Éxodo 15:25 - Li Santil hu

²⁵ Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.

Q'eqchi Bible

²⁵ Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Éxodo 15:25 ပူးပေါင်းရင်းမြစ်များ

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Salmos 66:10

At inDios, la̱at xatyaloc rix li kapa̱ba̱l. Xacuisi li kama̱usilal joꞌ nak na-isi̱c lix tzꞌajnil li plata saꞌ li xam.

Jueces 3:1

Li Ka̱cuaꞌ quixcanabeb lix xicꞌ nequeꞌiloc reheb saꞌ lix naꞌajeb laj Israel re xyalbal rixeb li ralal xcꞌajol eb laj Israel li toj teꞌyoꞌla̱k mokon xban nak incꞌaꞌ queꞌpletic chire̱chaninquil li naꞌajej Canaán.

Jueces 3:4

Eb aꞌan queꞌcanaba̱c aran re xyalbal rixeb laj Israel ut re rilbal ma teꞌxba̱nu na li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés xban li Ka̱cuaꞌ reheb lix xeꞌto̱nil xyucuaꞌeb.

Jueces 2:22

Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Éxodo 16:4

Li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu. La̱in tintakla chak le̱ cua saꞌ choxa. Rajlal cutan eb li cristian teꞌxxoc li joꞌ qꞌuial teꞌxcuaꞌ chiru li jun cutan. Tincuil ma yo̱queb chixpa̱banquil lin chakꞌrab.

2 Reyes 2:21

Nak queꞌxqꞌue li secꞌ re, laj Eliseo quixcꞌam cuan cuiꞌ li yuꞌam haꞌ. Quixcut li atzꞌam saꞌ li haꞌ ut quixye: —Li Ka̱cuaꞌ Dios quixye chi joꞌcaꞌin, “La̱in xinban li haꞌ aꞌin. Ma̱cꞌaꞌ chic xyajel. Incꞌaꞌ chic teꞌca̱mk li teꞌucꞌak re li haꞌ aꞌin, ut eb li yaj aj ixk teꞌyoꞌla̱k chic lix cꞌulaꞌaleb,” chan.—

1 Corintios 1:18

Nak nequeꞌrabi resil lix camic li Cristo chiru li cruz, ma̱cꞌaꞌ na-oc cuiꞌ chiruheb li teꞌxic saꞌ xbalba. To̱ntil naꞌleb aꞌan chanqueb. Aban chiku la̱o li ac xocoleꞌ kꞌaxal lokꞌ aꞌan xban nak aꞌan xcuanquil li Dios.

Jeremías 9:7

Joꞌcan nak li Ka̱cuaꞌ naxye chi joꞌcaꞌin: —Chanchan nak numsinbil saꞌ xam nak tinqꞌue li raylal saꞌ xbe̱neb re nak teꞌxtau xnaꞌlebeb. Cui incꞌaꞌ tinba̱nu chi joꞌcan, ¿cꞌaꞌ chic ru ta̱ru̱k tinba̱nu reheb re teꞌusa̱k?

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

2 Reyes 4:41

Li profeta Eliseo quixye reheb: —Cꞌamomak chak caꞌchꞌinak li cꞌaj, chan. Nak queꞌxqꞌue re, quixcut saꞌ li ucꞌal ut quixye re lix mo̱s: —Qꞌue lix tzacae̱mkeb, chan. Ut nak queꞌxyal queꞌxqꞌue retal nak ma̱cꞌaꞌ re̱cꞌ. Cha̱bil chic.

Éxodo 14:10

Nak queꞌril laj Israel nak yo̱queb chi nachꞌoc laj faraón rochbeneb chak lix soldado quilajeꞌsach xchꞌo̱l ut cꞌajoꞌ nak queꞌxucuac. Japjo̱queb re chiru li Ka̱cuaꞌ Dios.

Salmos 99:6

Laj Moisés ut laj Aarón queꞌcꞌanjelac chiru li Ka̱cuaꞌ chokꞌ aj tij. Ut laj Samuel quitijoc chiru. Eb aꞌan queꞌxtzꞌa̱ma xtenkꞌanquil chiru li Ka̱cuaꞌ ut aꞌan quixsume lix tijeb.

Salmos 81:7

Nak cuanquex saꞌ raylal xetzꞌa̱ma e̱tenkꞌanquil chicuu ut la̱in xexincol. La̱in xinsume toj saꞌ li chok li na-ecꞌan cuiꞌ li ca̱k. Ut aran cuan cuiꞌ li haꞌ Meriba quinyal rix le̱ pa̱ba̱l.

Deuteronomio 13:3

me̱pa̱b li cꞌaꞌru tixye e̱re li profeta aꞌan, chi moco li naxye xya̱lal li matcꞌ. Li Ka̱cuaꞌ le̱ Dios yo̱k chixyalbal e̱rix re rilbal ma nequera li Ka̱cuaꞌ chi anchal e̱chꞌo̱l ut chi anchal e̱metzꞌe̱u.

Éxodo 17:4

Laj Moisés quitijoc chiru li Ka̱cuaꞌ Dios ut quixye: —¿Cꞌaꞌru tinba̱nu riqꞌuineb li tenamit? Oqueb re chincamsinquil chi pec, chan.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

2 Reyes 6:6

Li profeta Eliseo quixye re: —¿Bar xtꞌaneꞌ cha̱cuu? chan. Li cui̱nk quixcꞌut chiru bar quitꞌaneꞌ cuiꞌ li ma̱l. Li profeta quixyocꞌ jun li rukꞌ cheꞌ, ut quixcut saꞌ li nimaꞌ. Ut li ma̱l quitakeꞌ chak saꞌ xbe̱n haꞌ.

Ezequiel 47:7

Nak cuanquin aran, quicuil nak cuanqueb nabaleb li ni̱nki cheꞌ chire li nimaꞌ saꞌ xcaꞌ pacꞌalil.

Ezequiel 47:8

Quixye cue li cui̱nk: —Li haꞌ aꞌin yo̱ chi xic saꞌ li este. Nanumeꞌ saꞌ li ru takꞌa Arabá ut tox-ocak saꞌ li palau Mar Muerto. Nak li haꞌ aꞌin ta̱oc saꞌ li palau, ta̱cha̱bilokꞌ li haꞌ.