Éxodo 14:8 - Li Santil hu

⁸ Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Q'eqchi Bible

⁸ Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 14:8 ပူးပေါင်းရင်းမြစ်များ

Hechos 13:17

Li Dios li nequeꞌxlokꞌoni li ralal xcꞌajol laj Israel, aꞌan quixsiqꞌueb ru li kaxeꞌto̱nil yucuaꞌ. Quirosobtesiheb ut quixtamresiheb nak cuanqueb aran Egipto. Ut riqꞌuin xnimal xcuanquil quirisiheb saꞌ li tenamit aꞌan.

Números 33:3

Eb laj Israel queꞌel Ramesés saꞌ li oꞌlaju xbe li xbe̱n po. Ecue̱rak li ninkꞌe Pascua. Cauheb xchꞌo̱l nak queꞌel chiruheb chixjunileb laj Egipto.

Deuteronomio 26:8

Joꞌcan nak li Ka̱cuaꞌ corisi chak Egipto riqꞌuin xnimal xcuanquil. Quixba̱nu li milagro ut sachba chꞌo̱lej nak corisi chak Egipto.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Éxodo 13:16

Li ninkꞌe aꞌan ta̱cꞌanjelak e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios xban nak riqꞌuin lix nimal xcuanquil li Dios quexrisi chak Egipto, chan laj Moisés.

Éxodo 6:1

Ut li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu re laj faraón. Moco caꞌaj cuiꞌ ta tixcanabeb chi xic laj Israel. Saꞌ joskꞌil ban tixyolesiheb nak ta̱risiheb saꞌ lix tenamit, chan li Dios.

Salmos 86:13

Junelic niquina̱ra. Joꞌcan nak xina̱col chiru li ca̱mc.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

Éxodo 13:18

Li Dios quixcꞌameb aꞌan saꞌ li chaki chꞌochꞌ saꞌ xjayal li palau Mar Rojo xcꞌabaꞌ. Nequeꞌtzololnac nak queꞌel chi junju̱nk chꞌu̱tal saꞌ li tenamit Egipto.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 4:21

Li Ka̱cuaꞌ Dios quixye ajcuiꞌ re laj Moisés: —Nak cua̱nkat aran Egipto, ta̱ba̱nu chiru laj faraón chixjunil li cꞌaꞌru xinye a̱cue ut xinqꞌue a̱cuanquilal chixba̱nunquil. La̱in tinqꞌue xcacuil xchꞌo̱l laj faraón re nak incꞌaꞌ tixcanabeb chi e̱lc eb laj Israel.

Éxodo 9:12

Ut li Ka̱cuaꞌ Dios quixcacuubresi xchꞌo̱l laj faraón. Joꞌ quixye li Ka̱cuaꞌ Dios re laj Moisés junxil, laj faraón ti̱c incꞌaꞌ quixba̱nu li cꞌaꞌru queꞌxye.

Éxodo 10:27

Ut li Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic.

Éxodo 14:7

Xbe̱n cua quixtakla li cuakib ciento (600) lix carruaje li mas cha̱bil. Chirix aꞌan quixtakla chixjunileb li incꞌaꞌ mas cha̱bil. Queꞌco̱eb ajcuiꞌ li nequeꞌtaklan reheb.

Éxodo 14:17

La̱in tincacuubresi xchꞌo̱leb laj Egipto re nak teꞌxic che̱rix. Ut riqꞌuin li tinba̱nu riqꞌuineb laj faraón joꞌ eb ajcuiꞌ chixjunileb lix soldado, joꞌ ajcuiꞌ eb lix carruaje, kꞌaxal cuiꞌchic teꞌxqꞌue inlokꞌal eb laj Israel.

Éxodo 15:9

Eb li xicꞌ queꞌiloc ke queꞌxye: —Takata̱keheb. Takachapeb laj Israel. Take̱chani li cꞌaꞌak re ru cuan reheb. Takaba̱nu li cꞌaꞌru takaj reheb. Riqꞌuin li kachꞌi̱chꞌ takacamsiheb, chanqueb laj Egipto.

Lamentaciones 3:65

Chacacuubresi lix chꞌo̱leb re nak incꞌaꞌ teꞌxtau xya̱lal ut chamajecuaheb.

Levítico 26:13

La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Jueces 4:7

La̱in tinba̱nu̱nk re nak teꞌcha̱lk laj Sísara cuan cuiꞌ li nimaꞌ Cisón. Laj Sísara, aꞌan li nacꞌamoc be chiruheb lix soldado li rey Jabín. Teꞌcha̱lk chi pletic e̱riqꞌuin rochbeneb lix soldado ut lix carruaje re pletic. La̱in tatinqꞌue chi numta̱c saꞌ xbe̱neb,” chan li Ka̱cuaꞌ.—

Salmos 105:43

Quirisiheb laj Israel saꞌ li tenamit Egipto chi sa saꞌ xchꞌo̱leb. Japjo̱queb re xban xsahil xchꞌo̱leb nak queꞌel.