Éxodo 15:2 - Li Santil hu

² Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Q'eqchi Bible

² Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Éxodo 15:2 ပူးပေါင်းရင်းမြစ်များ

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 118:14

La̱in ninbichan re xlokꞌoninquil li nimajcual Dios. Aꞌan naqꞌuehoc inmetzꞌe̱u ut aꞌan nacoloc cue.

Salmos 18:46

Yoꞌyo li Ka̱cuaꞌ. Lokꞌoninbil taxak ru li Ka̱cuaꞌ. Aꞌan chanchan jun nimla sako̱nac bar nincol cuiꞌ cuib. Chinima̱k taxak xlokꞌal li Ka̱cuaꞌ laj Colol cue.

Salmos 59:17

At inDios, tinbicha̱nk re a̱lokꞌoninquil xban nak la̱at nacatqꞌuehoc incacuilal ut la̱at nacatcoloc cue. La̱at lin Dios li nacatrahoc cue.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Salmos 140:7

At Ka̱cuaꞌ, at inDios, la̱at cau a̱cuib ut la̱at laj Colol cue. La̱at xatcoloc cue nak cuanquin saꞌ li ple̱t.

Salmos 99:9

Chelokꞌonihak li Ka̱cuaꞌ li kaDios. Cheqꞌuehak xlokꞌal saꞌ li tzu̱l Sión lix santil naꞌaj xban nak li Ka̱cuaꞌ li kaDios, aꞌan santo.

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Filipenses 2:11

Li Dios quixqꞌue xlokꞌal li Jesucristo re nak chixjunileb teꞌxchꞌolob xya̱lal riqꞌuin xtzꞌu̱mal re nak li Jesucristo, aꞌan li Ka̱cuaꞌ ut teꞌxqꞌue xlokꞌal li Acuabej Dios.

Salmos 118:28

At Ka̱cuaꞌ, la̱at lin Dios. La̱in tinqꞌue a̱lokꞌal xban nak kꞌaxal nim la̱ cuanquil.

Salmos 99:5

Chenima ru li nimajcual Dios. Checuikꞌib e̱rib chiru li kaDios re xqꞌuebal xlokꞌal xban nak aꞌan santo.

Salmos 34:3

Chikalokꞌonihak li Ka̱cuaꞌ saꞌ comonil. Chikaqꞌuehak xlokꞌal lix cꞌabaꞌ chi junaj kacꞌaꞌux.

Deuteronomio 10:21

Li Ka̱cuaꞌ aꞌan li te̱lokꞌoni xban nak aꞌan le̱ Dios. La̱ex queril li sachba chꞌo̱lej li quixba̱nu riqꞌuin lix nimal xcuanquilal.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

Hechos 4:12

Ut ma̱ ani chic aj iqꞌuin ta̱ru̱k takatau kacolbal, xban nak ma̱cꞌaꞌ chic junak cꞌabaꞌej saꞌ chixjunil li ruchichꞌochꞌ qꞌuebil ta ke re ta̱ru̱k tocolekꞌ cuiꞌ, chan laj Pedro.

Salmos 145:1

At inDios, junelic tinqꞌue a̱lokꞌal. At inRey, junelic tinnima a̱cuu.

2 Samuel 22:47

Yoꞌyo li Ka̱cuaꞌ Dios li nacoloc cue. Ut lokꞌoninbil taxak ru. Chinima̱k taxak xlokꞌal li Ka̱cuaꞌ laj Colol cue.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Éxodo 4:22

Ta̱ye re laj faraón, “Li Ka̱cuaꞌ Dios xye chi joꞌcaꞌin: Eb laj Israel aꞌaneb li xbe̱neb cualal incꞌajol.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Salmos 109:1

At inDios, la̱in ninqꞌue a̱lokꞌal. China̱sume taxak nak nintzꞌa̱ma intenkꞌanquil cha̱cuu.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Éxodo 40:34

Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

Apocalipsis 19:1

Chirix chic aꞌan quicuabi nak nabaleb queꞌecꞌan saꞌ choxa. Chi cau xya̱b xcuxeb yo̱queb chixyebal: Aleluya. Lokꞌoninbil taxak li Ka̱cuaꞌ. Li kaDios, aꞌan li nacoloc. Aꞌan li kꞌaxal nim xcuanquil ut xcꞌulub nak ta̱lokꞌoni̱k.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Juan 4:22

La̱ex aj Samaria incꞌaꞌ nequenau chi tzꞌakal ani nequeqꞌue xlokꞌal. La̱o aj judío nakanau chi tzꞌakal ani nakaqꞌue xlokꞌal xban nak li colba-ib riqꞌuineb laj judío xchal chak.

San Lucas 2:30

xban nak riqꞌuin xnakꞌ cuu xcuil li Colonel li yechiꞌinbil a̱ban,

San Lucas 1:77

Ta̱cꞌut chiruheb li tenamit chanru nak teꞌcuyekꞌ teꞌsachekꞌ lix ma̱queb ut teꞌcolekꞌ.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Jeremías 32:38

Aꞌanakeb lin tenamit ut la̱inak lix Dioseb.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Jeremías 3:23

Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Salmos 132:5

Incꞌaꞌ tinhila̱nk toj tintau xnaꞌaj li Lokꞌlaj Ca̱x li nahilan cuiꞌ li nimajcual Dios. Tento ta̱cua̱nk xnaꞌaj li nimajcual Dios li quixlokꞌoni laj Jacob, chan.

