Éxodo 15:20 - Li Santil hu

²⁰ Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

Q'eqchi Bible

²⁰ Toja' naq li propeet xMiriam, ranab' laj Aharón, kixchap jun tzojtzoj tun, ut chixjunileb' li rech ixqilal koheb' chirix, wankeb' xtzojtzoj tun sa' ruq'eb' ut yookeb' chi xajok.

Éxodo 15:20 ပူးပေါင်းရင်းမြစ်များ

Salmos 150:4

Te̱tochꞌ le̱ pandero ut texxajok re xqꞌuebal xlokꞌal li Ka̱cuaꞌ. Cheqꞌue taxak xlokꞌal li Ka̱cuaꞌ riqꞌuin le̱ cuajb ut riqꞌuin le̱ xo̱lb.

1 Samuel 18:6

Nak laj David ac xcamsi laj Goliat, eb li soldados queꞌsukꞌi chak saꞌ li ple̱t. Eb li ixk saꞌ chixjunileb li tenamit Israel queꞌel chixcꞌulbal li rey Saúl. Cuanqueb xpanderos saꞌ rukꞌ. Yo̱queb chi xajoc ut yo̱queb chi bicha̱nc xban xsahileb xchꞌo̱l. Ut yo̱queb chixchꞌeꞌbal lix cuajbeb.

Salmos 68:25

Eb li nequeꞌcꞌamoc be, aꞌaneb li nequeꞌbichan ut chirixeb aꞌan yo̱queb chi xic li xkaꞌal li nequeꞌchꞌeꞌoc pandero ut chirixeb aꞌan yo̱queb chi xic laj cuajb.

Jueces 11:34

Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Números 26:59

Laj Amram quisumla riqꞌuin lix Jocabed, jun ixk xcomoneb li ralal xcꞌajol laj Leví. Quiyoꞌla nak cuanqueb aran Egipto. Lix cocꞌal laj Amram li queꞌcuan riqꞌuin lix Jocabed, aꞌaneb laj Aarón, laj Moisés ut lix María.

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Salmos 149:3

Cheꞌxqꞌuehak taxak xlokꞌal li Ka̱cuaꞌ riqꞌuin lix arpa ut riqꞌuin lix pandero. Cheꞌxajok re xqꞌuebal xlokꞌal lix cꞌabaꞌ.

Jueces 4:4

Saꞌ eb li cutan aꞌan yo̱ chi cꞌamoc be saꞌ xya̱nkeb laj Israel jun li ixk, xDébora xcꞌabaꞌ. Aꞌan rixakil laj Lapidot ut xprofeta li Ka̱cuaꞌ.

San Lucas 2:36

Ut cuan ajcuiꞌ jun li xma̱lcaꞌan aran profeta, xAna xcꞌabaꞌ. Aꞌan xrabin laj Fanuel xcomoneb li ralal xcꞌajol laj Aser. Ac ti̱x chic. Toj sa̱j nak quisumla ut cuukub chihab ajcuiꞌ quicuan rochben lix be̱lom.

Salmos 81:2

Chexbicha̱nk ut te̱tochꞌ li pandero re xqꞌuebal xlokꞌal. Chexbicha̱nk riqꞌuin li arpa ut li salterio.

2 Reyes 22:14

Laj Hilcías laj tij, rochbeneb laj Ahicam, laj Acbor, laj Safán ut laj Asaías queꞌco̱eb riqꞌuin lix Hulda chi patzꞌoc. Lix Hulda, aꞌan jun xprofeta li Dios. Aꞌan rixakil laj Salum. Laj Salum, aꞌan li ralal laj Ticva. Laj Ticva, aꞌan li ralal laj Harhas. Laj Salum, aꞌan li na-iloc re li akꞌej li nacꞌanjelac saꞌ li templo. Lix Hulda cuan rochoch Jerusalén saꞌ li naꞌajej li quiyi̱ba̱c mokon. Eb li cui̱nk queꞌa̱tinac riqꞌuin.

Éxodo 2:4

Li ranab li cꞌulaꞌal najt caꞌchꞌin quixqꞌue rib riqꞌuin li cꞌulaꞌal ut yo̱ chixcꞌacꞌalenquil re nak ma̱cꞌaꞌ tixcꞌul.

Hechos 21:9

Aꞌan cuan ca̱hib xrabin toj tukꞌ ixkeb. Eb li xkaꞌal aꞌan nequeꞌyehoc ra̱tin profeta.

Salmos 68:11

Yal riqꞌuin ra̱tin li Dios, queꞌe̱lelic li xicꞌ nequeꞌiloc re lix tenamit li Dios. Ut nabaleb li ixk queꞌyehoc resil.

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

2 Samuel 6:14

Laj David cuan chirix jun li efod yi̱banbil riqꞌuin li cha̱bil tꞌicr lino ut yo̱ chi xajoc chi anchal xchꞌo̱l re xqꞌuebal xlokꞌal li Dios.

