Éxodo 15:16 - Li Santil hu

¹⁶ Chacuocsiheb taxak xxiuheb chixjunil li tenamit. Mem ta cheꞌcana̱k nak teꞌrabi lix nimal la̱ cuanquilal re nak la̱o li tenamit li xasicꞌ ru tonumekꞌ saꞌ xya̱nkeb.

Q'eqchi Bible

¹⁶ “Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 15:16 ပူးပေါင်းရင်းမြစ်များ

Salmos 74:2

Chijulticokꞌ a̱cue li kaxeꞌto̱nil yucuaꞌ li xacoleb najter nak cuanqueb aran Egipto. La̱at xacoleb chiruheb li yo̱queb chi rahobtesi̱nc reheb re nak ta̱cꞌameb cuiꞌchic saꞌ li naꞌajej li xayechiꞌi reheb. Chijulticokꞌ a̱cue li tzu̱l Sión li nacatcuan cuiꞌ.

Deuteronomio 2:25

Saꞌ li cutan aꞌin la̱in tinqꞌue xxiuheb chixjunileb li tenamit li cuanqueb rubel choxa. Teꞌrabi resil li cꞌaꞌru yo̱kex ut sicsotkeb xban xxiuheb che̱ru,” chan li Dios.

1 Samuel 25:37

Cuulajak chic nak ac xnumeꞌ xcalajic laj Nabal, li rixakil quixserakꞌi re li cꞌaꞌru quicꞌulman. Cꞌajoꞌ nak qui-oc xcꞌaꞌux laj Nabal chirabinquil aꞌan. Quisach xnaꞌleb ut incꞌaꞌ chic qui-ecꞌan.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Jeremías 31:11

Li Ka̱cuaꞌ ta̱colok reheb li ralal xcꞌajol laj Jacob. Aꞌan ta̱colok reheb saꞌ rukꞌeb li kꞌaxal cauheb rib chiruheb aꞌan.

Deuteronomio 11:25

Ma̱ ani tixcuy e̱sumenquil. Li Ka̱cuaꞌ le̱ Dios tixba̱nu joꞌ quixye e̱re. Tixqꞌueheb xxiuheb chixjunileb ut teꞌxucuak e̱ban yalak bar texxic.

Éxodo 11:7

Riqꞌuin aꞌan ta̱qꞌue retal nak eb laj Israel sicꞌbileb ru inban. Eb aꞌan ma̱cꞌaꞌ teꞌxcꞌul, chi moco eb li xul. Chi ti̱c ma̱cꞌaꞌ teꞌxcꞌul laj Israel. Chi moco li tzꞌiꞌ teꞌcuo̱bak,” chan li Dios.—

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

Éxodo 23:27

La̱in tinqꞌueheb chixjapbal reheb xbaneb xxiu li tenamit li texnumekꞌ cuiꞌ. Ut teꞌe̱lelik li xicꞌ nequeꞌiloc e̱re che̱ru la̱ex.

Génesis 35:5

Li Dios quixqꞌue xxiuheb chixjunileb li tenamit li cuanqueb chi nachꞌ riqꞌuin li quicuan cuiꞌ laj Jacob. Xban nak queꞌxucuac, incꞌaꞌ queꞌxta̱ke laj Jacob re teꞌxpleti nak yo̱queb chi xic Bet-el.

Éxodo 15:5

Quixjunaji rib li haꞌ saꞌ xbe̱neb. Queꞌco̱eb rubel li haꞌ joꞌ nak nasube li pec saꞌ li haꞌ.

Éxodo 15:6

At Ka̱cuaꞌ, kꞌaxal nim la̱ cuanquilal. Caqꞌue la̱ cuukꞌ saꞌ xbe̱neb li queꞌrahobtesin chak ke ut xeꞌosoꞌ.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Éxodo 18:8

Laj Moisés quixserakꞌi re li quilajxba̱nu li Ka̱cuaꞌ Dios riqꞌuin laj faraón joꞌ eb ajcuiꞌ laj Egipto saꞌ xcꞌabaꞌeb laj Israel. Quixserakꞌi reheb chirix chixjunil li raylal li quilajeꞌxcꞌul nak yo̱queb chi xic saꞌ li chaki chꞌochꞌ ut quixye reheb chanru nak li Ka̱cuaꞌ Dios quixcoleb laj Israel.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Éxodo 23:20

Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

Deuteronomio 2:4

Ta̱ye reheb laj Israel chi joꞌcaꞌin: Oc e̱re chi numecꞌ saꞌ lix naꞌajeb li ralal xcꞌajol laj Esaú, le̱ rechꞌalal li cuanqueb saꞌ li naꞌajej Seir. Eb aꞌan teꞌxucuak che̱rilbal, abanan la̱ex te̱ba̱nu cue̱nt.

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

Salmos 105:38

Eb laj Egipto queꞌsahoꞌ saꞌ xchꞌo̱leb nak queꞌel xban nak queꞌoc xxiu riqꞌuin li cꞌaꞌru queꞌxcꞌul.

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Éxodo 23:22

Cui la̱ex te̱rabi li cꞌaꞌru naxye e̱re ut te̱ba̱nu chi tzꞌakal li cꞌaꞌru xinye la̱in, la̱in xicꞌ teꞌcuil li xicꞌ nequeꞌiloc e̱re. Ut tinba̱nu raylal reheb li nequeꞌxba̱nu raylal e̱re la̱ex.

Salmos 89:14

La̱at nacatrakoc a̱tin saꞌ ti̱quilal. Nacacꞌutbesi lix ya̱lal ut la̱ rahom riqꞌuin chixjunil li nacaba̱nu.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.