Éxodo 15:14 - Li Santil hu

¹⁴ Eb li jalaneb xtenamit teꞌrabi resil li cꞌaꞌru xaba̱nu. Ut sicsotkeb xbaneb xxiu. Ut cꞌajoꞌ nak teꞌxucuak laj filisteo.

Q'eqchi Bible

¹⁴ Ke'rab'i a'an eb' li tenamit ut ke'xsiksiki rib'; chanchan xrahil alank kichalk sa' xb'eeneb' laj Filistea.

Éxodo 15:14 ပူးပေါင်းရင်းမြစ်များ

Deuteronomio 2:25

Saꞌ li cutan aꞌin la̱in tinqꞌue xxiuheb chixjunileb li tenamit li cuanqueb rubel choxa. Teꞌrabi resil li cꞌaꞌru yo̱kex ut sicsotkeb xban xxiuheb che̱ru,” chan li Dios.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Salmos 48:6

Nequeꞌsicsot queꞌcana xban xxiuheb ut queꞌoc chirecꞌanquil jun li raylal. Chanchan xraylal junak ixk oc re chi qꞌuira̱c.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Números 22:5

Ut li rey Balac, li ralal laj Zipor, quixtaklaheb lix takl riqꞌuin laj Balaam li ralal laj Beor. Queꞌco̱eb saꞌ li naꞌajej Petor li cuan nachꞌ riqꞌuin li nimaꞌ Éufrates saꞌ lix naꞌajeb laj Amav. Quixye reheb nak teꞌcuulak riqꞌuin laj Balaam teꞌxye re: —Nabaleb li cristian queꞌchal chak Egipto. Nachꞌ cuanqueb riqꞌuin li kanaꞌaj ut teꞌraj re̱chaninquil.

Josué 10:2

Cꞌajoꞌ nak quixucuac li rey nak quirabi aꞌan xban nak li tenamit Gabaón, aꞌan nimla tenamit ut kꞌaxal nim xcuanquil chiru li tenamit Hai. Ut chixjunileb li cui̱nk aꞌan cauheb rib.

1 Samuel 4:7

Cꞌajoꞌ nak queꞌxucuac ut queꞌxye: —Li Dios cuan saꞌ xya̱nkeb. Ma̱ jun sut quicꞌulman joꞌ aꞌin. Anakcuan xo-osoꞌ.

1 Crónicas 14:17

Joꞌcan nak qui-abi̱c resil yalak bar li cꞌaꞌru quixba̱nu laj David. Ut li Ka̱cuaꞌ quixqꞌueheb xxiuheb chixjunileb li jalan tenamit nak queꞌrabi resil.

Isaías 23:5

Cꞌajoꞌ nak ta̱rahokꞌ xchꞌo̱leb laj Egipto nak teꞌrabi resil nak xsacheꞌ ru li tenamit Tiro.

Ezequiel 32:9

Nabaleb li tenamit teꞌrahokꞌ saꞌ xchꞌo̱leb nak teꞌrabi resil nak texcꞌamekꞌ chi pre̱xil saꞌ eb li xni̱nkal ru tenamit li incꞌaꞌ nequenau ruheb.

Habacuc 3:7

Quicuil nak queꞌxcꞌul li raylal li cuanqueb saꞌ li naꞌajej Cusán. Ut nequeꞌsicsot xbaneb xxiu li cuanqueb Madián.

Josué 2:11

Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Josué 9:9

Ut eb aꞌan queꞌchakꞌoc ut queꞌxye: —La̱o xochal chak saꞌ najtil tenamit xban nak xkabi chixjunil li yo̱ chixba̱nunquil li Ka̱cuaꞌ le̱ Dios. Xkabi resil chixjunil li quilajxba̱nu chak aran Egipto.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Salmos 48:7

Queꞌxcꞌul joꞌ queꞌxcꞌul li ni̱nki jucub reheb laj Tarsis nak quilajeꞌsacheꞌ xban li cacuil ikꞌ li quichal chak saꞌ releb sakꞌe, li taklanbil chak xban li Dios.

Habacuc 3:6

Quixakli li Ka̱cuaꞌ ut quirakoc a̱tin saꞌ xbe̱neb li cuanqueb saꞌ ruchichꞌochꞌ. Yal quirileb li tenamit ut nequeꞌsicsot queꞌcana. Eb li tzu̱l li cuanqueb chak chalen saꞌ xticlajic li ruchichꞌochꞌ quilajeꞌecꞌan. Quilajeꞌtꞌaneꞌ li najter tzu̱l. Aban li cꞌaꞌru naxba̱nu li Ka̱cuaꞌ incꞌaꞌ najala. Cuan ban chi junelic.