Éxodo 15:11 - Li Santil hu

¹¹ Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Q'eqchi Bible

¹¹ “Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Éxodo 15:11 ပူးပေါင်းရင်းမြစ်များ

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

1 Samuel 2:2

Ut quixye ajcuiꞌ: —Ma̱cꞌaꞌ chic junak Dios santo joꞌ li nimajcual Dios. Ma̱ ani naru nacoloc ke. Caꞌaj cuiꞌ li Ka̱cuaꞌ. Ma̱ ani chic junak joꞌ aꞌan.

2 Samuel 7:22

At nimajcual Dios, kꞌaxal nim la̱ cuanquilal. Ma̱ jun chic nim xcuanquil joꞌ la̱at. Ma̱ jun chic Dios cuan. Caꞌaj cuiꞌ la̱at, joꞌ ac kabiom resil.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Deuteronomio 3:24

At nimajcual Dios, la̱in aj cꞌanjel cha̱cuu. Xatiquib xcꞌutbal la̱ cuanquilal chicuu. Ninnau nak kꞌaxal nim la̱ cuanquil xban nak ma̱cꞌaꞌ chic junak dios tixba̱nu joꞌ nacaba̱nu la̱at. Ma̱ jun cuan, chi moco saꞌ choxa, chi moco saꞌ ruchichꞌochꞌ.

Salmos 86:8

At Ka̱cuaꞌ, ma̱cꞌaꞌ chic junak Dios joꞌ la̱at. Ma̱cꞌaꞌ chic junak Dios naru tixba̱nu li cꞌaꞌru nacaba̱nu la̱at.

Salmos 77:14

La̱at nacaba̱nu li sachba chꞌo̱lej, at Dios, ut cacꞌutbesi la̱ cuanquil chiruheb li tenamit.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Isaías 40:25

¿Cꞌaꞌru aj iqꞌuin tine̱juntakꞌe̱ta? ¿Ani aj iqꞌuin tine̱juntakꞌe̱ta? chan li Dios santo.

Deuteronomio 33:26

La̱ex aj Jesurún te̱nau nak ma̱cꞌaꞌ chic junak dios juntakꞌe̱t riqꞌuin li Ka̱cuaꞌ le̱ Dios. Li Ka̱cuaꞌ nachal chak saꞌ choxa re textenkꞌa. Chanchan nak nachal saꞌ xbe̱n li chok riqꞌuin lix nimal xcuanquil ut riqꞌuin lix nimal xlokꞌal.

Salmos 77:19

Usta kꞌaxal cham li palau, abanan la̱at catnumeꞌ aran nak cajach ru ut ma̱ ani qui-iloc re nak catnumeꞌ aran.

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Salmos 35:10

Chi anchal inchꞌo̱l tinye a̱cue, Ma̱ ani chic joꞌ la̱at, at Ka̱cuaꞌ. La̱at nacacoleb li rahobtesinbileb chiruheb li nequeꞌrahobtesin. Ut nacacoleb ajcuiꞌ li nebaꞌ chiruheb li nequeꞌmakꞌoc re li cꞌaꞌru cuan reheb.

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Salmos 66:5

Cherabihak ut cheqꞌuehak retal li cꞌaꞌru quixba̱nu li Dios. Cheqꞌuehak retal li sachba chꞌo̱lej li quixba̱nu riqꞌuineb lix tenamit.

Jeremías 49:19

La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Salmos 145:17

Li nimajcual Dios naxba̱nu chixjunil saꞌ ti̱quilal. Ut junelic na-uxta̱nan u.

Jeremías 10:16

Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

San Lucas 12:5

La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

Salmos 90:11

¿Ani ta cuiꞌ ta̱cuyuk re xcꞌulbal la̱ joskꞌil? Ut, ¿ani ta cuiꞌ nanaꞌoc re chanru nak nacatjoskꞌoꞌ?

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

Isaías 30:11

Elenkex chiku. Canabomak xba̱nunquil li us li yo̱quex chixba̱nunquil. Incꞌaꞌ chic nakaj rabinquil li cꞌaꞌru nequeye chirix li kaDios santo, la̱o aj Israel, chanqueb.

Salmos 89:18

At nimajcual Dios, la̱at li nacatcoloc ke. La̱at li karey la̱o aj Israel. La̱at santo.

Apocalipsis 13:4

Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Éxodo 20:3

Incꞌaꞌ naru nacuan jalanil dios e̱riqꞌuin chicuu la̱in.

2 Crónicas 2:5

Li templo oc cue chixyi̱banquil, aꞌan kꞌaxal nim xban nak li kaDios, aꞌan li kꞌaxal nim xcuanquil saꞌ xbe̱neb chixjunileb li yi̱banbil dios.

2 Crónicas 6:14

—At Ka̱cuaꞌ, at kaDios la̱o aj Israel, ma̱cꞌaꞌ junak Dios juntakꞌe̱t a̱cuiqꞌuin la̱at, chi moco saꞌ choxa, chi moco saꞌ ruchichꞌochꞌ. Nacaba̱nu li cꞌaꞌru nacayechiꞌi ut nacacuuxta̱na ruheb li ti̱queb xchꞌo̱l li nequeꞌcꞌanjelac cha̱cuu chi anchaleb xchꞌo̱l.

Salmos 22:23

Cheqꞌuehak xlokꞌal li Ka̱cuaꞌ che̱junilex la̱ex li nequexucua ru li Dios. Chenima ru li Ka̱cuaꞌ, la̱ex laj Israel, li ralal xcꞌajolex laj Jacob. Chexucua ru li Ka̱cuaꞌ.

Salmos 113:5

Ma̱ ani chic junak cui̱nk cuan xcuanquil joꞌ lix cuanquil li Ka̱cuaꞌ li kaDios. Aꞌan li rey li cuan saꞌ choxa.

Salmos 136:4

Aꞌan li Ka̱cuaꞌ li naxba̱nu li sachba chꞌo̱lej xban nak kꞌaxal nim li ruxta̱n saꞌ kabe̱n junelic.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Éxodo 8:6

Tojoꞌnak laj Aarón quixyeꞌ lix xukꞌ saꞌ xbe̱neb chixjunileb li haꞌ. Ut queꞌel chak li amoch ut quilajeꞌtam saꞌ li tenamit Egipto.

Deuteronomio 1:30

Li Ka̱cuaꞌ le̱ Dios, aꞌan ta̱cꞌamok be che̱ru. Aꞌan ta̱tenkꞌa̱nk e̱re chi pletic, joꞌ nak quextenkꞌa nak cuanquex Egipto. La̱ex queqꞌue retal cꞌaꞌru quixba̱nu.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

1 Crónicas 16:25

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Aꞌan li tento ta̱xucuak ru xban nak aꞌan li kꞌaxal nim xcuanquil chiruheb chixjunileb li jalanil dios.

Salmos 60:2

Kꞌaxal ra xkacꞌul. Chanchan nak xacuecꞌasi li chꞌochꞌ ut chanchan nak x-itzꞌeꞌ li chꞌochꞌ nak yo̱co chixcꞌulbal li raylal. Anakcuan ut, at inDios, chayi̱b taxak ru li karaylal. Chanchan nak ta̱tzꞌap lix itzꞌilal li chꞌochꞌ nak toa̱tenkꞌa saꞌ li raylal re nak incꞌaꞌ to-osokꞌ.

Salmos 77:11

Ta̱julticokꞌ cue li cꞌanjel quixba̱nu li Ka̱cuaꞌ. Junelic cua̱nk saꞌ inchꞌo̱l li sachba chꞌo̱lej li quixba̱nu junxil.

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.