Salmos 68:20

Li kaDios, aꞌan aj Colol ke ut aꞌan ta̱colok ke re nak incꞌaꞌ tocamsi̱k xbaneb li xicꞌ nequeꞌiloc re li Dios.

Salmos 30:1

At Ka̱cuaꞌ, nacatinlokꞌoni xban nak la̱at xatcoloc cue ut incꞌaꞌ xina̱qꞌue chi seꞌe̱c xbaneb li xicꞌ nequeꞌiloc cue.

Salmos 28:8

Li Ka̱cuaꞌ naxqꞌue xcacuil xchꞌo̱l lix tenamit ut aꞌan ajcuiꞌ nacoloc cue la̱in, li sicꞌbil cuu xban.

Salmos 22:10

Chalen saꞌ inyoꞌlajic, cau inchꞌo̱l a̱cuiqꞌuin. Nak toj ma̱jiꞌ ninyoꞌla, ac la̱at ajcuiꞌ chak lin Dios.

Salmos 22:3

La̱at santo. Nim la̱ cuanquilal ut lokꞌoninbilat xbaneb laj Israel.

1 Reyes 8:27

¿Ma naru ta biꞌ nacatcuan saꞌ ruchichꞌochꞌ? Li choxa kꞌaxal nim, abanan aꞌan incꞌaꞌ tzꞌakal chokꞌ a̱naꞌaj, at Ka̱cuaꞌ. ¿Ma tojaꞌ ta chic li cab li xinyi̱b ta̱tzꞌaklok chokꞌ a̱naꞌaj?

1 Reyes 8:13

Abanan la̱in xinyi̱b jun la̱ cuochoch re tatcua̱nk cuiꞌ chi junelic, chan.

2 Samuel 22:51

Riqꞌuin xnimal xcuanquil li Ka̱cuaꞌ xinixcol xban nak la̱in li quinixxakab chokꞌ rey. Ut aꞌan ta̱uxta̱na̱nk cuu, la̱in li sicꞌbil cuu. Ut ta̱ruxta̱na ajcuiꞌ ruheb li cualal incꞌajol chi junelic, chan laj David.

2 Samuel 7:5

—Tatxic riqꞌuin laj David laj cꞌanjel chicuu ut ta̱ye re chi joꞌcaꞌin, “Joꞌcaꞌin xye li Ka̱cuaꞌ. At David, ma̱cuaꞌ la̱at li tatyi̱ba̱nk re lin templo re tincua̱nk cuiꞌ.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Colosenses 2:9

Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

Jueces 5:21

Quilajeꞌcꞌameꞌ xban haꞌ nak quibutꞌir li nimaꞌ Cisón, li junelic cau rok. La̱in tinpletik. Incꞌaꞌ ta̱chꞌina̱nk inchꞌo̱l, chan lix Débora.

Salmos 48:14

Serakꞌihomak reheb le̱ ralal e̱cꞌajol nak li Ka̱cuaꞌ, aꞌan li kaDios chi junelic kꞌe cutan ut aꞌan li naberesin ke chi junelic.

Habacuc 3:13

La̱at catchal chixcolbaleb la̱ tenamit ut chixcolbaleb li ac sicꞌbil ruheb a̱ban. Ut casach ru li nacꞌamoc be saꞌ xya̱nkeb li incꞌaꞌ useb xnaꞌleb. Ut casacheb ru chixjunileb li nequeꞌta̱ken re. Chanchan nak najuqꞌueꞌ jun li cab nak casach chixjunil.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

2 Samuel 7:24

La̱at catsicꞌoc ruheb laj Israel re nak aꞌanakeb la̱ tenamit chi junelic. Ut la̱at, at Ka̱cuaꞌ, la̱atak lix Dioseb.

2 Samuel 22:3

Li Ka̱cuaꞌ, aꞌan lin Dios. Aꞌan li nacoloc cue. Cau inchꞌo̱l riqꞌuin. Chanchan li chꞌi̱chꞌ li nincol cuiꞌ cuib. Aꞌan nacoloc cue riqꞌuin xnimal xcuanquil. Chanchan jun naꞌajej najt xteram bar ninmuk cuiꞌ cuib. Aꞌan li nacoloc cue chiru li ra xi̱cꞌ.

1 Crónicas 16:14

Aꞌan li Ka̱cuaꞌ, li nimajcual Dios. Aꞌan li narakoc a̱tin saꞌ xbe̱neb chixjunileb li cuanqueb saꞌ ruchichꞌochꞌ.

Salmos 118:21

At Ka̱cuaꞌ, la̱in tinqꞌue a̱lokꞌal xban nak xina̱cuabi nak xintzꞌa̱ma intenkꞌanquil cha̱cuu. Ut la̱at xina̱col.