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

Jueces 21:21

Kꞌesak e̱ru chi iloc. Nak yo̱keb chi ninkꞌei̱k, eb li xkaꞌal teꞌe̱lk chi chꞌu̱tal re teꞌxajok. Che̱junilex la̱ex tex-e̱lk saꞌ li naꞌajej li mukmu̱kex cuiꞌ. Ut chi ju̱nkal te̱chap ju̱nkak le̱ rixakil saꞌ xya̱nkeb li yo̱keb chi xajoc ut texxic chi junpa̱t saꞌ le̱ tenamit.

Números 20:1

Saꞌ li xbe̱n po re li chihab, eb laj Israel queꞌcuulac saꞌ li chaki chꞌochꞌ Zin ut queꞌcana saꞌ li tenamit Cades. Aran quicam lix María ut aran ajcuiꞌ quimukeꞌ.

1 Corintios 11:5

Ut cui junak ixk incꞌaꞌ naxtzꞌap lix jolom nak ta̱tijok ut nak tixye ra̱tin li Dios, li ixk aꞌan naxcꞌut xxuta̱n lix be̱lom. Chanchaneb li ixk li besbileb chixjunil li rismal xjolom.

2 Samuel 6:16

Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

2 Samuel 6:5

Laj David ut chixjunileb laj Israel yo̱queb chi xajoc ut yo̱queb chi bicha̱nc chi anchaleb xchꞌo̱l re xqꞌuebal xlokꞌal li Ka̱cuaꞌ ut yo̱queb chi cuajbac. Cuanqueb x-arpa, cuanqueb xsalterios, cuanqueb xtambor, ut cuanqueb xxo̱lb ut yo̱queb ajcuiꞌ chixtꞌochbal li sursu̱quil chꞌi̱chꞌ.

1 Corintios 14:34

Eb li ixk incꞌaꞌ teꞌa̱tinak saꞌ li chꞌutubaj ib re xlokꞌoninquil li Dios. Teꞌxpa̱b aꞌin xban nak joꞌcan tzꞌi̱banbil saꞌ lix chakꞌrabeb laj judío. Joꞌcaꞌin na-uxman saꞌ xya̱nkeb chixjunileb laj pa̱banel yalak bar.

Números 12:1

Lix María ut laj Aarón queꞌoc xcuechꞌinquil rix laj Moisés xban nak quisumla riqꞌuin jun ixk Etiopía xtenamit.

Génesis 31:27

—¿Cꞌaꞌut nak incꞌaꞌ xaye cue nak e̱lc chak e̱re cuiqꞌuin? Cui ta xaye cue, la̱in xinba̱nu raj jun nimla ninkꞌe re e̱chakꞌrabinquil. Xinbokeb raj saꞌ li ninkꞌe li nequeꞌchꞌeꞌoc tambor joꞌ eb ajcuiꞌ li nequeꞌchꞌeꞌoc arpa.

2 Samuel 1:20

Me̱ye resil aran Gat, chi moco te̱ye resil saꞌ eb li be aran Ascalón, re nak incꞌaꞌ teꞌsahokꞌ saꞌ xchꞌo̱leb lix rabineb laj filisteo. Me̱ye resil re nak incꞌaꞌ teꞌpiscꞌok xban xsahileb xchꞌo̱l li ixk li incꞌaꞌ nequeꞌxpa̱b li Dios.

1 Crónicas 6:3

Eb li ralal laj Amram, aꞌaneb laj Aarón ut laj Moisés. Lix rabin, aꞌan lix María. Eb li ralal laj Aarón, aꞌaneb aꞌin: laj Nadab, laj Abiú, laj Eleazar ut laj Itamar.

1 Crónicas 15:16

Ut laj David quixye reheb li nequeꞌcꞌamoc be saꞌ xya̱nkeb laj levita nak teꞌxsicꞌ ruheb saꞌ xya̱nkeb li rechꞌalal li teꞌbicha̱nk chi sa saꞌ xchꞌo̱leb ut teꞌxchꞌeꞌ li arpa, li salterio ut li sursu̱quil chꞌi̱chꞌ.

Eclesiastés 3:4

Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Jeremías 31:4

La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Números 12:2

Ut queꞌxye: —¿Ma caꞌaj cuiꞌ ta biꞌ riqꞌuin laj Moisés naa̱tinac li Ka̱cuaꞌ Dios? ¿Ma incꞌaꞌ ta biꞌ ta̱ru̱k ta̱a̱tinak ajcuiꞌ kiqꞌuin la̱o? chanqueb. Ut li Dios quirabi li cꞌaꞌru queꞌxye.

Nehemías 6:14

—At inDios, chaqꞌue taxak retal li raylal li yo̱queb chixba̱nunquil cue laj Sanbalat ut laj Tobías. Ut misach taxak saꞌ a̱chꞌo̱l li quixba̱nu lix Noadías li profeta ixk rochbeneb li jun chꞌol chic profetas li queꞌajoc xqꞌuebal inxiu.—

Salmos 68:26

Chelokꞌoni li Ka̱cuaꞌ che̱junilex la̱ex aj Israel. Cheqꞌuehak xlokꞌal li Ka̱cuaꞌ nak chꞌutchꞌu̱quex.