Éxodo 15:7 - Li Santil hu

⁷ Riqꞌuin xnimal la̱ cuanquilal xasacheb li queꞌxyal xnimobresinquil rib cha̱cuu. Cacꞌutbesi la̱ joskꞌil chiruheb ut quilajeꞌosoꞌ joꞌ nak na-osoꞌ li qꞌuim nak nacuteꞌ saꞌ xam.

Q'eqchi Bible

⁷ Rik'in xnimal aaloq'al nakasacheb' li neke'xyal xnimob'resinkil rib' chawu; nakak'ut laajosq'il, ut chanchaneb' li k'im sa' xam naq neke'oso'k.

Éxodo 15:7 ပူးပေါင်းရင်းမြစ်များ

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Isaías 47:14

Eb aꞌan teꞌsachekꞌ ruheb. Incꞌaꞌ naru teꞌxcol rixeb. Chanchanakeb li qꞌuim nak teꞌcꞌatekꞌ riqꞌuin xam. Li xam aꞌan ma̱cuaꞌ re teꞌxkꞌixna ribeb. Re ban xsachbal ruheb.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Isaías 5:16

Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Salmos 148:13

Cheꞌxqꞌuehak taxak xlokꞌal lix santil cꞌabaꞌ li nimajcual Dios xban nak caꞌaj cuiꞌ aꞌan li kꞌaxal nim xcuanquil. Ut aꞌan li kꞌaxal lokꞌ chiru chixjunil li cuan saꞌ choxa joꞌ ajcuiꞌ saꞌ ruchichꞌochꞌ.

Salmos 83:13

At inDios, chasach ta ruheb li xicꞌ nequeꞌiloc a̱cue. Chanchanakeb ta li chaki xak kꞌe̱n nak teꞌcꞌamekꞌ xban ikꞌ.

Deuteronomio 33:26

La̱ex aj Jesurún te̱nau nak ma̱cꞌaꞌ chic junak dios juntakꞌe̱t riqꞌuin li Ka̱cuaꞌ le̱ Dios. Li Ka̱cuaꞌ nachal chak saꞌ choxa re textenkꞌa. Chanchan nak nachal saꞌ xbe̱n li chok riqꞌuin lix nimal xcuanquil ut riqꞌuin lix nimal xlokꞌal.

Hechos 9:4

Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Zacarías 14:8

Jun li yuꞌam haꞌ ta̱e̱lk aran Jerusalén. Yijach ta̱xic saꞌ li nimla palau li cuan saꞌ li este li na-el cuiꞌ chak li sakꞌe. Ut li yijach chic ta̱xic saꞌ li palau li cuan saꞌ li oeste li na-oc cuiꞌ li sakꞌe. Li yuꞌam haꞌ aꞌan incꞌaꞌ ta̱chakik. Ta̱cua̱nk li haꞌ saꞌ habalkꞌe ut ta̱cua̱nk ajcuiꞌ saꞌ sakꞌehil.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Miqueas 4:11

Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb.

Jeremías 10:6

At Ka̱cuaꞌ, kꞌaxal nim la̱ cuanquil. Ma̱ ani juntakꞌe̱t a̱cuiqꞌuin. Nim xcuanquil la̱ cꞌabaꞌ ut kꞌaxal lokꞌ.

Isaías 37:38

Saꞌ jun li cutan laj Senaquerib yo̱ chi lokꞌoni̱nc saꞌ lix templo laj Nisroc lix dios. Queꞌcuulac laj Adramelec ut laj Sarezer, li cuib chi ralal. Queꞌxcamsi chi chꞌi̱chꞌ ut queꞌe̱lelic. Queꞌco̱eb saꞌ li naꞌajej Ararat. Ut aꞌ chic laj Esar-hadón li ralal qui-oc chokꞌ rey chokꞌ re̱kaj laj Senaquerib.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Isaías 37:17

At Ka̱cuaꞌ, china̱cuabi. Chacuil li cꞌaꞌru yo̱co chixcꞌulbal. At Ka̱cuaꞌ, chacuabi li ra̱tin xtakla chak cue laj Senaquerib. Yo̱ cha̱majecuanquil la̱at, li yoꞌyo̱quil Dios.

Salmos 68:33

Cheqꞌuehak xlokꞌal li Ka̱cuaꞌ li quicꞌamoc be saꞌ chok chiruheb lix tenamit junxil. Cherabihak li cꞌaꞌru naxye li Ka̱cuaꞌ li quia̱tinac chi cau xya̱b xcux riqꞌuin xnimal xcuanquil.

Salmos 59:13

Chasacheb riqꞌuin la̱ joskꞌil. Chasacheb chi junaj cua re nak chixjunileb teꞌxqꞌue retal nak la̱at li Dios li kꞌaxal nim a̱cuanquil saꞌ xbe̱neb laj Israel joꞌ ajcuiꞌ saꞌ chixjunil li ruchichꞌochꞌ.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Hebreos 12:29

Li kaDios chanchan jun li xam xban nak tixsach chixjunil li incꞌaꞌ us.

Éxodo 14:27

Ut saꞌ li cutan aꞌan toj ekꞌela laj Moisés quixqꞌue li rukꞌ saꞌ xbe̱n li palau. Ut li haꞌ quixjunaji rib. Riqꞌuin li quixba̱nu li Dios, eb laj Egipto queꞌxsach xnaꞌleb saꞌ xyi li palau ut queꞌe̱lelic raj saꞌ li haꞌ.

Deuteronomio 4:24

xban nak li Ka̱cuaꞌ le̱ Dios najoskꞌoꞌ nak nequelokꞌoni li jalanil dios. Chanchan jun li xam li naxsach chixjunil li incꞌaꞌ us.

Éxodo 5:12

Tojoꞌnak chixjunileb laj Israel queꞌxjeqꞌui rib saꞌ li tenamit Egipto chixsicꞌbaleb lix qꞌuim.

Li xHu LAJ JOB 9:4

Li Dios cuan xnaꞌleb ut nim xcuanquil. Cau rib. Ma̱ ani ta̱ru̱k ta̱numta̱k chiru.