Éxodo 15:1 - Li Santil hu

¹ Laj Moisés rochbeneb laj Israel queꞌbichan re xlokꞌoninquil li Ka̱cuaꞌ Dios. Aꞌin lix bicheb: La̱in tinbicha̱nk chiru li Ka̱cuaꞌ Dios xban nak kꞌaxal nim lix cuanquilal. Quixcanabeb chi osocꞌ saꞌ li haꞌ li cacua̱y joꞌ eb ajcuiꞌ li cuanqueb chirix.

Q'eqchi Bible

¹ Toja' naq laj Moisés ut eb' laj Israel ke'xb'icha li b'ich a'in re li Qaawa'; ke'xye: “Tinb'ichanq chiru li Qaawa' xb'aan naq q'axal nim xwankil: kixkuteb' sa' palaw li kawaay ut eb' li b'eleb'aal ch'iich'.

Éxodo 15:1 ပူးပေါင်းရင်းမြစ်များ

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

Salmos 106:12

Toj queꞌril li milagro li quixba̱nu li Ka̱cuaꞌ, tojoꞌnak laj Israel queꞌxpa̱b li cꞌaꞌru quixye li Ka̱cuaꞌ ut queꞌbichan re xqꞌuebal xlokꞌal.

Salmos 107:8

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

Salmos 107:15

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Éxodo 14:27

Ut saꞌ li cutan aꞌan toj ekꞌela laj Moisés quixqꞌue li rukꞌ saꞌ xbe̱n li palau. Ut li haꞌ quixjunaji rib. Riqꞌuin li quixba̱nu li Dios, eb laj Egipto queꞌxsach xnaꞌleb saꞌ xyi li palau ut queꞌe̱lelic raj saꞌ li haꞌ.

Números 21:17

Ut eb laj Israel queꞌxbicha li bich aꞌin: —At becbil haꞌ, qꞌue chak li kahaꞌ ut la̱o takabicha a̱lokꞌal.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Li xHu LAJ JOB 36:24

Chixjunileb nequeꞌxqꞌue xlokꞌal li cꞌaꞌru naxba̱nu. Joꞌcan ajcuiꞌ la̱at. Chijulticokꞌ a̱cue xqꞌuebal xlokꞌal li cꞌaꞌru naxba̱nu.

Salmos 32:7

A̱cuiqꞌuin nincol cuib. La̱at nacattenkꞌan cue nak cuanquin saꞌ raylal. La̱in tinbicha a̱lokꞌal xban nak la̱at junelic cuancat cuiqꞌuin chincolbal.

Salmos 76:6

At Ka̱cuaꞌ Dios, la̱at li Dios li quixlokꞌoni laj Jacob li kaxeꞌto̱nil yucuaꞌ. Nak caye reheb nak ta̱sacheb ru, eb lix carruaje incꞌaꞌ chic queꞌecꞌan saꞌ xnaꞌaj, chi moco eb lix cacua̱y. Sachso̱queb xnaꞌleb queꞌcana.

Salmos 105:43

Quirisiheb laj Israel saꞌ li tenamit Egipto chi sa saꞌ xchꞌo̱leb. Japjo̱queb re xban xsahil xchꞌo̱leb nak queꞌel.

Proverbios 29:6

Li ma̱c li nequeꞌxba̱nu li incꞌaꞌ useb xnaꞌleb, aꞌan ajcuiꞌ li nasachoc reheb. Abanan li ti̱queb xchꞌo̱l junelic nequeꞌbichan xban xsahileb xchꞌo̱l.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Jeremías 51:21

La̱ex texcꞌanjelak chicuu re xsachbaleb li cacua̱y ut eb li soldado li nequeꞌxic chirixeb. La̱ex texsachok reheb li carruajes ut laj chꞌeꞌol reheb.

Habacuc 3:18

Usta chixjunil li cꞌaꞌak re ru aꞌin ma̱cꞌaꞌak chic, abanan la̱in ta̱sahokꞌ saꞌ inchꞌo̱l riqꞌuin li Ka̱cuaꞌ laj Colol cue.

Éxodo 14:26

Tojoꞌnak li Ka̱cuaꞌ Dios quixye re laj Moisés: —Teleb la̱ cuukꞌ saꞌ xbe̱n li palau re nak tixjunaji rib li haꞌ ut ta̱xic saꞌ xbe̱neb laj Egipto rochbeneb lix carruaje, chan.

Salmos 76:7

At Ka̱cuaꞌ Dios, la̱at kꞌaxal xiu xiu a̱cuu. ¿Ani ta cuiꞌ tixcuy xakli̱c cha̱cuu nak nachal a̱joskꞌil?

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.