱at yo̱cat chixba̱nunquil cue chi joꞌcaꞌin, kꞌaxal us cui ta̱cuisi lin yuꞌam cui ya̱l nak niquina̱ra, re nak incꞌaꞌ chic yo̱kin chi cꞌuluc nabal raylal, chan laj Moisés.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

Éxodo 2:23

Ac xnumeꞌ chic nabal cutan nak quicam lix reyeb laj Egipto. Eb laj Israel japjo̱queb re xban li raylal yo̱queb chixcꞌulbal joꞌ rahobtesinbil mo̱s. Li Dios quirabi nak yo̱queb chi kꞌoko̱nc.

Números 14:3

¿Cꞌaꞌut nak xoxcꞌam chak li Ka̱cuaꞌ saꞌ li naꞌajej aꞌin yal re nak tocamsi̱k? Ut, ¿cꞌaꞌut nak tixcanabeb chi chapecꞌ li kixakil ut eb li kacocꞌal? ¿Ma incꞌaꞌ raj us nak tosukꞌi̱k cuiꞌchic Egipto? chanqueb.

Salmos 78:19

Ut queꞌa̱tinac chirix li Dios ut queꞌxye: —¿Ma ta̱ru̱k ta biꞌ tixqꞌue katzacae̱mk nak cuanco arin saꞌ li chaki chꞌochꞌ?

Salmos 78:25

Quixtakla li choxahil cua reheb ut queꞌxcuaꞌ chi nabal toj retal queꞌnujac.

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,

Jeremías 44:17

La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.

Éxodo 14:11

Ut queꞌxye re laj Moisés: —¿Ma ma̱cꞌaꞌ mukleba̱l aran Egipto? ¿Cꞌaꞌut nak xoa̱cꞌam chak arin chi ca̱mc saꞌ li chaki chꞌochꞌ? ¿Cꞌaꞌut nak xaba̱nu ke chi joꞌcaꞌin? ¿Cꞌaꞌru rajbal nak xoa̱cuisi saꞌ li tenamit Egipto?

Números 11:20

Tinqꞌueheb ban chi tiꞌoc tib chi cuulaj cuulaj chiru jun po toj retal teꞌnujak ut teꞌxaꞌcuak xban xqꞌuial li teꞌxtzaca. Teꞌyibok chic xban nak incꞌaꞌ chic teꞌraj ru. Tinba̱nu reheb chi joꞌcan xban nak xineꞌxtzꞌekta̱na ut xban ajcuiꞌ nak quineꞌxcuechꞌi ut queꞌxye nak kꞌaxal us raj cui incꞌaꞌ xeꞌel Egipto, chan li Ka̱cuaꞌ.

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

Salmos 107:5

Osoꞌqueb re xban xtzꞌocajiqueb ut xban xchaki eleb.