Éxodo 15:15 - Li Santil hu

¹⁵ Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

Q'eqchi Bible

¹⁵ K'ajo' naq ke'xiwak eb' li neke'taqlank sa' xb'een Edom; ke'sachk xch'ool eb' li xb'eenil aj Mohab; neke'siksotk chixjunileb' laj Kanahán.

Éxodo 15:15 ပူးပေါင်းရင်းမြစ်များ

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 2:11

Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Deuteronomio 2:4

Ta̱ye reheb laj Israel chi joꞌcaꞌin: Oc e̱re chi numecꞌ saꞌ lix naꞌajeb li ralal xcꞌajol laj Esaú, le̱ rechꞌalal li cuanqueb saꞌ li naꞌajej Seir. Eb aꞌan teꞌxucuak che̱rilbal, abanan la̱ex te̱ba̱nu cue̱nt.

Génesis 36:40

Aꞌaneb aꞌin lix cꞌabaꞌeb li queꞌtaklan saꞌ xbe̱neb li ju̱nk chꞌu̱tal li ralal xcꞌajol laj Esaú. Li tenamit li queꞌtaklan cuiꞌ quiqꞌueheꞌ xcꞌabaꞌeb joꞌ xcꞌabaꞌeb li queꞌtaklan saꞌ xbe̱neb. Aꞌaneb aꞌin lix cꞌabaꞌeb: laj Timna, laj Alva, ut laj Jetet,

Habacuc 3:7

Quicuil nak queꞌxcꞌul li raylal li cuanqueb saꞌ li naꞌajej Cusán. Ut nequeꞌsicsot xbaneb xxiu li cuanqueb Madián.

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

Ezequiel 21:7

Nak teꞌxpatzꞌ a̱cue cꞌaꞌut nak yo̱cat chi ya̱bac, la̱at ta̱ye reheb, “Yo̱quin chi ya̱bac xban resil li raylal li cha̱lc re.” Nak te̱rabi resil la̱ex, cꞌajoꞌ nak texxucuak. Ma̱cꞌaꞌak chic xmetzꞌe̱u le̱ rok e̱rukꞌ. Sicsotkex aj chic xban e̱xiu ut chixjunilex ta̱chꞌina̱nk e̱chꞌo̱l. Cuulac re xkꞌehil. Relic chi ya̱l ta̱cꞌulma̱nk, chan li nimajcual Dios.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

2 Samuel 17:10

Usta eb la̱ soldados cauheb rib joꞌ xcacuil rib li cakcoj, teꞌxucuak xban nak chixjunileb laj Israel nequeꞌxnau nak la̱ yucuaꞌ kꞌaxal cau rib chi pletic. Ut eb li cuanqueb rochben cauheb ajcuiꞌ rib chi pletic.

1 Samuel 14:16

Ut eb lix soldado laj Saúl li yo̱queb chi cꞌacꞌale̱nc aran Gabaa saꞌ xnaꞌajeb li ralal xcꞌajol laj Benjamín queꞌril nak yo̱queb chi xucuac laj filisteo ut yo̱queb chi e̱lelic yalak bar.

Josué 14:8

Eb li queꞌcuulac chicuix queꞌxqꞌue xxiuheb li tenamit riqꞌuin li cꞌaꞌru queꞌxye chirix li naꞌajej aꞌan. Abanan la̱in quinba̱nu joꞌ li quixye li Ka̱cuaꞌ lin Dios.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Deuteronomio 20:8

Ut eb li nequeꞌtaklan teꞌxye ajcuiꞌ, “¿Ma cuan junak xchꞌinan xchꞌo̱l ut ta̱xucuak? Cui cuan, chisukꞌi̱k saꞌ rochoch re nak eb li ras ri̱tzꞌin incꞌaꞌ teꞌchꞌina̱nk xchꞌo̱leb xban.”

Génesis 36:15

Li queꞌtaklan saꞌ xbe̱neb li ralal xcꞌajol laj Esaú, aꞌaneb li ralal laj Elifaz li asbej saꞌ xya̱nkeb li ralal xcꞌajol laj Esaú. Aꞌaneb aꞌin lix cꞌabaꞌeb: laj Temán, laj Omar, laj Zefo ut laj Cenaz,

Salmos 48:5

Abanan nak queꞌril li tenamit Jerusalén, queꞌsach xchꞌo̱leb. Queꞌxucuac ut queꞌe̱lelic.

Jeremías 49:23

Joꞌcaꞌin quixye li Ka̱cuaꞌ chirixeb laj Damasco: —Queꞌsach xchꞌo̱leb li cuanqueb aran Hamat ut eb li cuanqueb Arfad xban nak queꞌrabi resil li raylal li ta̱cha̱lk. Incꞌaꞌ chic cꞌojcꞌo xchꞌo̱leb. Chanchaneb li palau li yo̱ chi ecꞌa̱nc ru.

Génesis 36:16

joꞌ eb ajcuiꞌ laj Coré, laj Gatam, ut laj Amalec. Aꞌaneb aꞌin li queꞌtaklan saꞌ xbe̱neb li ralal xcꞌajol laj Elifaz saꞌ li tenamit Edom. Aꞌaneb li ri lix Ada.

Habacuc 3:6

Quixakli li Ka̱cuaꞌ ut quirakoc a̱tin saꞌ xbe̱neb li cuanqueb saꞌ ruchichꞌochꞌ. Yal quirileb li tenamit ut nequeꞌsicsot queꞌcana. Eb li tzu̱l li cuanqueb chak chalen saꞌ xticlajic li ruchichꞌochꞌ quilajeꞌecꞌan. Quilajeꞌtꞌaneꞌ li najter tzu̱l. Aban li cꞌaꞌru naxba̱nu li Ka̱cuaꞌ incꞌaꞌ najala. Cuan ban chi junelic.