Éxodo 16:23 - Li Santil hu

²³ Laj Moisés quixye reheb: —Joꞌcan xye li Ka̱cuaꞌ Dios. Cuulaj li hiloba̱l cutan. Aꞌan jun lokꞌlaj cutan chiru li Ka̱cuaꞌ Dios. Te̱jora li joꞌ qꞌuial te̱raj ut te̱chik li joꞌ qꞌuial te̱raj ut li ta̱elaꞌa̱nk naru te̱xoc re cuulaj, chan.

Q'eqchi Bible

²³ ut a'an kixsumeheb': “A'an a'in li xtaqlahom li Qaawa': Wulaj li hilob'aal kutan, jun sábado li tento xq'axtesinkil re li Qaawa'. Chiqomaq li tento xchiqb'al, woqximaq li woqxiik taaraj; ut li taa'ela'anq k'uulahomaq cho'q re wulaj”, chan.

Éxodo 16:23 ပူးပေါင်းရင်းမြစ်များ

Levítico 23:3

Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.

Éxodo 31:15

Cuakib cutan textrabajik. Ut li xcuuk li cutan, aꞌan jun lokꞌlaj hiloba̱l cutan. Ut aꞌan jun santil cutan chiru li Ka̱cuaꞌ Dios. Li ani natrabajic chiru li hiloba̱l cutan, ta̱camsi̱k”, chaꞌakat reheb.

San Lucas 23:56

Queꞌsukꞌi saꞌ rochocheb ut queꞌxcauresi li sununquil ban re xbanbal li camenak, ut queꞌhilan saꞌ li hiloba̱l cutan joꞌ naxye saꞌ lix chakꞌrabeb.

Éxodo 23:12

Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

Números 11:8

Eb li cristian queꞌxmol li maná. Cuan li queꞌxqueꞌ chiruheb xcaꞌ ut cuan li tenbil queꞌxba̱nu re. Nequeꞌxchik saꞌ chꞌi̱chꞌ ucꞌal ut cuan li nequeꞌxyi̱b chokꞌ xcaxlan cua. Ut lix sahil chanchan li cha̱bil aceite.

Éxodo 16:19

Laj Moisés quixye reheb: —Ma̱cꞌaꞌ relaꞌ te̱cꞌu̱la re cuulaj, chan.

Deuteronomio 5:12

Julticak e̱re li hiloba̱l cutan re nak oxlokꞌinbilak che̱ru, joꞌ quixye e̱re li Ka̱cuaꞌ le̱ Dios.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Nehemías 9:14

Ut caqꞌue ajcuiꞌ reheb li chakꞌrab chirix li hiloba̱l cutan li kꞌaxal lokꞌ cha̱cuu. Li chakꞌrab aꞌin ac quicꞌuteꞌ ajcuiꞌ chak chiruheb xban laj Moisés laj cꞌanjel cha̱cuu.

Jeremías 17:22

Chi moco te̱risi li i̱k saꞌ le̱ rochoch saꞌ li hiloba̱l cutan. Ut incꞌaꞌ texcꞌanjelak. Cheqꞌuehak xlokꞌal li hiloba̱l cutan joꞌ quinye reheb le̱ xeꞌto̱nil yucuaꞌ.

Números 11:7

Li maná chanchan riyajil li culantro ut kꞌan xbonol chanchan xkꞌol cheꞌ.