Éxodo 15:8 - Li Santil hu

⁸ Chanchan apunbil xaba̱nu nak xajach ru li palau. Chanchan li tzꞌac quicana li haꞌ saꞌ xcaꞌ pacꞌalil li be saꞌ xyi li palau.

Q'eqchi Bible

⁸ Rik'in rapusihom laajosq'il kixtuub' rib' li ha'; chanchan tz'ak naq ke'xaqliik li xkaw oq li palaw, ut toj sa' xyi kipeko'k li xchamal.

Éxodo 15:8 ပူးပေါင်းရင်းမြစ်များ

Li xHu LAJ JOB 4:9

Li Dios naxqꞌueheb chi sachc. Xban xjoskꞌil li Dios, naxsacheb ru chi junaj cua.

Salmos 78:13

Quixjach ru li haꞌ ut quixnumsiheb jun pacꞌal li Caki Palau. Chanchan jun li tzꞌac nak quixakli li haꞌ ut chaki queꞌnumeꞌ cuiꞌ.

2 Ts 2:8

Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo.

Habacuc 3:10

Ut quicuil ajcuiꞌ nak xban la̱ cuanquilal, li tzu̱l queꞌxucuac cha̱cuu ut quilajeꞌecꞌan saꞌ xnaꞌajeb. Quicuan li butꞌ saꞌ ruchichꞌochꞌ ut cau yo̱ chi ecꞌa̱nc xya̱b li haꞌ nak yo̱ xcutlenquil lix cau ok.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

2 Samuel 22:16

Nak li Ka̱cuaꞌ quikꞌusuc, quicꞌutun li chꞌochꞌ rubel li palau. Ut quicana chi cutanquil li nacu̱tun re li ruchichꞌochꞌ. Chanchan yal apunbil quixba̱nu re.

Isaías 37:7

La̱in tintakla jun esilal. Nak lix reyeb laj Asiria ta̱rabi, ta̱xucuak ut ta̱xic cuiꞌchic saꞌ xtenamit. Nak ac cua̱nk chic saꞌ xtenamit, ta̱camsi̱k chi chꞌi̱chꞌ,” chan li Ka̱cuaꞌ.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Josué 3:13

Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

Salmos 33:7

Li Dios quixchꞌutub ru li haꞌ ut quixcanab saꞌ xnaꞌajeb. Ut aran queꞌcana li xni̱nkal ru palau.

Habacuc 3:15

Quicuil nak yo̱cat chi numecꞌ saꞌ xbe̱n li palau a̱cuochbeneb la̱ cacua̱y ut li haꞌ cꞌajoꞌ nak quitakeꞌ chak lix cuokx.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.