Éxodo 15:27 - Li Santil hu

²⁷ Queꞌcuulac saꞌ jun li naꞌajej Elim xcꞌabaꞌ. Aran cuanqueb cablaju li yuꞌam haꞌ ut cuanqueb ajcuiꞌ laje̱b xca̱cꞌa̱l (70) li ni̱nki cheꞌ palmera. Ut aran quilajeꞌxyi̱b xmuheba̱l chire eb li haꞌ.

Q'eqchi Bible

²⁷ Moqon chik ke'wulak Elín, b'arwi' wankeb' kab'laju xyo'leb'aal ha' ut lajeeb' xkaak'aal (70) toon chi kala', ut aran ke'hilank chire li ha'.

Éxodo 15:27 ပူးပေါင်းရင်းမြစ်များ

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Números 33:9

Nak queꞌel Mara, queꞌco̱eb Elim. Saꞌ li naꞌajej aꞌan cuan cablaju li yuꞌam haꞌ ut laje̱b xca̱cꞌa̱l li cheꞌ palma. Ut aran queꞌxyi̱b lix muheba̱leb.

Ezequiel 47:12

Ut chire li nimaꞌ saꞌ xcaꞌ pacꞌalil teꞌcua̱nk qꞌuila pa̱y ru li cheꞌ teꞌu̱chi̱nk. Li cheꞌ aꞌan incꞌaꞌ teꞌtꞌanekꞌ lix xak ut incꞌaꞌ teꞌxcanab u̱chi̱nc. Rajlal teꞌu̱chi̱nk saꞌ xkꞌehil xban nak cuanqueb chire li nimaꞌ li na-el saꞌ li templo. Li cheꞌ aꞌan teꞌu̱chi̱nk ut li ru ta̱loꞌekꞌ ut lix xak ta̱cꞌanjelak chokꞌ ban.—

Isaías 12:3

Cꞌajoꞌ nak ta̱sahokꞌ xchꞌo̱leb riqꞌuin li colba-ib. Chanchan nak nacꞌojla xchꞌo̱l li ta̱chakik re nak narucꞌ li haꞌ.

Éxodo 16:1

Jun po riqꞌuin oꞌlaju cutan reliqueb chak Egipto nak queꞌel chixjunileb laj Israel saꞌ li naꞌajej Elim. Coxeꞌxtau li chaki chꞌochꞌ Sin xcꞌabaꞌ li nacana saꞌ xyiheb li naꞌajej Elim ut Sinaí.

Salmos 23:2

Aꞌan naxqꞌue chixjunil li cꞌaꞌru nacuaj joꞌ jun li pastor naril chi us lix carner. Naxcꞌam lix carner saꞌ li naꞌajej bar cuan cuiꞌ li cha̱bil pachꞌayaꞌ ut naxqꞌueheb chi hila̱nc. Chire li tuktu̱quil haꞌ naxqꞌueheb chi ucꞌac.