Éxodo 14:7 - Li Santil hu

⁷ Xbe̱n cua quixtakla li cuakib ciento (600) lix carruaje li mas cha̱bil. Chirix aꞌan quixtakla chixjunileb li incꞌaꞌ mas cha̱bil. Queꞌco̱eb ajcuiꞌ li nequeꞌtaklan reheb.

Q'eqchi Bible

⁷ Kixk'am lajeek'aal xkab' o'q'ob' (600) xb'eleb'aal ch'iich' li sik'b'ileb' ru, jo' ajwi' chixjunileb' li xb'eleb'aal ch'iich' eb' laj Ejiipt rochb'eeneb' laj puub'.

Éxodo 14:7 ပူးပေါင်းရင်းမြစ်များ

Éxodo 15:4

Quixcanabeb chi osocꞌ saꞌ li haꞌ lix carruaje laj faraón joꞌ eb ajcuiꞌ lix soldado. Lix soldado li kꞌaxal tzolbileb queꞌosoꞌ saꞌ li Caki Palau.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Salmos 68:17

Kꞌaxal cuiꞌchic numtajenak xqꞌuialeb lix carruajes li Ka̱cuaꞌ Dios re pletic. Incꞌaꞌ naru rajlanquileb. Riqꞌuin xnimal xcuanquilal, li Ka̱cuaꞌ toj Sinaí quichal chak ut co̱ saꞌ lix templo aran Sión.

Salmos 20:7

Cuanqueb li cauheb xchꞌo̱l riqꞌuin lix carruajeb re pletic ut cuanqueb ajcuiꞌ li cauheb xchꞌo̱l riqꞌuin lix cacua̱yeb. Abanan la̱o cau kachꞌo̱l riqꞌuin li Ka̱cuaꞌ li kaDios.

Jueces 4:15

Nak queꞌoc chi pletic riqꞌuin chꞌi̱chꞌ laj Barac, li Dios quixsach xnaꞌleb laj Sísara joꞌqueb ajcuiꞌ lix soldado ut eb li yo̱queb chi beresi̱nc reheb li carruaje. Laj Sísara quicube saꞌ lix carruaje ut chi rok chic co̱ nak quie̱lelic.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Éxodo 14:23

Ut chixjunileb lix soldado laj faraón joꞌ eb ajcuiꞌ lix carruaje yo̱queb chixta̱kenquileb laj Israel. Queꞌoc ajcuiꞌ saꞌ xyi li palau saꞌ li chaki be.

Éxodo 14:6

Tojoꞌnak laj faraón quixtakla xbokbaleb lix soldado. Ut quixtakla ajcuiꞌ xcꞌambaleb lix carruaje.

Éxodo 14:8

Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Génesis 50:9

Queꞌco̱eb ajcuiꞌ nabal li soldados saꞌ eb li carre̱t ut nabaleb ajcuiꞌ queꞌco̱eb chirix cacua̱y. Chi joꞌcaꞌin numtajenak xqꞌuialeb laj mukunel li queꞌco̱eb.