Éxodo 15:10 - Li Santil hu

¹⁰ Xatakla li cacuil ikꞌ ut quixjunaji rib li haꞌ saꞌ xbe̱neb. Joꞌ li chꞌi̱chꞌ li kꞌaxal a̱l, nak quilajeꞌsubeꞌ rubel haꞌ.

Q'eqchi Bible

¹⁰ Laa'at xataqla chaq laamusiq', ut ke'muqunk rub'el li palaw; chanchan raxch'iich' naq ke'sub'e'k sa' xnimal ru li ha'.

Éxodo 15:10 ပူးပေါင်းရင်းမြစ်များ

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Deuteronomio 11:4

La̱ex queril chanru nak li Ka̱cuaꞌ quixsach ruheb chixjunileb li soldado aj Egipto ut quixsach ajcuiꞌ eb lix cacua̱y ut lix carruaje. Queꞌosoꞌ saꞌ li Caki Palau nak yo̱queb che̱ra̱linanquil.

Éxodo 15:5

Quixjunaji rib li haꞌ saꞌ xbe̱neb. Queꞌco̱eb rubel li haꞌ joꞌ nak nasube li pec saꞌ li haꞌ.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

San Mateo 8:27

Ut cꞌajoꞌ nak queꞌsach xchꞌo̱l lix tzolom nak queꞌril li quixba̱nu ut queꞌxye chi ribileb rib: —¿Chanru nak cuan xcuanquil li cui̱nk aꞌin nak naxkꞌus li ikꞌ ut li palau ut nequeꞌabin chiru? chanqueb.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Jeremías 10:13

Riqꞌuin li ra̱tin naxqꞌue chi cha̱lc chi cau li hab. Ut naxchꞌutub li haꞌ saꞌ xmaril li ruchichꞌochꞌ ut naxqꞌue chi takecꞌ li chok saꞌ choxa. Naxtakla li hab ut li rakꞌ ca̱k ut narisi li ikꞌ saꞌ li naꞌajej li xocxo cuiꞌ ut naxtakla saꞌ ruchichꞌochꞌ.

Salmos 147:18

Ut yal riqꞌuin li ra̱tin nahaꞌoꞌ cuiꞌchic li haꞌ li ac xpeca rib. Naxtakla li ikꞌ ut na-oc cuiꞌchic chi be̱c rok li haꞌ.

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Jeremías 46:17

Nak cua̱nkeb chic aran teꞌxye: —Laj faraón, lix reyeb laj Egipto, junes a̱tinac naxba̱nu. Ac xnumeꞌ xkꞌehil nak ta̱numta̱k saꞌ xbe̱neb li xicꞌ nequeꞌiloc re.

2 Samuel 18:8

Queꞌpletic yalak bar saꞌ li cꞌaleba̱l aꞌan, ut kꞌaxal nabal queꞌcam saꞌ li qꞌuicheꞌ chiru li queꞌcamsi̱c riqꞌuin chꞌi̱chꞌ.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.