Éxodo 15:17 - Li Santil hu

¹⁷ Toa̱cꞌam saꞌ li tzu̱l li sicꞌbil ru a̱ban li cuan saꞌ li naꞌajej li xayechiꞌi chak ke junxilaj. Toa̱qꞌue chi cua̱nc saꞌ li naꞌajej li xakabanbil a̱ban re nak tatkalokꞌoni.

Q'eqchi Bible

¹⁷ Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Éxodo 15:17 ပူးပေါင်းရင်းမြစ်များ

Salmos 44:2

Ac xkabi ut ac xkanau nak la̱at cattaklan chak re li raylal saꞌ xbe̱neb li tenamit li queꞌlokꞌonin jalanil dios. Ut la̱at cat-isin reheb saꞌ li naꞌajej yechiꞌinbil reheb la̱ cualal a̱cꞌajol. Ut caqꞌueheb la̱ cualal a̱cꞌajol chi cua̱nc saꞌ li naꞌajej aꞌan.

Salmos 80:8

Chanchano li jun to̱n chi uvas nak coa̱cuisi chak aran Egipto la̱o aj Israel. Cacuisiheb li jalaneb xtenamit saꞌ li naꞌajej li coa̱cꞌam cuiꞌ ut aran coa̱qꞌue chi cua̱nc.

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Jeremías 2:21

La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Éxodo 23:20

Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

Éxodo 32:34

Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Deuteronomio 33:19

Teꞌxbokeb li tenamit saꞌ eb li tzu̱l ut aran teꞌmayejak saꞌ ti̱quilal. Teꞌxtau lix biomaleb saꞌ eb li palau ut saꞌ li samaib li cuan chire li palau.

2 Samuel 7:10

La̱in xinqꞌue xnaꞌajeb lin tenamit Israel ut xinqꞌueheb chi cua̱nc aran chi sa saꞌ xchꞌo̱leb. Ma̱ ani ta̱ru̱k ta̱isi̱nk reheb. Chi moco eb li incꞌaꞌ useb xnaꞌleb teꞌxrahobtesiheb joꞌ queꞌxba̱nu chak junxil.

1 Reyes 8:13

Abanan la̱in xinyi̱b jun la̱ cuochoch re tatcua̱nk cuiꞌ chi junelic, chan.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

Salmos 68:16

Eb li tzu̱l aꞌan chanchan nak nequeꞌxcakali li tzu̱l Sión. Usta kꞌaxal najt xterameb ut chꞌinaꞌuseb, abanan li tzu̱l Sión kꞌaxal cuiꞌchic lokꞌ chiruheb aꞌan xban nak li Dios quiraj nak aran ta̱cua̱nk lix templo. Ut li Ka̱cuaꞌ ta̱cua̱nk aran chi junelic kꞌe cutan.

Salmos 76:2

Li templo li nacuan cuiꞌ li Dios, aꞌan cuan saꞌ li tzu̱l Sión aran Salem. (Jerusalén nayeman ajcuiꞌ re.)

Salmos 80:15

Chojulticokꞌ taxak a̱cue la̱o, la̱ cualal a̱cꞌajol li coa̱qꞌue saꞌ li kanaꞌaj, xban nak saꞌ kaya̱nk la̱o ta̱yoꞌla̱k li jun li sicꞌbil ru a̱ban.

Salmos 114:2

chixjunileb laj Israel cuanqueb rubel xcuanquil li Dios. Abanan lix templo quixqꞌue saꞌ lix tenamit laj Judá.

Éxodo 25:8

Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Josué 22:19

Cui la̱ex nequecꞌoxla nak le̱ naꞌaj muxbil ru naru nequexnumeꞌ saꞌ kaya̱nk ut naru nequexcuan saꞌ li naꞌajej cuan cuiꞌ lix tabernáculo li Ka̱cuaꞌ Dios. La̱o incꞌaꞌ nakaj nak te̱kꞌetkꞌeti e̱rib chiru li Ka̱cuaꞌ, chi moco te̱kꞌetkꞌeti e̱rib chiku la̱o riqꞌuin xyi̱banquil jalan chic artal chiru lix artal li Ka̱cuaꞌ Dios.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Ezequiel 37:28

Ut eb li xni̱nkal ru tenamit teꞌxqꞌue retal nak la̱in li Ka̱cuaꞌ quinsantobresiheb laj Israel nak quinqꞌue chi cua̱nc lin templo chi junelic saꞌ xya̱nkeb, chan li Ka̱cuaꞌ.