Éxodo 16:22 - Li Santil hu

²² Saꞌ xcuak li cutan queꞌxxoc re cuib cutan. Caꞌcab cocꞌ chacach queꞌxxoc chixju̱nkaleb. Ut eb li cui̱nk li nequeꞌcꞌamoc be saꞌ xya̱nkeb laj Israel queꞌco̱eb xpatzꞌbal re laj Moisés cꞌaꞌut nak queꞌxba̱nu chi joꞌcan.

Q'eqchi Bible

²² Sa' xwaq li kutan ke'xxok re wiib' kutan; ka'kab' kok' chakach chixjunqaleb'. Toja' naq chixjunileb' li xb'eenil li komonil ke'wulak rik'in laj Moisés chi xyeeb'al resil,

Éxodo 16:22 ပူးပေါင်းရင်းမြစ်များ

Éxodo 16:5

Ut saꞌ xcuak li cutan teꞌxxoc tzꞌakal re cuib cutan, chan li Dios.

Levítico 25:22

Nak yo̱kex chi a̱uc saꞌ li xcuakxak li chihab toj yo̱kex ajcuiꞌ chixtzacanquil li xexoc saꞌ xcuak li chihab. Ut toj yo̱kex ajcuiꞌ chixcuaꞌbal li xexoc nak tex-oc cuiꞌchic chi kꞌoloc saꞌ li xbele li chihab.

Levítico 25:12

Chixjunil li chihab aꞌan re jun sahil chꞌo̱lejil ut santobresinbil chokꞌ e̱re la̱ex. Ut te̱tzaca ru li acui̱mk li xyoꞌla yal xjunes.

Éxodo 34:31

Tojoꞌnak laj Moisés quixbok laj Aarón joꞌ eb ajcuiꞌ li cui̱nk li nequeꞌcꞌamoc be chiruheb laj Israel. Queꞌnachꞌoc riqꞌuin ut laj Moisés quia̱tinac riqꞌuineb.

Éxodo 16:16

Li Dios quixye nak che̱junilex te̱xoc li joꞌ qꞌuial naru te̱cuaꞌ. Te̱xoc junju̱nk cocꞌ chacach che̱ju̱nkal, chan.

Éxodo 16:21

Cuulaj cuulaj queꞌxxoc li joꞌ qꞌuial naru teꞌxcuaꞌ. Ut nak quitikcuoꞌ li sakꞌe quihaꞌoꞌ li joꞌ qꞌuial incꞌaꞌ queꞌxxoc.